१ हाङ् 3:3 - लिम्बु3 सोलोमनरे़ आप्फेक् चैँ कुम्बा दाउदरे़ चोगुबा साम्योथिम् इङ्जाङ्हाॽ इःत्तु नाःत्तुर यहवे दाङ्बे़न्ने मिःम्जि मे़त्तुबा ओसेःन्धाङ् चोगु॥ कर खुने़ॽ उःक्चम्जम्बा चोःक्मनादे़न्हाॽओ सिदुङ्जभा तोःन्दुआङ् सुक्पा हाःन्दु॥ Gade chapit la |
१ हाङ् 3:3
51 Referans Kwoze
यहवे दाङ्बा खिनिॽ निङ्वाॽफुमाङ्ङिन् मिःम्जि मे़प्मा, खुने़ॽ कुलाम्मो लाङ्घेःक्मा, खुने़ॽ कुइङ्जाङ्, कुधिम् नु साम्योथिम्हाॽ इःप्मा नाःप्मारे़ लागि आङ्गाॽ आइन् खिनिॽ इङ्जाङ् पिनिङ्ल पत्ता॥ हे़क्क्याङ्लक् खिनिॽ के़हिङिॽ, खिनिॽ के़बोःन्दि के़धे़ॽरिॽ, हे़क्क्याङ् खिनिॽ युक् चोःक्मा के़इःत्तुम्बा लाजेॽओ यहवे दाङ्बा खिनिॽ निङ्वाॽफुमाङ्ङिल्ले़ खिनिॽ हाङ्वागे़न् मुॽइसाम् के़बिरिॽ॥
सोलोमनरे़ नोगप् पिरु, “खे़ने़ॽ के़से़वारोबा आङ्गाॽ आम्बा दाउदे़न् साॽरिक् लुङ्माॽ के़दुक्तु, थेआङ्भे़ल्ले़ खुने़ॽ खे़ने़ॽनु नसाःन्साबा वये़, हे़क्क्याङ् साम्योबा नु कुसिक्लुङ्मो कुदोःप्मा वये़॥ खुने़ॽ आल्लोआङ् चक्मे़ल्लॽए लुङ्माॽ के़दुक्तुर के़वाॽ, हे़क्क्याङ् आल्ल खुने़ॽ कुएगाङ् हाङ्युक्नाओ युङ्मारे़ लागि खुने़ॽ आइन्बा ये़न्नो ये़म्बित्छा साधिक् के़बिरुआङ् वाॽ॥
हे़क्क्याङ् यहवे दाङ्बा खिनिॽ निङ्वाॽफुमाङ्ङिन् मिःम्जि मे़त्ते़म्मे़ॽर, खुने़ॽ कुइङ्जाङ्हाॽ इःत्ते़म् नाःत्ते़म्मे़ॽ खे़ब्याङ् खुने़ॽओ खिम्मासिम्मिन्ने़ॽआङ् हिङे़म्मे़ॽआङ् वये़म्मे़ॽ॥ थेआङ्भे़ल्ले़ यहवे दाङ्बे़न्ने खिनिॽ हिङ्मारो, हे़क्क्याङ् खिनिॽ थाःक्थे़बा अब्राहाम, इसहाक खम्भ्याङ् याकुबे़न्नु खुने़ॽ पिनिङ् मे़त्तुसिआङ् माङ्हे़क्सिङ्बा लाजेॽओ खुने़ॽ खिनिॽ थाःक् के़जाॽबा के़जोगिरो॥
कल्ले़चोगुल्ले़ आल्ल इस्राइलिसे, यहवे दाङ्बा खिनिॽ निङ्वाॽफुमाङ्ङिल्ले़ खिनिॽलाम् खोमा इःत्तुबा पाःन्हाॽ हाबा कन्लो—यहवे दाङ्बा निङ्वाॽफुमाङ्ङिन्नु खिनिॽ किसे़म्मे़ॽ, खुने़ॽ के़रे़क् कुलाम्हाॽओ लाङ्घेगे़म्मे़ॽ, खुने़ॽ मिःम्जि मे़त्ते़म्मे़ॽ, खिनिॽ के़रे़क् सिक्लुङ्माॽ नु सक्मा साम्मिल्ले़ निङ्वाॽफुमाङ्ङिन् माङ्से़वा मे़त्ते़म्मे़ॽ,
कर खिनिॽ आनिगे़ग यहवे दाङ्बा आनिगे निङ्वाॽफुमाङ्ङो खे़ःम्मासिगे़ फाॽआङ् खिनिॽ के़बाःत्तुम्ने़भग्र, हिजकियाःल्ले़ इःक्सुदेसुबा केःम्ब केःम्बा माङ्धाःन्हाॽ यहवे दाङ्बे़ल्ले़न् मेःन्नाङ्बि? हे़क्क्याङ् यहुदा नु यरुसले़मबा मनाहाॽ यरुसले़ःम्मो के़ने़बा कन् ले़त्ति तोःम्मादे़न्नो खिनिॽ साम्बोन् हबत्ताङ् माङ्से़वा चोःक्मा पोङ्ॽ फाॽआङ् मे़त्तुसिआङ् मे़वये़ने़म्बि?
खुने़ॽ केःम्ब केःम्बादे़न्नोबा माङ्धाःन्हाॽ इःक्सुदेसु, माङ्लुङ्हाॽ थुप्सुदेसु, हे़क्क्याङ् असेरा माङ् सित्लाङ्हाॽ सोःन्दुदेसु॥ मोसाःल्ले़ चोगुबा कासा असेःक्किन् कुम्जिक्मा चोगु, थेआङ्भे़ल्ले़ खे़न् ये़म्मो थारिक् इस्राइलिहाॽरे़ खे़प्मो सुक्पा मे़हाःन्दुआङ् वये़॥ खे़ङ्हाॽरे़ खे़न् नहुस्तान मे़मे़त्तु॥
के़रे़क् पाःन्नो यहोसापाते़न् खुने़ॽ कुम्बारे़ कुलाम्मो लाङ्घेगे़, हे़क्क्याङ् खे़न्लाम् चबे़ःत्छिक्काङ् नाहाङ् कत्नाहाङ् मे़लॽरे़न्॥ यहवे दाङ्बे़ल्ले़ कुनिमो आत्तिन् पाःन्निन् नुबा चोगे़ हाबा खे़न्ने खुने़ॽ चोगु॥ हे़क्केसाङ् कोःक्माहाॽओबा से़वा चोःक्मा माङ्धाःन्हाॽ खुने़ॽ मे़घे़त्तुन्, हे़क्क्याङ् मनाहाॽरे़ खे़प्मो आल्लसाङ् सिदुङ्जभा मे़दोन्दुर हे़क्क्याङ् सुक्पा मे़हाःन्दुर मे़वये़॥
आङ्गाॽ आसे़वारोबा दाउदे़न् हे़क्के आङ्गाॽ के़रे़क् आइङ्जाङ्हाॽ के़इःत्तु के़नाःत्तुआङ् आङ्गाॽ आलाम्मो लाङ्गे़घेःक् हे़क्क्याङ् आङ्गाॽ आसाम्यो थिम्हाॽ नु आइङ्जाङ्हाॽ के़नाःत्तु के़दिम्दुआङ् आङ्गाॽ आनिमो आत्तिन् नुबा चोक् खे़न् के़जोगुने़भग्र, आङ्गाॽ खे़ने़ॽनु वाॽआ॥ दाउदरे़ कुलागि आङ्गाॽ चोगुङ्बा कुइसिक् खे़ने़ॽ के़धाःक्हाॽरे़ लागि सदादिङ् के़वाॽबा थिम्धिक् चोगुङ्ॽ, हे़क्क्याङ् इस्राइले़न् आङ्गाॽ खे़ने़ॽ पिने़रो॥
मनाहाॽरे़ खुन्छिॽ तोःम्मा के़बोङ्बा सिदुङ्जभाहाॽ लाःक्कात् ताम्दाम्बादे़न्नो सिदुङ्जभा मे़न्दोःन्दुन्ल फाॽआङ् कन् इङ्जाङ्ङिन् पोःक्खे़आङ् वाॽ॥ खे़ङ्हाॽरे़ निङ्वाॽफुसाम्बाओ तुम्मादे़न् साःङ्गाहिम्मोए ताःप्मासिआङ् खे़ङ्हाॽ यहवे दाङ्बाओ तङ्जुम् वयागे़न् सिदुङ्जभा हे़क्के तोःम्मासि पोङ्ॽ॥
“कल्ले़चोगुल्ले़ आल्ल यहवे दाङ्बा इस्राइलबा निङ्वाॽफुमाङ्ङे, खे़ने़ॽ के़से़वारोबा दाउद आङ्गाॽ आम्बानु अक्खेलॽरिक् माङ्हुप् के़जोगुआङ् के़बाःत्तुबान् के़त्ते़ॽओ, ‘खे़ने़ॽ लाङ्गे़घेबा कुइसिक् खे़ने़ॽ के़स्साहाॽ खुन्छिॽ ये़प्ले़क्को सिङ्सिङ्ङाङ् आङ्गाॽ आदगि लाङ्मे़घेःक्ने़भग्ररक्, इस्राइलबा हाङ्युक्नाओ युङ्मारे़ लागि आभे़ल्ले़आङ् मना मे़न्छुःन्ने़न्ॽ॥’
आङ्गाॽ दाउदरे़ कुहिम्सयङ्हाॽरे़ खुन्छिॽ हुक्कोलाम् हाङ्जुम्मिन् नाप्तुङ्सिङ्ङाङ् खे़ने़ॽ पिने़॥ कर खे़ने़ॽग आङ्गाॽ आसे़वारोबा दाउदे़न् हे़क्के के़बोःक्खे़बा होप्, खुने़ॽ आङ्गाॽ आनिमो थेःन् नुबा चोक् हाबा खे़न्लक् चोगुर आङ्गाॽ आइङ्जाङ्ङिन् इःत्तु नाःत्तु हे़क्क्याङ् के़रे़क् कुसिक्लुङ्माॽरे़ आङ्गाॽ तिम्दाङ्॥
Piblisite