खे़न्नुःल्ले़ग ख्रिस्तरे़ कुमाक्खिॽइल्ले़ आक्ख्याक् यरिक् सुत्थो आजोक्! खुने़ॽ मे़न्नुप्मनाबा सेसेमाङ्लाम् कुसाङ् के़लबा सिदुङ्जभा पोङ्से़ निङ्वाॽफुमाङ्ङो आबाङे तोःन्छिङ्लो॥ आजुनि निङ्वाॽफुमाङ्ङिन् से़वा चोःक्मा आसुक्तुम्ल फाॽआङ् कुमाक्खिॽइल्ले़ सिमे़न्नो के़देॽबा याःम्बक्लाम् आनिॽ खासिङ्ङिन् सुत्थो चोगुॽरो॥
१ युहुन्ना 5:6 - लिम्बु6 ये़सु ख्रिस्ते़न् ये़आङ् च्वाःत्तो बप्तिस्मा पोःक्खे़आङ् सिलाम्साक्मा सिङ्ङो कुमाक्खिॽइन् वादेःन्दु॥ खुने़ॽग च्वाःत्लाम्रक् मे़ये़ने़न् कर च्वाःत् नु माक्खिॽ ने़प्माङ्लाम् ये़रो॥ हे़क्क्याङ् सेसेमाङ्ङिल्ले़ कन् पाःन्निन् से़क्खाएरो फाॽआङ् आबाङे तोःन्दि पिरुॽ, थेआङ्भे़ल्ले़ सेसेमाङ्ङिन्ने से़क्खा चोक्लो॥ Gade chapit la |
१ युहुन्ना 5:6
39 Referans Kwoze
खुने़ॽग काक् से़क्खाओ लाम्गे़लोबा सेसेमाङ्लो॥ कन् इक्सादिङ् खाम्बेःक्मोबा मनाहाॽरे़ खुने़ॽ खोमा मे़न्छुक्तुन्लो, थेआङ्भे़ल्ले़ खे़ङ्हाॽरे़ खुने़ॽ मे़न्निसुन्नाङ् कुसिङ्ङाङ् मे़न्निःत्तुन्लो॥ कर खिनिॽग खुने़ॽ कुसिङ् के़निःत्तुम्लो, थेआङ्भे़ल्ले़ आल्लो खुने़ॽ खिनिॽनु सोरिक् वाॽ हे़क्क्याङ् के़दाबा ये़म्मोआङ् खिनिॽ हिङ्मन्नो वाॽरो॥
हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
निङ्वाॽफुपाःल्ले़ तगिसा कुसिङ् के़निःत्तिबा कुइसिक् कुमना पोङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
खुने़ॽ आनिॽ ताङ्आसे़ःप्ते़रो॥ कङ्ग आनिॽ आजोगुम्बा नुब् नुबा साम्योबा याःम्बक्किल्ले़ पोःक्खे़बा मेःन्लो, कर खुने़ॽ आप्फेक् लुङ्माॽ आदुक्ते़बाल्ले़ चोगुल्ले़ ताङ्आसे़ःप्ते़बारो, हे़क्क्याङ् सेसेमाङ्लाम्बा निङ्वाॽफुमाङ्ङिल्ले़ कुसङ् मना चोःक्से़ आनिॽ लायोन् वाहप्तुआङ् कुसङ् हिङ्मन् आबिरे़रो॥
कन् वादोःक्किले़न् च्वाःत्तिङ्ग ताङ्गे़से़ःप्तिबा बप्तिस्माल्ले़ कुबि हे़क्तङ्बारो, कङ्ग थक्कोलाम् माक्ख्रक्किन् वागे़हप्तुम्बा हे़क्केग मेःन्, कर सेसे खासिङ्लाम्बा निङ्वाॽफुमाङ्ङो चोःक्मनाबा माङ्हे़क्लो॥ हे़क्क्याङ् खे़न् सेसे खासिङ्ङिङ्ग ये़सु ख्रिस्ते़न् सिमे़न्लाम् याम्मो हिङे़बालाम् तारो॥
थेआङ्भे़ल्ले़ निङ्वाॽफुमाङ्ङिल्ले़ आनिॽ खोमा के़बोङ्बा खुम्दिङ्लाम् ताङ्गे़से़ःप्पा सिदुङ्जभा पोङ्से़ ख्रिस्ते़न् पाङ्घुयुसु॥ खुने़ॽ कुमाक्खिॽइन् आनिॽ लागि वादेःन्दुबा फाॽआङ् नसान् के़जोःक्पा के़रे़क्ले़ लायोलाम् ले़प्मि मे़घोसुॽरो॥ निङ्वाॽफुमाङ्ङिल्ले़ कन् याःम्बक्किन् चोगुआङ् आबाङे खुने़ॽ कुदोःप्मा खासे़न् के़जोःक्पा चोक् फाॽआङ् ओसेःन्धाक्सिङ्, थेआङ्भे़ल्ले़ ख्रिस्ते़न् युमानुःल्ले़ तगि खुने़ॽ कुसिक्किन् थरुआङ् मे़न्छाम् याप्मिहाॽरे़ मे़जोगुबा लायोल्ले़न् खुम्दिङ् मे़बिरुन्छिन्लो॥
हे़क्क्याङ् खे़ङ्हाॽ खे़न् लाम्मो लाम्दिक् चोगे़त्छिर पत्छे़त्छिल्ले़ च्वाःत् के़ने़बा ते़न्नो के़रे़त्छि॥ हे़क्क्याङ् खे़न् से़भक्पे़ल्ले़ सेःन्दोसु, “ओमे़त्ते़ॽ, कप्मो च्वाःत् ने़रो॥ इङ्गाॽ बप्तिस्मा पोङ्मा मे़सुक्कान्बि?” (फिलिपरे़ मे़त्तु, “खे़ने़ॽ काक् के़निङ्वाॽरे़ नसान् के़जोगुने़ फाॽग्र के़सुक्तुरो” खे़न् से़भक्पे़ल्ले़ नोगप् पिरु, “ये़सु ख्रिस्ते़न् निङ्वाॽफुसा फाॽआङ् नसान् चोगुङ्लो॥”)
आनिॽ साम्योरे़ सिगाङ् पाःन्निङ्ग पयम् यम्बा चोक् फाॽआङ् आनिॽ ते़न्दिङ् आजोगुम्लो— निङ्वाॽफुमाङ्ङिन् आप्फेक् नासिङ्गे़न् थक्को थाःम्सिङ्लो, सेसेमाङ्लाम् खुने़ॽ साम्योबा फाॽआङ् ओसेःन्दाङ् पोःक्खे़रो, माङ्लाइङ्बाहाॽरे़ खुने़ॽ मे़निसुरो, मे़न्छाम् सुवाङ्हाॽरे़ खुनिॽ लुम्मो खुने़ॽ इङ्भोसे़रो, इक्सादिङ् खाम्बेःक्मो खुने़ॽ नसान् मे़जोगुरो, मिमिदिङ्ङो खुने़ॽ थाःङ् पङ्सिङ् पेरो!
Piblisite