१ युहुन्‍ना 4:8 - लिम्‍बु

⁸ आत्तिल्‍ले़ वेॽहाॽ लुङ्‌माॽ मे़दुक्‍तुन्‍छिन्, खे़ल्‍ले़ निङ्‌वाॽफुमाङ्‌ङिन्‍नाङ् कुसिङ् मे़निःत्तुन्‍लो, थेआङ्‌भे़ल्‍ले़ निङ्‌वाॽफुमाङ्‌ङिङ्‌ग मना लुङ्‌माॽ के़दुक्‍पा चोक्‍लो॥

१ युहुन्‍ना 4:8 Referans Kwoze

१ युहुन्‍ना 4:16

आनिॽग निङ्‌वाॽफुमाङ्‌ङिल्‍ले़ लुङ्‌माॽ आदुक्‍ते़बान् कुसिङ् आनिःत्तुम् हे़क्‍क्‍याङ् नसान् आजोगुम्‍माङ् आवाॽरो॥ निङ्‌वाॽफुमाङ्‌ङिङ्‌ग मिःम्‍जिरो॥ निङ्‌वाॽफुमाङ्‌ङिन् नु वेॽ मनाहाॽ चक्‍मे़ल्‍लॽए मिःम्‍जि के़मे़प्‍पे़न् निङ्‌वाॽफुमाङ्‌ङो वाॽ हे़क्‍क्‍याङ् निङ्‌वाॽफुमाङ्‌ङिन् खुने़ॽओ वाॽरो॥

निङ्‌वाॽफु साम्‍लोसुम् 86:15

कर यहवे दाङ्‌बाए, खे़ने़ॽग लुङ्‌माॽ आदुक्‍तुक्‍पा नु लुङ्‌गुम्‍साबा निङ्‌वाॽफुमाङ्‌ने़रो, हने़ कुसिक् मे़म्‍बोःक्‍मनाबा, थधप् मे़ल्‍लॽमनाबा मिःम् के़मे़प्‍पा नु नसाःन्‍साबा के़जोःक्‍लो॥

१ युहुन्‍ना 4:7

आमिःम् आन्‍जुम्‍से, आनिॽग लुङ्‌माॽ तुक्‍कासिरो, थेआङ्‌भे़ल्‍ले़ मना लुङ्‌माॽ तुक्‍माङ्‌ग निङ्‌वाॽफुमाङ्‌लाम् तारो॥ वेॽहाॽ लुङ्‌माॽ के़दुक्‍पे़ङ्‌ग निङ्‌वाॽफुसारो, हे़क्‍क्‍याङ् खे़ल्‍ले़ निङ्‌वाॽफुमाङ्‌ङिन् कुसिङ् निःत्तुॽरो॥

२ कोरन्‍थि 13:11

आल्‍ल आमिःम् फुॽनुसाॽ नु ने़ॽनुसाॽसे, कुनुप्‍मो से़म्‍मुॽइ से़वारो॥ कुलिङ्‌दो के़प्‍मा निङ्‌वाॽ चोगे़म्‍मे़ॽ, आबाःन्‍निन् खे़प्‍से़म्‍मे़ॽ, निङ्‌वाॽओ थिक्‍हुप् पोःक्‍खे़म्‍मे़ॽ, सनारुङ्‌ङो वये़म्‍मे़ॽओ॥ हे़क्‍क्‍याङ् मिःम्‍जि नु सनारुङ् दाङ्‌बा निङ्‌वाॽफुमाङ्‌ङिन् खिनिॽनु वाॽरो॥

निङ्‌वाॽफु साम्‍लोसुम् 86:5

यहवे दाङ्‌बाए, खे़ने़ॽ के़नुॽबा नु याप्‍मि ले़प्‍मि के़बिबा के़जोःक्‍लो, हे़क्‍क्‍याङ् खे़ने़ॽओ पेलिगे़न् तुवा के़जोःक्‍पाहाॽ साॽरिक् लुङ्‌माॽ के़दुक्‍तुसिरो॥

एफिसि 2:4

कर साॽरिक् लुङ्‌गुम्‍दाङ्‌बा निङ्‌वाॽफुमाङ्‌ङिल्‍ले़ साॽरिक् लुङ्‌माॽ आदुक्‍ते़रो॥

१ युहुन्‍ना 1:5

आल्‍ल निङ्‌वाॽफुमाङ्‌ङिन् से़न्‍दाङ्‌गे़न् ओःत्तिरो, खुने़ॽओ मिसाक्‍काङ् खादाम्‍मान् होप्‍लो के़लॽबा इङ्‌घङ्‌ङिन् आबुगे़न् कुस्‍सान्‍लाम् खे़प्‍सुम्‍बे़आङ् खिनिॽ मे़त्तासिगे़आङ् वाॽरो॥

१ युहुन्‍ना 3:6

हे़क्‍केःल्‍ले़ आत्तिन् ख्रिस्‍तओ वाॽ, खे़ल्‍ले़ लायो चोगुर मे़वाॽने़न्‍लो॥ कर आत्तिल्‍ले़ लायो चोगुर वाॽ, खे़ल्‍ले़ खुने़ॽ मे़न्‍निए नु कुसिङ् मे़न्‍निःत्ते वाॽरो॥

१ युहुन्‍ना 2:9

इङ्‌गाॽ से़न्‍दाङ्‌गे़न् ओःत्तिओ वाॽआ लॽरिक् के़बाःप्‍पाल्‍ले़ नसानिबा फुॽनुसाॽ नु ने़ॽनुसाॽहाॽ चिःत्तुसिॽने़ फाॽग्र खे़ङ्‌ग आल्‍ल थारिक्‍साङ् माक्‍चिगे़न् खादाम्‍मोए वाॽरो॥

१ युहुन्‍ना 2:4

निङ्‌वाॽफुमाङ्‌ङिन् इङ्‌गाॽ कुसिङ् निःत्तुङ् लॽरिक् के़बाःप्‍पाल्‍ले़ निङ्‌वाॽफुमाङ्‌ङिल्‍ले़ कुइङ्‌जाङ्‌हाॽ मे़इःत्तुन् मे़नाःत्तुन्‍ने़ फाॽग्र खे़न् मनान् इङ्‌ले़क् के़बाःप्‍पारो, हे़क्‍क्‍याङ् खे़ल्‍लो से़क्‍खान् होप्‍लो

हिब्रु 12:29

थेआङ्‌भे़ल्‍ले़ आनिॽ “निङ्‌वाॽफुमाङ्‌ङिङ्‌ग काक् मिदिक्‍मा के़सुक्‍पा पाःन्‍हाॽ खाप्‍पुथ्‍यःङ् के़जोःक्‍पा मिरो॥”

१ युहुन्‍ना 3:10

निङ्‌वाॽफुमाङ्‌ङिल्‍ले़ कुस्‍साहाॽ नु माफे़न्‍साम्‍मिल्‍ले़ कुस्‍साहाॽओ मे़न्‍दङ्‌मना पाःन्‍निन् आम्‍भा कन्‍लो—आत्तिल्‍ले़ साम्‌योथिम् कुइसिक् नुबा याःम्‍बक् मे़जोगुन् हे़क्‍क्‍याङ् नसानिबा फुॽनुसाॽ नु ने़ॽनुसाॽहाॽ लुङ्‌माॽ मे़दुक्‍तुसिन् खे़ङ्‌ग निङ्‌वाॽफुमाङ्‌ङिल्‍ले़ कुस्‍सा मेःन्‍लो॥