१ युहुन्‍ना 4:21 - लिम्‍बु

²¹ आत्तिल्‍ले़ निङ्‌वाॽफुमाङ्‌ङिन् मिःम्‍जि मे़त्तुॽ, खे़ल्‍ले़ नसानिबा फुॽनुसाॽ नु ने़ॽनुसाॽहाॽआङ् लुङ्‌माॽ तुक्‍मासिए पोङ्‌लो लॽरिक् निङ्‌वाॽफुमाङ्‌ङिल्‍ले़ कन् इङ्‌जाङ् आबिरे़आङ् आवाॽरो॥

१ युहुन्‍ना 4:21 Referans Kwoze

ले़बि 19:18

“‘आबाङे हिम्‍बेसाङ्‌बे़न्‍नु कुले़क्‌वा नुःक्‍मा मे़गेःत्ते़म्‍मिन्‍ने़ॽ हे़क्‍क्‍याङ् सिक् मे़गुये़म्‍मिन्‍ने़ॽ, कर आप्‍फेक् हिम्‍बेसाङ्‌बे़न् आप्‍फेक् कुइसिक् लुङ्‌माॽ तुक्‍ते़म्‍मे़ॽ॥ आङ्‌गाॽ यहवे दाङ्‌बाआ॥

१ युहुन्‍ना 3:11

आनिॽ लुङ्‌माॽ तुक्‍सिङ्‌मा पोङ् के़लॽबा इङ्‌घङ्‌ङिङ्‌ग तगिआङ्‌धोए के़घे़प्‍सुम्‍माङ् के़वयिॽरो॥

१ थिस्‍सलोनिकि 4:9

आल्‍ल नसानिबा फुॽनुसाॽ नु ने़ॽनुसाॽहाॽ लुम्‍मो आक्‍खेलॽरिक् लुङ्‌माॽ तुक्‍सिङ्‌मा पोङ् के़लॽबान् साप्‍मार ने़मा चाहाबा मे़जोक्‍ने़न्‍लो॥ थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ आबाङे खिनिॽ अक्‍खेलॽरिक् लुङ्‌माॽ तुक्‍सिङ्‌मा पोङ् फाॽआङ् के़हुॽरिआङ् के़वयिॽरो॥

१ पत्रुस 3:8

कुनुप्‍मो, खिनिॽ निङ्‌वाॽओ काक् थिक्‍हुप् पोःक्‍खे़म्‍मे़ॽ, लुङ्‌माॽ तुक्‍कासिम्‍मे़ॽ, मिःम्‍जि मे़त्तासिम्‍मे़ॽ, हाङ्‌हाङ्‌वा ओसेःन्‍धाक्‍कासिम्‍मे़ॽ हे़क्‍क्‍याङ् चुङ्‌जिगे़न् नःम्‍नःम् पोःक्‍खे़म्‍मे़ॽओ॥

गलाति 5:14

थेआङ्‌भे़ल्‍ले़ काक् साम्‌योथिम्‍मिन् लत्‍छा इङ्‌जाङ्‌ङो के़रे़आङ् वाॽरो, “आबाङे लुङ्‌माॽ के़दुक्‍सिङ्‌बा कुइसिक् के़बाङ्‌भेॽसाबान् लुङ्‌माॽ तुक्‍ते़ॽओ॥”

युहुन्‍ना 15:12

आल्‍ल इङ्‌गाॽ लुङ्‌माॽ तुक्‍निङ्‌बा कुइसिक् खिनिॽआङ् लुङ्‌माॽ तुक्‍कासिम्‍मे़ॽ फाॽआङ् इङ्‌जाङ् पिनिङ्‌लो॥

१ युहुन्‍ना 3:23

खुने़ॽ कुइङ्‌जाङ्‌ङिङ्‌ग बा कन्‍लो—आबुगे़न् कुस्‍सा ये़सु ख्रिस्‍ते़न् आनिॽ नसान् चोःक्‍मा पोङ्, हे़क्‍क्‍याङ् खुने़ॽ आबिरे़बा इङ्‌जाङ् कुइसिक् लुङ्‌माॽ तुक्‍सिङ्‌मा पोङ्‌लो॥

१ युहुन्‍ना 3:14

आनिॽ नसानिबा फुॽनुसाॽ नु ने़ॽनुसाॽहाॽ लुङ्‌माॽ आदुक्‍सिङ्‌बाल्‍ले़ चोगुल्‍ले़ आनिॽग सिमे़न्‍लाम् मे़न्‍नुप्‍मनाबा हिङ्‌मन्‍नो आजत्‍छिङ्‌ङाङ् आवाॽ फाॽआङ् आनिसुम्‍लो॥ कर आत्तिल्‍ले़ वेॽहाॽ लुङ्‌माॽ मे़दुक्‍तुसिन्, खे़ङ्‌ग आल्‍लोसाङ् सिमे़न्‍नोए वाॽरो॥

१ पत्रुस 4:8

काक्‍नुःल्‍ले़ यम्‍बा पाःन्‍निङ्‌ग सिक्‍लुङ्‌मोलाम् लुङ्‌माॽ तुक्‍कासिम्‍मे़ॽओ, थेआङ्‌भे़ल्‍ले़ लुङ्‌माॽ तुक्‍माल्‍ले़ग यरिक् लायोहाॽ ते़प्‍तुॽरो॥

लुका 10:37

खे़न् साम्‌योथिम्‍साम्‍बाल्‍ले़ नोगप् पिरु, “खुने़ॽ कम्‍ब्राङ् के़मे़प्‍पे़न्‍लो॥” हे़क्‍क्‍याङ् ये़सुरे़ खे़न् मे़त्तु, “पेगे़ॽआङ् खे़ने़ॽआङ् बा हे़क्‍केए चोगे़ॽओ॥”

१ युहुन्‍ना 4:11

आमिःम् आन्‍जुम्‍से, निङ्‌वाॽफुमाङ्‌ङिल्‍ले़ कम्‍म्‍याक् साॽरिक् आनिॽ लुङ्‌माॽ आदुक्‍ते़आङ् वाॽइल्‍ले़ आनिॽआङ् लुङ्‌माॽ तुक्‍सिङ्‌माए पोङ्‌लो॥

गलाति 5:6

थेआङ्‌भे़ल्‍ले़ ख्रिस्‍त ये़सुरे़ कुलागिग हर्दो हे़क्‍मा नु मे़न्‍हे़क्‍मा पाःन्‍निन् थेआङ् मेःन्‍लो॥ कर के़रे़क्‍नुःल्‍ले़ यम्‍बा पाःन्‍निङ्‌ग आनिॽ नसाःन्‍निल्‍ले़ चोगुल्‍ले़ वेॽहाॽ लुङ्‌माॽ आदुक्‍तुम्‍सिम्‍लो॥

१ युहुन्‍ना 3:18

आमिःम् आस्‍सासे, आनिॽग पाःन्‍नो नु मुराःल्‍ले़रक् लुङ्‌माॽ तुक्‍कासि मेःन्‍लो॥ आनिॽ से़क्‍खा लुङ्‌माॽ तुक्‍सिङ्‌मा पोङ्‌लो॥ हे़क्‍तङ्‌बा लुङ्‌माॽ तुक्‍सिङ्‌मान् याःम्‍बक्‍कोलाम् निदे़त्‍लो॥

मत्ति 5:43

“मोसारे़ कुसाम्‌योथिम् इङ्‌जाङ्‌ङिल्‍ले़ के़बाङ्‌भेॽसाबाहाॽ लुङ्‌माॽ तुक्‍ते़से़ॽआङ् के़निङ्‌मिहाॽ चिःत्ते़से़ॽ लॽरिक् पाःत्तुबा के़घे़प्‍सुम्‍माङ् के़वयिॽ,

१ युहुन्‍ना 2:7

आमिःम् आन्‍जुम्‍से, कन् साप्‍तुङ्‌बा इङ्‌जाङ्‌ङिन् कुसङ् इङ्‌जाङ्‌ग मेःन्‍लो॥ कङ्‌ग उन्‍छोःन्‍नाङ्‌धो खिनिॽनुए के़वाॽबा के़युःबा इङ्‌जाङ्‌लो॥ कन् उन्‍छोःन्‍बा इङ्‌जाङ्‌ङिङ्‌ग के़घे़प्‍सुम् के़सुरुम्‍बा पाःन्‍जाक्‍लो॥