१ युहुन्‍ना 4:18 - लिम्‍बु

¹⁸ मिःम्‍जिओग किमा यङ्‌मा होप्॥ कर कुलिङ्‌दो के़गे़प्‍पा मिःम्‍जिःल्‍ले़ के़रे़क् किमा यङ्‌मान् खे़त्तुदेसुॽरो, थेआङ्‌भे़ल्‍ले़ किमा यङ्‌माङ्‌ग खुम्‍दिङ्‌ङिल्‍ले़ तारुॽरो॥ आत्तिन् मनान् किःॽ, खे़ङ्‌ग मिःम्‍जिओ कुलिङ्‌दो मे़ङ्‌गे़त्ते वाॽरो॥

१ युहुन्‍ना 4:18 Referans Kwoze

२ तिमोथि 1:7

थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ आबिरे़बा सेसेमाङ्‌ङिल्‍ले़ आनिॽ किस्रुक्‍पा आन्‍जोःक्‍ने़न्, कर मुक्‍साम्, मिःम्‍जि, हे़क्‍क्‍याङ् निङ्‌वाॽ हाङ्‌गे़म्‍सिङ्‌मा आबिॽ॥

रोमि 8:15

खिनिॽ के़घोसुम्‍बा सेसेमाङ्‌ङिल्‍ले़ निङ्‌वाॽफुमाङ्‌ङिन्‍नु के़गिबा योक् के़न्‍जोगिन्, कर खुने़ॽ निङ्‌वाॽफुमाङ्‌ङिल्‍ले़ से़सिङ्‌सा के़जोगिआङ् वाॽ॥ हे़क्‍केलॽरिक् खुने़ॽलाम्‍बा निङ्‌वाॽफुमाङ्‌ङिन् “पानुदिङ् आम्‍बौ” मे़प्‍मा आसुक्‍तुम्‍लो॥

१ युहुन्‍ना 4:12

आत्तिल्‍ले़आङ् निङ्‌वाॽफुमाङ्‌ङिन् आप्‍फाल्‍ले़आङ् मे़न्‍निए वाॽरो॥ कर आनिॽ लुङ्‌माॽ आदुक्‍सिङ्‌ने़ फाॽग्र निङ्‌वाॽफुमाङ्‌ङिन् आनिॽओ वाॽ, हे़क्‍क्‍याङ् खुने़ॽ कुमिःम्‍जिन् आनिॽओ मनाहाॽरे़ मे़निसुॽरो॥

हिब्रु 12:28

खे़ल्‍ले़चोगुल्‍ले़ आनिॽ यङ्‌मा सुक्‍मे़न्‍दे़प्‍मनाबा हाङ्‌जुम्‍मिन् आघोसुम्‍ल आवाॽबाल्‍ले़ चोगुल्‍ले़ नोगे़न्‍साबा पोःक्‍खिरो, हे़क्‍क्‍याङ् निङ्‌वाॽफुमाङ्‌ङिन् कुनिङ्‌वाॽ तामा फाॽआङ् मिङ्‌सो इङ्‌धाङ् पिइ किरुम्‍ल से़वा चोगुम्‍लो॥

याकुब 2:19

कुत्‍चाॽए थिक्‍लक् निङ्‌वाॽफुमाङ्‌ङिन् वाॽ लॽरिक् नसान् के़जोगुॽ॥ खे़ङ्‌ग नुबारो! फे़न्‍साम्‍हाॽरे़आङ् खे़न् पाःन्‍निन् नसान् मे़जोगुआङ् मे़गिर थे़गक्‍कक्‍ना मे़यङ्‌लो॥

निङ्‌वाॽफु साम्‍लोसुम् 119:120

खे़ने़ॽ के़जोगुल्‍ले़ पगि किआरो, खे़ने़ॽ के़घासे़न्‍हाॽरे़ चोगुल्‍ले़ आङ्‌गाॽ थे़गक्‍कक्‍ना यङ्‌ङारो॥

निङ्‌वाॽफु साम्‍लोसुम् 73:19

खे़ङ्‌हाॽ हक्‍चघत् मे़क्‍मा ते़न्‍नो मे़बेःक्‍लो, हे़क्‍क्‍याङ् च्‍वाःत्तिल्‍ले़ वदेॽरुसिबा कुइसिक् किमा यङ्‌मारे़ पक्‍खु तेॽरुसिरो॥

अयुब 15:21

यङ्‌मा आसिसिबा इक्‍लाहाॽरे़ खे़ल्‍ले़ कुने़क्‍खोन् लोःक्‍खुर वाॽरो॥ हे़क्‍क्‍याङ् नुरिक् तारिक् युङ्‌बा ये़म्‍मो फाःन्‍दाहाॽरे़ खे़न् चिभत् मे़भत्तु मे़दारुरो॥

मत्ति 9:34

कर फरिसिहाॽरे़ मे़बाःत्तु, “कन् मनाःल्‍ले़ग फे़न्‍साम्‍हाॽरे़ खुनिॽ हाङ्‌ङिल्‍ले़ कुमुक्‍साम्‍लाम् फे़न्‍साम्‍हाॽ नाःत्तु लःत्तुसिॽरो॥”