१ युहुन्‍ना 4:15 - लिम्‍बु

¹⁵ आत्तिल्‍ले़ ये़सुन् निङ्‌वाॽफुसा फाॽआङ् ते़न्‍दिङ् चोगुॽ, खुने़ॽओ निङ्‌वाॽफुमाङ्‌ङिन् वाॽ हे़क्‍क्‍याङ् खे़न् निङ्‌वाॽफुमाङ्‌ङो वाॽरो॥

१ युहुन्‍ना 4:15 Referans Kwoze

१ युहुन्‍ना 5:5

हाःत्‍ले़ इक्‍सादिङ् खाम्‍बेःक्‍मान् नाःम्‍मा सुक्‍तुॽबे? ये़सुन् ने निङ्‌वाॽफुसारो फाॽआङ् नसान् के़जोःक्‍पाल्‍ले़रक् सुक्‍तुॽरो॥

रोमि 10:9

खे़ने़ॽ के़मुराःल्‍ले़ ये़सुन् ने दाङ्‌बारो फाॽआङ् ते़न्‍दिङ् के़जोगुआङ् के़सिक्‍लुङ्‌मोलाम् निङ्‌वाॽफुमाङ्‌ङिल्‍ले़ खुने़ॽ सिमे़न्‍लाम् कुहिङ्‌वे़त् चोगु लॽरिक् नसान् के़जोगुने़ फाॽग्र ताङ्‌गे़से़ःप्‍लो॥

मत्ति 10:32

“हाःत्‍ले़ मना तगि ये़सुन् नसान् चोगुङ् लॽरिक् पाःत्तुॽ, साङ्‌ग्राम्‍पेदाङ्‌ङो के़वाॽबा आम्‍बारे़ कुदगि इङ्‌गाॽआङ् खे़न् ताःक्‍तुङ्‌लो॥

१ युहुन्‍ना 4:2

अक्‍खेलॽरिक् खे़ङ्‌हाॽ निङ्‌वाॽफुमाङ्‌लाम् के़दाबासिबि मेःम्‍बि फाॽआङ् निङ्‌वाॽ खोमा के़सुक्‍तुम्‍लो—हाःत्‍ले़ ये़सु ख्रिस्‍ते़न् मे़न्‍छाम्‍गे़न् याप्‍मि पोःक्‍खे़आङ् नासिङ्‌गे़न् थक्‍को त्‍ये़ लॽरिक् ते़न्‍दिङ् चोगुॽ, खे़न् निङ्‌वाॽफुमाङ्‌लाम् के़दाबारो॥

१ युहुन्‍ना 3:24

निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् के़इःप्‍पा के़नाःप्‍पे़न् निङ्‌वाॽफुमाङ्‌ङो वाॽ हे़क्‍क्‍याङ् खे़ल्‍लो निङ्‌वाॽफुमाङ्‌ङिन् वाॽरो॥ आनिॽओ निङ्‌वाॽफुमाङ्‌ङिन् वाॽ फाॽआङ् खुने़ॽ आबिरे़बा सेसेमाङ्‌लाम् कुसिङ् आनिःत्तुम्‍लो॥

फिलिप्‍पि 2:11

ये़सु ख्रिस्‍ते़न्‍ने दाङ्‌बा लॽरिक् के़रे़क्‍ले़ मे़बाःत्तुॽरो॥ हे़क्‍केलॽरिक् पानुदिङ् पा निङ्‌वाॽफुमाङ्‌ङिल्‍ले़ मिङ्‌सो इङ्‌धाङ् खोसुॽरो॥

१ युहुन्‍ना 4:12

आत्तिल्‍ले़आङ् निङ्‌वाॽफुमाङ्‌ङिन् आप्‍फाल्‍ले़आङ् मे़न्‍निए वाॽरो॥ कर आनिॽ लुङ्‌माॽ आदुक्‍सिङ्‌ने़ फाॽग्र निङ्‌वाॽफुमाङ्‌ङिन् आनिॽओ वाॽ, हे़क्‍क्‍याङ् खुने़ॽ कुमिःम्‍जिन् आनिॽओ मनाहाॽरे़ मे़निसुॽरो॥

१ युहुन्‍ना 5:1

आत्तिल्‍ले़ ये़सुन् निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍त फाॽआङ् नसान् चोगुॽ, खे़न् निङ्‌वाॽफुमाङ्‌ङिल्‍ले़ कुस्‍सारो॥ हे़क्‍क्‍याङ् पानुदिङ् पान् मिःम्‍जि के़मे़प्‍पे़ल्‍ले़ कुस्‍सान्‍नाङ् मिःम्‍जि मे़त्तुॽरो॥

लुका 12:8

“आल्‍ल खे़प्‍से़म्‍मे़ॽओ, हाःत्‍ले़ मना तगि ये़सुन् नसान् चोगुङ् लॽरिक् पाःत्तुॽ, इङ्‌गाॽ मे़न्‍छाम्‍साःल्‍ले़आङ् निङ्‌वाॽफुमाङ्‌ङिल्‍ले़ कुमाङ्‌लाइङ्‌बाहाॽरे़ खुनिॽ तगि खे़न् ताःक्‍तुङ्‌लो॥

२ युहुन्‍ना 1:7

यरिक् इङ्‌ले़क् के़बाःप्‍पाहाॽ इक्‍सादिङ् खाम्‍बेःक्‍मो मे़से़ःरे़आङ् मे़वाॽरो॥ खे़ङ्‌हाॽरे़ग ये़सु ख्रिस्‍ते़न् मे़न्‍छाम्‍गे़न् याप्‍मि पोःक्‍खे़आङ् नासिङ्‌गे़न् थक्‍को त्‍ये़बा फाॽआङ् नसान् मे़न्‍जोगुन्‍लो॥ अक्‍तङ्‌बा मनाःङ्‌ग इङ्‌ले़क्‍पा नु ख्रिस्‍तरे़ कुबिफ्‍युङ्‌बारो॥

युहुन्‍ना 6:56

इङ्‌गाॽ आधक्‍किन् के़जाबान् नु आमाक्‍खिॽ के़धुङ्‌बान् इङ्‌गाॽओ वाॽ हे़क्‍क्‍याङ् इङ्‌गाॽ खुने़ॽओ वाॽआरो॥

१ युहुन्‍ना 2:23

आबुगे़न् कुस्‍सान् के़नाॽबे़ल्‍ले़ पानुदिङ् पा निङ्‌वाॽफुमाङ्‌ङिन् नाॽरुॽ, कर आबुगे़न् कुस्‍सान् ते़न्‍दिङ् के़जोःक्‍पाल्‍ले़ पानुदिङ् पाः निङ्‌वाॽफुमाङ्‌ङिन्‍नाङ् ते़न्‍दिङ् चोगुॽरो॥

१ युहुन्‍ना 2:24

हे़क्‍केःल्‍ले़ नसानिबा के़बोःक्‍खिआङ्‌धोए के़घे़प्‍सुम्‍बा सुनाइङ्‌ङिन् खिनिॽ सिक्‍लुङ्‌मो नुरिक्‍काङ् युक्‍खे़म्‍मे़ॽओ॥ हे़क्‍केलॽरिक् के़युक्‍खुम्‍ने़ फाॽग्र सदादिङ् पानुदिङ् पाः निङ्‌वाॽफुमाङ्‌ङिन्‍नु हे़क्‍क्‍याङ् आबुगे़न् कुस्‍साःन्‍नु सोरिक् के़वयिॽरो॥

१ युहुन्‍ना 3:23

खुने़ॽ कुइङ्‌जाङ्‌ङिङ्‌ग बा कन्‍लो—आबुगे़न् कुस्‍सा ये़सु ख्रिस्‍ते़न् आनिॽ नसान् चोःक्‍मा पोङ्, हे़क्‍क्‍याङ् खुने़ॽ आबिरे़बा इङ्‌जाङ् कुइसिक् लुङ्‌माॽ तुक्‍सिङ्‌मा पोङ्‌लो॥