१ युहुन्‍ना 4:11 - लिम्‍बु

¹¹ आमिःम् आन्‍जुम्‍से, निङ्‌वाॽफुमाङ्‌ङिल्‍ले़ कम्‍म्‍याक् साॽरिक् आनिॽ लुङ्‌माॽ आदुक्‍ते़आङ् वाॽइल्‍ले़ आनिॽआङ् लुङ्‌माॽ तुक्‍सिङ्‌माए पोङ्‌लो॥

१ युहुन्‍ना 4:11 Referans Kwoze

कलस्‍सि 3:13

खिनिॽग वेॽहाॽनु नासि थःत्‍छिङ्‌मा पोङ्‌ङाङ् निङ्‌वाॽ तुक्‍मा पाःन्‍हाॽ वाॽसाङ् ले़प्‍मि पिआसिम्‍मे़ॽओ॥ दाङ्‌बाल्‍ले़ ले़प्‍मि के़बिरिबा कुइसिःक्‍के ले़प्‍मि पिआसिम्‍मे़ॽओ॥

युहुन्‍ना 13:34

“खे़ल्‍ले़चोगुल्‍ले़ आल्‍ल खिनिॽ लुङ्‌माॽ तुक्‍कासिम्‍मे़ॽ फाॽआङ् इङ्‌गाॽ कुसङ् इङ्‌जाङ् पिनिङ्‌लो॥ खिनिॽ इङ्‌गाॽ लुङ्‌माॽ तुक्‍निङ्‌बा कुइसिःक्‍के लुङ्‌माॽ तुक्‍कासिम्‍मे़ॽओ॥

१ युहुन्‍ना 3:23

खुने़ॽ कुइङ्‌जाङ्‌ङिङ्‌ग बा कन्‍लो—आबुगे़न् कुस्‍सा ये़सु ख्रिस्‍ते़न् आनिॽ नसान् चोःक्‍मा पोङ्, हे़क्‍क्‍याङ् खुने़ॽ आबिरे़बा इङ्‌जाङ् कुइसिक् लुङ्‌माॽ तुक्‍सिङ्‌मा पोङ्‌लो॥

लुका 10:37

खे़न् साम्‌योथिम्‍साम्‍बाल्‍ले़ नोगप् पिरु, “खुने़ॽ कम्‍ब्राङ् के़मे़प्‍पे़न्‍लो॥” हे़क्‍क्‍याङ् ये़सुरे़ खे़न् मे़त्तु, “पेगे़ॽआङ् खे़ने़ॽआङ् बा हे़क्‍केए चोगे़ॽओ॥”

एफिसि 4:31

के़रे़क् सिक्‍कुमा, सिक्‍पोःक्‍मा, याःक् ले़ॽमा, हयङ्‌किल्‍लिङ् चोःक्‍मा, चे़ॽया इङ्‌दो पाःप्‍मा हे़क्‍क्‍याङ् काक् परिक्‍पा मना चिःप्‍मा ले़रे़म्‍मे़ॽओ॥

१ युहुन्‍ना 2:7

आमिःम् आन्‍जुम्‍से, कन् साप्‍तुङ्‌बा इङ्‌जाङ्‌ङिन् कुसङ् इङ्‌जाङ्‌ग मेःन्‍लो॥ कङ्‌ग उन्‍छोःन्‍नाङ्‌धो खिनिॽनुए के़वाॽबा के़युःबा इङ्‌जाङ्‌लो॥ कन् उन्‍छोःन्‍बा इङ्‌जाङ्‌ङिङ्‌ग के़घे़प्‍सुम् के़सुरुम्‍बा पाःन्‍जाक्‍लो॥

१ युहुन्‍ना 3:11

आनिॽ लुङ्‌माॽ तुक्‍सिङ्‌मा पोङ् के़लॽबा इङ्‌घङ्‌ङिङ्‌ग तगिआङ्‌धोए के़घे़प्‍सुम्‍माङ् के़वयिॽरो॥

१ युहुन्‍ना 4:7

आमिःम् आन्‍जुम्‍से, आनिॽग लुङ्‌माॽ तुक्‍कासिरो, थेआङ्‌भे़ल्‍ले़ मना लुङ्‌माॽ तुक्‍माङ्‌ग निङ्‌वाॽफुमाङ्‌लाम् तारो॥ वेॽहाॽ लुङ्‌माॽ के़दुक्‍पे़ङ्‌ग निङ्‌वाॽफुसारो, हे़क्‍क्‍याङ् खे़ल्‍ले़ निङ्‌वाॽफुमाङ्‌ङिन् कुसिङ् निःत्तुॽरो॥

२ युहुन्‍ना 1:5

हे़क्‍क्‍याङ् आल्‍ल, आमिःम् तुम्‍म्‍याङ्‌हाङ्‌माए, आनिॽ काक् लुङ्‌माॽ तुक्‍कासि फाॽआङ् इङ्‌गाॽ पेलि फाक्‍ने़ॽरो॥ कन् कुसङ् इङ्‌जाङ्‌ग साप्‍निङ्‌बा मेःन्‍लो, कर कङ्‌ग तगिआङ्‌धोए आनिॽनु वये़रो॥