१ युहुन्ना 4:1 - लिम्बु1 आमिःम् आन्जुम्से, यरिक् इङ्ले़क्पा माङ्निङ्वाॽपान् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसान् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाबासिबि मेःम्बि फाॽआङ् साॽरे़म्सिम्मे़ॽओ॥ Gade chapit la |
१ युहुन्ना 4:1
29 Referans Kwoze
कर उन्छोन् इस्राइलओ इङ्ले़क्पा माङ्निङ्वाॽपान् के़बाःप्पाहाॽ मे़वये़बा कुइसिक् खिनिॽ लुम्मोआङ् इङ्ले़क्के सिक्साम्बाहाॽ मे़लन् मे़दारो॥ खे़ङ्हाॽरे़ग स्वाःत्ताङ् याप्मि के़मे़ङ्बा इङ्ले़क् पाःन्हाॽ मे़हुॽरुसिॽ, हे़क्क्याङ् खे़ङ्हाॽरे़ खुनिॽ मे़ल्लुङ् के़हुङ्बाआङ् के़धे़ॽबा दाङ्बान्नाङ् मे़नाॽरुआङ् हाराए आबाङे खुनिॽओ मे़क्मे़न् मे़दारुॽ॥
आमिःम् आस्सासे, कुनुप्मा ये़म्मिङ्ग निःत्ताङ्ङे वाॽरो॥ ख्रिस्तरे़ कुबिफ्युङ्ङिङ्ग ता लॽरिक् के़घे़प्सुम्माङ् के़वयिॽ॥ आल्लोसा खे़न् हे़क्तङ्बा ख्रिस्तरे़ कुबिफ्युङ्हाॽ यरिक् मे़द्ये़ मे़जुरे़आङ् मे़वाॽरो॥ खे़ल्ले़चोगुल्ले़ कन् पाःन्नोलाम् कुनुप्मा ये़म्मिन् निःत्ताङ्ङे वाॽ के़लॽबा पाःन्निन् कुसिङ् आनिःत्तुम्लो॥
ये़सुरे़ खे़ङ्हाॽ नोगप् पिरुसि, “सिङ्सिङ् लॽरे़म्मे़ॽओ, आत्तिल्ले़आङ् खिनिॽ इङ्गे़न्ले़क्तिल्लरो, थेआङ्भे़ल्ले़ यरिक् मनाहाॽ इङ्गाॽ आमिङ्ङो निङ्वाॽफुमाङ्ङिल्ले़ सेःन्दुबा ख्रिस्ते़न् इङ्गाॽएरो, हे़क्क्याङ् आल्लो ये़म्मिन् त्ये़आङ् वाॽ फाॽआङ् मे़बाःत्तुॽ, कर खे़ङ्हाॽरे़ खुनिॽ पाःन्निन् मे़घे़प्से़म्मिन्ने़ॽओ॥
“‘खे़ने़ॽ आक्खे़न् साॽरिक् याम्बुधिक्पा नु नासि के़धःप्पा के़जोक् फाॽआङ् इङ्गाॽ निसुङ्लो॥ हे़क्क्याङ् खे़ने़ॽ ताप्फे़ःम्बा मनाहाॽ नासि के़न्धःत्तुन्छिम्बान् नु खे़ङ्हाॽ सेःक्युक्मिबा मे़ःन्छिसाङ् आनिगे सेःक्युक्मिबासिगे़ के़लॽबाहाॽरे़ खुनिॽ याःम्बक्किन् के़साॽरुआङ् खे़ङ्हाॽ इङ्ले़क्पासि फाॽआङ् निङ्वाॽ के़घोसुबान् इङ्गाॽ निसुङ्लो॥
वेॽसमान् निङ्वाॽ के़माबा याःम्बक् चोःक्मा पर्धाःम् पिरुॽ, वेॽसमान् माङ्निङ्वाॽपान् पाःप्मा पर्धाःम् पिरुॽ, वेॽसमान् नुबा नु ताप्फे़ःम्बा याम्साम्हाॽ से़म्मा पर्धाःम् पिरुॽ, परिक् परिक्पा वेॽ पाःन्दाङ्हाॽ पाःप्मा पर्धाःम् पिरुॽ, हे़क्क्याङ् वेॽसमान् खे़न् पाःन्दाङ्हाॽ ले़ङ्मा पर्धाःम् पिरुॽरो॥
खे़न् काप्पोबा माङ्निङ्वाॽपान् के़बाःप्पे़ल्ले़ नुगप् पिरु, “आङ्गाॽआङ् खे़ने़ॽ हे़क्केए लत्छा माङ्निङ्वाॽपान् के़बाःप्पाआ॥ यहवे दाङ्बे़ल्ले़ कुबाःन्जाक्लाम् खे़ने़ॽ आङ्गाॽनु सोरिक् चासे़ थुङ्से़ आहिम्मो ताःप्मारे़ लागि माङ्लाइङ्बा थिक्ले़ आङ्गाॽ मे़त्ताङ्ङाङ् वाॽ॥” (कर खे़न् काप्पोबा मनाःल्ले़ खुने़ॽ मे़त्तुबा कन् पाःन्निन् इङ्ले़क् वये़॥)
कर यहवे दाङ्बे़ल्ले़ आङ्गाॽ नुगप् पिराङ्, “माङ्निङ्वाॽपान् के़बाःप्पाहाॽरे़ आमिङ्ङो इङ्ले़क् पान् मे़बाःत्तुर मे़बत्॥ खे़ङ्हाॽ आङ्गाॽ पाङ्घुङ्सिङ्बा मेःन्॥ खे़ङ्हाॽनु आङ्गाॽ लत्छा पाःन्नाङ् मे़म्बाःत्ते वाॽआ, हे़क्क्याङ् थेआङ् इङ्जाङ् पिरुङ्सिङ्बा होप्॥ खे़ङ्हाॽरे़ आङ्गाॽ मे़बिरुङ्सिङ्ङिम्बा इङ्ले़क् सुफो पाःन्हाॽरे़ कुयाःम्बेओ मे़बाःत्तुॽ॥ खे़ङ्हाॽरे़ खुन्छिॽ निङ्वाॽओबा हने़बा सुप्फो, नु खाइक्माहाॽरक् माङ्निङ्वाॽपान् मे़बाःत्तुॽ॥
मुक्साम्दाङ्बा यहवे दाङ्बे़ल्ले़ यरुसले़ःम्मोबा मनाहाॽ अक्खे मे़त्तुसिरो, “माङ्निङ्वाॽपान् के़बाःप्पाहाॽरे़ खुन्छिॽ पाःन्निन् खिनिॽ मे़घे़प्से़म्मिन्ने़ॽओ, खे़ङ्हाॽरे़ खिनिॽ इङ्ले़क् निङ्साङ् चोःक्मा के़म्बाङ्घिरो॥ खे़न् पाःन्हाॽ यहवे दाङ्बे़ल्ले़ पाःत्तुबा मेःन्लो कर खे़ङ्हाॽरे़ आबाङे मुरा नु निङ्वाॽओबा पाःन्हाॽ खिनिॽ के़म्जे़क्तिरो॥
Piblisite