१ युहुन्‍ना 3:9 - लिम्‍बु

⁹ निङ्‌वाॽफुमाङ्‌लाम् कुसङ् लॽरिक् सागे़वाःन्‍छिङ्‌बा आत्तिल्‍ले़आङ् लायो चोगुर मे़वाॽने़न्, थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ कुनोस्रङ्‌ङिन् खुने़ॽओ वाॽरो॥ खुने़ॽ लायो चोःक्‍कि वाॽमा मे़सुक्‍ने़न्‍लो, थेआङ्‌भे़ल्‍ले़ खुने़ॽग निङ्‌वाॽफुमाङ्‌लाम् सावाःन्‍छिङ्‌ङाङ् वाॽरो॥

१ युहुन्‍ना 3:9 Referans Kwoze

१ युहुन्‍ना 5:18

निङ्‌वाॽफुमाङ्‌ङिल्‍ले़ कत्तुबा साःल्‍ले़ लायो चोगुर मे़वाॽने़न् फाॽआङ् आनिॽ नुःरिक्‍काङ् आनिसुम्‍लो, थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ आबाङे कुस्‍साःल्‍ले़ खे़न् ताङ्‌से़ःप्‍तुॽआङ् कत्तुॽरो॥ हे़क्‍क्‍याङ् माफे़न्‍साम्‍मिल्‍ले़ खे़न् सुमाआङ् मे़सुक्‍तुन्‍लो॥

१ पत्रुस 1:23

थेआङ्‌भे़ल्‍ले़ खिनिॽग के़मे़क्‍पाआङ् के़बेःक्‍पा याॽरिःम्‍बालाम् मेःन्, कर कुहिङ्‌वे़त् नु सदादिङ् के़वाॽबा निङ्‌वाॽफु पाःन्‍जाक्‍कोलाम् कुसङ् के़बोःक्‍खिआङ् के़वयिॽरो॥

युहुन्‍ना 1:13

खे़ङ्‌हाॽग मा-बालाम् सामे़वाःन्‍छिङ्‌बा नु मे़न्‍छाम् निङ्‌वाॽलाम्‍बा सा-ए मे़बोःक्‍खे़बा मेःन्, कर निङ्‌वाॽफुमाङ्‌ङिल्‍ले़ खे़ङ्‌हाॽ आबाङे कुस्‍सा चोगुसिबारो॥

१ युहुन्‍ना 2:29

निङ्‌वाॽफुमाङ्‌ङिन् साम्‌योबा चोक् फाॽआङ् खिनिॽ के़निसुम्‍लो॥ हे़क्‍केःल्‍ले़ काक् नुबा याःम्‍बक् के़जोक्‍पे़न् निङ्‌वाॽफुसा पोःक्‍खे़आङ् वाॽ के़लॽबा पाःन्‍निन्‍नाङ् खिनिॽ के़निसुम्‍लो॥

१ युहुन्‍ना 5:1

आत्तिल्‍ले़ ये़सुन् निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍त फाॽआङ् नसान् चोगुॽ, खे़न् निङ्‌वाॽफुमाङ्‌ङिल्‍ले़ कुस्‍सारो॥ हे़क्‍क्‍याङ् पानुदिङ् पान् मिःम्‍जि के़मे़प्‍पे़ल्‍ले़ कुस्‍सान्‍नाङ् मिःम्‍जि मे़त्तुॽरो॥

१ युहुन्‍ना 5:4

थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ कुस्‍साःल्‍ले़ इक्‍सादिङ् खाम्‍बेःक्‍मान् नाःन्‍दुॽरो॥ आनिॽ नसाःन्‍निल्‍ले़ए इक्‍सादिङ् खाम्‍बेःक्‍मान् नाःन्‍दुॽरो॥

युहुन्‍ना 3:3

ये़सुरे़ खे़न् मे़त्तु, “इङ्‌गाॽ से़क्‍खाए मे़त्‍ने़ॽ, याम्‍मो सामे़न्‌वाःन्‍छिङ्‌ङे थारिक् आत्तिल्‍ले़आङ् निङ्‌वाॽफु हाङ्‌जुम्‍मिन् निमा मे़सुक्‍तुन्‍लो॥”

गलाति 5:17

थेआङ्‌भे़ल्‍ले़ आनिॽ लायोबा निङ्‌वाॽइन् सेसेमाङ्‌ङिल्‍ले़ कुदक्‍ले़ङ्‌वाओ पोःक्‍लो, हे़क्‍क्‍याङ् सेसेमाङ्‌ङिन्‍नाङ् लायोबा निङ्‌वाॽइल्‍ले़ कुदक्‍ले़ङ्‌वाओ पोःक्‍लो, थेआङ्‌भे़ल्‍ले़ खे़ङ्‌हाॽ मे़दङ्‌सिन्‍लो॥ हे़क्‍केलॽरिक् चोःक्‍मा के़इःत्तुम्‍बा नुबा याःम्‍बक्‍हाॽ सदादिङ् के़न्‍जोगुम्‍मिन्‍लो॥

१ युहुन्‍ना 4:7

आमिःम् आन्‍जुम्‍से, आनिॽग लुङ्‌माॽ तुक्‍कासिरो, थेआङ्‌भे़ल्‍ले़ मना लुङ्‌माॽ तुक्‍माङ्‌ग निङ्‌वाॽफुमाङ्‌लाम् तारो॥ वेॽहाॽ लुङ्‌माॽ के़दुक्‍पे़ङ्‌ग निङ्‌वाॽफुसारो, हे़क्‍क्‍याङ् खे़ल्‍ले़ निङ्‌वाॽफुमाङ्‌ङिन् कुसिङ् निःत्तुॽरो॥

मत्ति 7:18

हे़क्‍क्‍याङ् नुबा सिङ्‌बुङ्‌ङो ताप्‍फे़ःम्‍बा सिङ्‌सेॽइन् मे़धोःक्‍ने़न्‍लो, हे़क्‍क्‍याङ् ताप्‍फे़ःम्‍बा सिङ्‌बुङ्‌ङो नुबा सिङ्‌सेॽइन् मे़धोःक्‍ने़न्‍लो॥

रोमि 6:2

मेःन्‍लो! हे़क्‍के चोःक्‍मा मे़नुॽने़न्‍लो! आनिॽग कुसिवे़त् मना हे़क्‍तङ्‌बा आजोःक्‍लो, हे़क्‍क्‍याङ् आल्‍ल लायोल्‍ले़ कुयुक्‍को आन्‌वाॽने़न्‍लो॥ हे़क्‍केःल्‍ले़ आल्‍लआङ्‌धो लायो चोःक्‍मार वाॽमा मे़नुॽने़न्‍लो॥

सेःक्‌युक्‍मिबाहाॽ 4:20

कर आन्‍छिगे ये़सुरे़ चोगुबा पान् निसुसिगे़ हे़क्‍क्‍याङ् खे़प्‍सुसिगे़बा पाःन्‍हाॽ मे़म्‍बाःत्ते वाॽमा मे़सुक्‍सुगे़न्‍लो॥”

तितस 1:2

कन् से़क्‍खाःल्‍ले़ चोगुल्‍ले़ मे़न्‍नुप्‍मनाबा हिङ्‌मन्‍निल्‍ले़ निङ्‌साङ्‌ङिन् आघोसुम्, हे़क्‍क्‍याङ् आप्‍फाल्‍ले़आङ् इङ्‌ले़क् मे़म्‍बाःप्‍मनाबा निङ्‌वाॽफुमाङ्‌ङिल्‍ले़ ये़म्‍मिल्‍ले़ कुहेःक्‍सिङ्‌मानुःल्‍ले़ तगिए कन् मे़न्‍नुप्‍मनाबा हिङ्‌मन्‍निल्‍ले़ माङ्‌हे़क्‍किन् चोगुआङ् वये़रो॥

अयुब 19:28

“आनिॽ आक्‍खेलॽरिक् कन् तुक्‍खे चाःप्‍मा आसुक्‍तुम्‍बे?” खिनिॽ आङ्‌गाॽ कुभा आप्‍तिक् कुःप्‍मा पान् के़गोःत्तिर के़वयिरो॥

निङ्‌वाॽफु साम्‍लोसुम् 119:3

खे़ङ्‌हाॽरे़ आभे़ल्‍ले़आङ् फे़न्‌याःम्‍बक् मे़न्‍जोगुन्‍लो, खे़ङ्‌हाॽ यहवे दाङ्‌बे़ल्‍ले़ कुलाम्‍मो लाङ्‌मे़घेःक्‍लो॥

१ युहुन्‍ना 3:6

हे़क्‍केःल्‍ले़ आत्तिन् ख्रिस्‍तओ वाॽ, खे़ल्‍ले़ लायो चोगुर मे़वाॽने़न्‍लो॥ कर आत्तिल्‍ले़ लायो चोगुर वाॽ, खे़ल्‍ले़ खुने़ॽ मे़न्‍निए नु कुसिङ् मे़न्‍निःत्ते वाॽरो॥

३ युहुन्‍ना 1:11

आमिःम् आन्‍जुम्‍मे, ताप्‍फे़ःम्‍बा याःम्‍बक्‍हाॽरे़न् मेःन्, कर नुबा याःम्‍बक्‍हाॽरे़न् चोःङ् के़इःप्‍पा पोःक्‍खे़ॽओ॥ हाःत्‍ले़ नुबा याःम्‍बक्‍हाॽ चोगुॽ खे़न् निङ्‌वाॽफुमाङ्‌ङिल्‍ले़ कुस्‍सारो॥ हाःत्‍ले़ ताप्‍फे़ःम्‍बा याःम्‍बक्‍हाॽ चोगुॽ खे़ल्‍ले़ निङ्‌वाॽफुमाङ्‌ङिन् मे़न्‍निए वाॽरो॥

ले़बि 11:37

हेॽमारे़ लागि युङ्‌मनाबा याॽरिःम्‍बाओ हे़क्‍तङ्‌बा आसुत्‍थो पाःन्‍निन् लाःत्‍छाङ् याॽरिःम्‍बान् सुत्‍थोए पोङ्‌ॽ॥