१ युहुन्ना 3:4 - लिम्बु4 लायो के़जोःक्पा काक्ले़ साम्योथिम्मिन् मे़भेःन्दुॽरो, थेआङ्भे़ल्ले़ के़रे़क् लायोन् ने साम्योथिम्मिन् फेःम्मनाबारो॥ Gade chapit la |
१ युहुन्ना 3:4
17 Referans Kwoze
खिनिॽ तुम्से़ याम्मो ताआल्ले़ आनिङ्वाॽफुमाङ्ङिल्ले़ खिनिॽ तगि नःम्नःम् चोःक्का फाॽआङ् किआरो॥ हे़क्क्याङ् खिनिॽ लुम्मो तगि लायो के़जोःक्पाआङ् खे़न् आसुत्थोलाम्, चाराम्मा याःम्बक्लाम्, नु निङ्वाॽ पाःप्पाःत् चोःक्मालाम् यरिक् मे़न्हिम्मनाबा मे़न्नुःङ्मनाबाहाॽरे़ लागि इङ्गाॽ मे़रिङ् थक्मा पोङ्बिलारो!
खे़ने़ॽ के़इङ्जाङ्ङिन् इःप्मा नाःप्मा मे़न्दे़न्ने़न्नाङ् के़रे़क् इस्राइलिहाॽरे़ खे़ने़ॽ के़साम्योथिम् इङ्जाङ्हाॽ मे़भेःन्दुआङ् वाॽ हे़क्क्याङ् खे़ने़ॽलाम् माःङ्घा मे़बोःक्खे़आङ् मे़वाॽ॥ “खे़ल्ले़चोगुल्ले़ निङ्वाॽफुमाङ्ङिल्ले़ के़से़वारोबा मोसाःल्ले़ कुसाम्योथिम्मो साप्ते़आङ् के़बप्पा साक्मुरा माङ्देहाॽ नु माङ्हे़क् निःन्धो के़बोङ्बा पाःन्हाॽ आनिगे सम्धाङ् थ्ये़आङ् वाॽ, थेआङ्भे़ल्ले़ आनिगे खे़ने़ॽ के़दक्ले़ङ्वाओ लायो चोगुम्बे़आङ् वाॽ॥
खे़ब्याङ् निङ्वाॽफुमाङ्ङिल्ले़ कुयाम्साम्मिन् निङ्वाॽफुसाम्बा यहोयादाःल्ले़ कुस्सा जकरियाओ थासिङ् ये़॥ खुने़ॽ मनाहाॽरे़ खुन्छिॽ तगि ये़म्सिङ्ङाङ् पाःत्तु, “यहवे दाङ्बे़ल्ले़ अक्खे पाःत्तुॽ—‘खिनिॽ थेआङ् यहवे दाङ्बे़ल्ले़ कुइङ्जाङ्ङिन् के़भेःन्दुम्बाबे? खिनिॽ के़न्नुरिन् के़न्दासिन्लो॥ यहवे दाङ्बे़न् खिनिॽ के़नाॽरुम्बाल्ले़ चोगुल्ले़ खुने़ॽआङ् खिनिॽ के़नाॽरिआङ् वाॽ!’”
हे़क्क्याङ् खुन्छिॽ मे़दे़म्सु मे़देॽरुसिबा लाजेॽओ खे़ङ्हाॽरे़ तुक्खे लाक्खे मे़दुमुबाल्ले़ चोगुल्ले़ खुन्छिॽ निङ्वाॽ नुःङ्ङाङ् खे़न् लाजेॽओ खुन्छिॽ लायोलाम् मे़हिन्ॽ हे़क्क्याङ् खे़ने़ॽ पेलि के़म्भाक्काङ् ‘आनिगे लायो चोगुम्बे़, आनिगे याःम्बक् फेःन्दुम्बे़, हे़क्क्याङ् फे़न्याःम्बक् चोगुम्बे़,’ मे़बाःत्तुने़भग्र,
खुने़ॽ साॽरिक् ताप्फे़ःल्लिक् मे़मे़त्तुरो हे़क्क्याङ् खुम्दिङ् मे़बिरुआङ् से़त्छे़ मे़देॽरुरो॥ खे़ब्याङ् खुने़ॽ कुमुॽइदाङ्साहाॽ मेःन्ने स्ये़रो फाॽआङ् हाःत्ले़ निङ्वाॽ इःत्तुबे? थेआङ्भे़ल्ले़ कुहिङ्वे़त्हाॽरे़ खुन्छिॽ लाजेॽलाम् मे़लःत्तु मे़देसुरो, खुने़ॽग आमनाहाॽरे़ खुन्छिॽ लायोल्ले़ चोगुल्ले़ मे़धगुरो॥
पावलरे़आङ् हननियान् मे़त्तु, “खे़ने़ॽ कुनिङ्वाॽ के़जिःप्पाए! निङ्वाॽफुमाङ्ङिल्ले़ खे़ने़ॽआङ् के़हिप्लो॥ खे़ने़ॽग खे़प्मो मोसारे़ पिरुबा साम्योथिम् कुइसिक् इङ्गाॽ आघासे़न्लोःम्मा फाॽआङ् के़युङ्, कर खे़ने़ॽग साम्योथिम्मिल्ले़ कुदक्ले़ङ्वाओ खासे़न् लोःम्मानुःल्ले़ तगिए इङ्गाॽ याप्मि हिप्मा के़बाङ्घुसिबि?”
Piblisite