१ युहुन्‍ना 3:23 - लिम्‍बु

²³ खुने़ॽ कुइङ्‌जाङ्‌ङिङ्‌ग बा कन्‍लो—आबुगे़न् कुस्‍सा ये़सु ख्रिस्‍ते़न् आनिॽ नसान् चोःक्‍मा पोङ्, हे़क्‍क्‍याङ् खुने़ॽ आबिरे़बा इङ्‌जाङ् कुइसिक् लुङ्‌माॽ तुक्‍सिङ्‌मा पोङ्‌लो॥

१ युहुन्‍ना 3:23 Referans Kwoze

युहुन्‍ना 13:34

“खे़ल्‍ले़चोगुल्‍ले़ आल्‍ल खिनिॽ लुङ्‌माॽ तुक्‍कासिम्‍मे़ॽ फाॽआङ् इङ्‌गाॽ कुसङ् इङ्‌जाङ् पिनिङ्‌लो॥ खिनिॽ इङ्‌गाॽ लुङ्‌माॽ तुक्‍निङ्‌बा कुइसिःक्‍के लुङ्‌माॽ तुक्‍कासिम्‍मे़ॽओ॥

१ पत्रुस 1:22

आल्‍ल से़क्‍खा पाःन्‍निन् खे़म्‍मा के़दे़न्‍दिआङ् आबाङे सुत्‍थो के़जोःक्‍कासिआङ् के़वयिबाल्‍ले़ चोगुल्‍ले़ फुॽनुसाॽ नु ने़ॽनुसाॽहाॽ नुरिक् लुङ्‌माॽ के़दुक्‍तुम्‍सिम्, हे़क्‍केःल्‍ले़ सिक्‍लुङ्‌मोलाम्‍मे साॽरिक् लुङ्‌माॽ तुक्‍ते़म्‍सिम्‍मे़ॽओ॥

युहुन्‍ना 15:12

आल्‍ल इङ्‌गाॽ लुङ्‌माॽ तुक्‍निङ्‌बा कुइसिक् खिनिॽआङ् लुङ्‌माॽ तुक्‍कासिम्‍मे़ॽ फाॽआङ् इङ्‌जाङ् पिनिङ्‌लो॥

युहुन्‍ना 6:29

ये़सुरे़ खे़ङ्‌हाॽ नोगप् पिरुसि, “निङ्‌वाॽफुमाङ्‌ङिल्‍ले़ कुयाःम्‍बक्‍किङ्‌ग खुने़ॽ पाङ्‌घुबा मनान् नसान् के़जोगुम्‍ल फाॽआङ् निङ्‌वाॽ चोगुॽरो॥”

१ पत्रुस 4:8

काक्‍नुःल्‍ले़ यम्‍बा पाःन्‍निङ्‌ग सिक्‍लुङ्‌मोलाम् लुङ्‌माॽ तुक्‍कासिम्‍मे़ॽओ, थेआङ्‌भे़ल्‍ले़ लुङ्‌माॽ तुक्‍माल्‍ले़ग यरिक् लायोहाॽ ते़प्‍तुॽरो॥

१ युहुन्‍ना 3:11

आनिॽ लुङ्‌माॽ तुक्‍सिङ्‌मा पोङ् के़लॽबा इङ्‌घङ्‌ङिङ्‌ग तगिआङ्‌धोए के़घे़प्‍सुम्‍माङ् के़वयिॽरो॥

१ युहुन्‍ना 4:21

आत्तिल्‍ले़ निङ्‌वाॽफुमाङ्‌ङिन् मिःम्‍जि मे़त्तुॽ, खे़ल्‍ले़ नसानिबा फुॽनुसाॽ नु ने़ॽनुसाॽहाॽआङ् लुङ्‌माॽ तुक्‍मासिए पोङ्‌लो लॽरिक् निङ्‌वाॽफुमाङ्‌ङिल्‍ले़ कन् इङ्‌जाङ् आबिरे़आङ् आवाॽरो॥

१ थिस्‍सलोनिकि 4:9

आल्‍ल नसानिबा फुॽनुसाॽ नु ने़ॽनुसाॽहाॽ लुम्‍मो आक्‍खेलॽरिक् लुङ्‌माॽ तुक्‍सिङ्‌मा पोङ् के़लॽबान् साप्‍मार ने़मा चाहाबा मे़जोक्‍ने़न्‍लो॥ थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ आबाङे खिनिॽ अक्‍खेलॽरिक् लुङ्‌माॽ तुक्‍सिङ्‌मा पोङ् फाॽआङ् के़हुॽरिआङ् के़वयिॽरो॥

एफिसि 5:2

ख्रिस्‍तरे़ आनिॽ लुङ्‌माॽ आदुक्‍ते़आङ् आनिॽ लागि स्‍ये़बा कुइसिक् खिनिॽआङ् लुङ्‌माॽ तुक्‍कासिम्‍मे़ॽओ॥ खुने़ॽए निङ्‌वाॽफुमाङ्‌ङो तोःम्‍मनाबा कुनाम् के़नुॽबा नु कुनिङ्‌वाॽ के़दाबा सिदुङ्‌जभा पोङ्‌से़ आबाङे पिसिङ्‌लो॥

मर्कुस 9:7

हे़क्‍क्‍याङ् खाप्‍मिःत्तिल्‍ले़ चिदे़प् ते़प्‍तुसिआङ् खाप्‍मिःत्तोलाम् अक्‍तङ्‌बा इक्‍ला मे़घे़प्‍सु, “कन् आमिःम् आस्‍सारो॥ खुने़ॽ पाःत्तुबा पाःन्‍निन् खे़प्‍से़म्‍मे़ॽओ॥”

मत्ति 22:39

हे़क्‍केलॽरिक् निसिगेक्‍पा के़ये़क्‍पा इङ्‌जाङ्‌ङिङ्‌ग बा कन्‍लो, ‘आप्‍फेक् लुङ्‌माॽ के़दुक्‍सिङ्‌बा कुइसिःक्‍के के़बाङ्‌भेॽसाबाहाॽआङ् लुङ्‌माॽ तुक्‍ते़से़ॽओ॥’

सेःक्‌युक्‍मिबाहाॽ 16:31

खे़ङ्‌हाॽरे़ नोगप् पिरे़त्‍छु, “दाङ्‌बा ये़सुन् नसान् चोगे़ॽ, हे़क्‍क्‍याङ् खे़ने़ॽ से़न्‍लप् के़घोसुॽ, हे़क्‍केलॽरिक्‍के के़हिम्‍सयङ्‌हाॽरे़आङ् नसान् मे़जोगुने़ फाॽग्र से़न्‍लप् मे़घोसुॽरो॥”

युहुन्‍ना 17:3

खे़ङ्‌हाॽरे़ से़क्‍खागे़न् निङ्‌वाॽफुमाङ्‌ङिन् खे़ने़ॽरक् फाॽआङ् कुसिङ् मे़निःत्तुर हे़क्‍क्‍याङ् खे़ने़ॽ के़बाङ्‌घुबा ये़सु ख्रिस्‍ते़न् कुसिङ् मे़निःत्तुर बा खे़न्‍ने मे़न्‍नुप्‍मनाबा हिङ्‌मन्‍लो॥

युहुन्‍ना 14:1

ये़सुरे़ याम्‍मो कुहुॽसाम्‍बाहाॽ मे़त्तुसि, “खिनिॽ निङ्‌साम्‍मो मे़ध्‍ये़म्‍मिन्‍ने़ॽओ, कर निङ्‌वाॽफुमाङ्‌ङिन् नसान् चोगे़म्‍मे़ॽओ, हे़क्‍केलॽरिक् इङ्‌गाॽआङ् याप्‍मि नसान् आजोगे़म्‍मे़ॽओ॥

निङ्‌वाॽफु साम्‍लोसुम् 2:12

आबुगे़न् कुस्‍सान् मिङ्‌सो इङ्‌धाङ् पिरे़म्‍मे़ॽओ, मेःन्‍ने़भग्र यहवे दाङ्‌बे़ल्‍ले़ कुसाक्‍के़न् पोःक्‍काङ् हक्‍चघत् खिनिॽ मे़म्‍भै के़जोगिरो॥ कर से़ःप्‍सिङ्‌से़ खुने़ॽओ के़बेःक्‍पाहाॽ के़रे़क् मुॽइसाबासिरो॥

१ तिमोथि 1:15

ख्रिस्‍त ये़सुन् लायोबाहाॽ ताङ्‌से़ःप्‍से़ कन् इक्‍सादिङ् खाम्‍बेःक्‍मो त्‍ये़ के़लॽबा पाःन्‍निङ्‌ग से़क्‍खासाङ् ते़न्‍दिङ् नु नसान् चोःक्‍मा सुक्‍ते़त्‍लो॥ खे़न् लायोबाहाॽओ इङ्‌गाॽ साॽरिक् लायोबा चोगाङ्‌लो,

युहुन्‍ना 1:12

कर खुने़ॽ नसान् के़जोःक्‍पाहाॽ नु निङ्‌वाॽओ के़दाःक्‍पाहाॽ के़रे़क् निङ्‌वाॽफुमाङ्‌ङिल्‍ले़ कुमुॽइदाङ्‌सा पोङ्‌मा युक् पिरुसिरो॥

युहुन्‍ना 2:23

खुने़ॽ यरुसले़म्‍मो वये़ल्‍ले़ यहुदि चोःक्‌युम्‍भो तङ्‌नाम्‍मो चोगुबा निङ्‌वाॽ के़माबा याःम्‍बक्‍किन् यरिक् मनाहाॽरे़ मे़निसुआङ् खुने़ॽ नसान् मे़जोगुरो॥

युहुन्‍ना 3:18

खुने़ॽओ नसान् के़जोःक्‍पाहाॽरे़ग खुम्‍दिङ् मे़ङ्‌घोसुन्‍लो कर खुने़ॽओ नसान् मे़न्‍जोःक्‍मनाहाॽरे़ङ्‌ग तगिए खासे़न् पोःक्‍खे़चुरे़आङ् वाॽरो, थेआङ्‌भे़ल्‍ले़ खे़ङ्‌हाॽरे़ निङ्‌वाॽफुमाङ्‌ङिल्‍ले़ थिक्‍लक् कुस्‍साओ नसान् मे़न्‍जोगुन्‍लो॥

१ युहुन्‍ना 2:7

आमिःम् आन्‍जुम्‍से, कन् साप्‍तुङ्‌बा इङ्‌जाङ्‌ङिन् कुसङ् इङ्‌जाङ्‌ग मेःन्‍लो॥ कङ्‌ग उन्‍छोःन्‍नाङ्‌धो खिनिॽनुए के़वाॽबा के़युःबा इङ्‌जाङ्‌लो॥ कन् उन्‍छोःन्‍बा इङ्‌जाङ्‌ङिङ्‌ग के़घे़प्‍सुम् के़सुरुम्‍बा पाःन्‍जाक्‍लो॥

१ युहुन्‍ना 4:15

आत्तिल्‍ले़ ये़सुन् निङ्‌वाॽफुसा फाॽआङ् ते़न्‍दिङ् चोगुॽ, खुने़ॽओ निङ्‌वाॽफुमाङ्‌ङिन् वाॽ हे़क्‍क्‍याङ् खे़न् निङ्‌वाॽफुमाङ्‌ङो वाॽरो॥

१ युहुन्‍ना 5:13

इङ्‌गाॽ मे़न्‍नुप्‍मनाबा हिङ्‌मन् के़घोसुम्‍माङ् के़वयिॽ के़लॽबा पाःन्‍निन् खिनिॽ कुसिङ् के़निःत्तुम्‍ल फाॽआङ् खिनिॽ निङ्‌वाॽफुसान् नसान् के़जोःक्‍पाहाॽ कन् साप्‍तुङ्‌ङाङ् हाक्‍निङ्‌ल पत्तारो॥