१ युहुन्‍ना 3:22 - लिम्‍बु

²² हे़क्‍क्‍याङ् आनिॽग निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् आइःत्तुम् आनाःत्तुम्‍बा नु खुने़ॽ कुसिराॽ के़धाङ्‌बा याःम्‍बक् आजोगुम्‍बाल्‍ले़ चोगुल्‍ले़ आनिॽ आनाःक्‍तुम्‍बा पाःन्‍निन् खुने़ॽ आबिॽरो॥

१ युहुन्‍ना 3:22 Referans Kwoze

युहुन्‍ना 15:7

खिनिॽ इङ्‌गाॽओ हे़क्‍क्‍याङ् आबाःन्‍जाक्‍किन् खिनिॽओ वाॽने़ फाॽग्र खिनिॽ सिराॽ के़धाङ्‌बा पाःन्‍हाॽ थे के़नाःक्‍तुम्‍साङ् खिनिॽ के़घोसुम्‍लो॥

युहुन्‍ना 9:31

निङ्‌वाॽफुमाङ्‌ङिल्‍ले़ लायोबाहाॽरे़ खुनिॽ पाःन्‍निन् मे़घे़प्‍सुन् के़लॽबान् आनिॽ आनिसुम्॥ खुने़ॽ सेसे से़वा के़जोःक्‍पाहाॽ नु कुनिङ्‌वाॽ हे़क्‍के के़जोःक्‍पाहाॽरे़ खुनिॽ पाःन्‍लक् खे़प्‍सुॽरो॥

मत्ति 21:22

खिनिॽ तुवाओ के़नाःक्‍तुम्‍बा पाःन्‍निन् खोसुम्‍बे़ॽ फाॽआङ् नसान् के़जोगुम्‍ने़ फाॽग्र निङ्‌वाॽफुमाङ्‌लाम् के़घोसुम्‍लो॥”

१ युहुन्‍ना 5:14

आनिॽ निङ्‌वाॽफुमाङ्‌ङिल्‍ले़ कुनिङ्‌वाॽ कुइसिक् तुवाओ आनाःक्‍तुम्‍मिल्‍ले़ खुने़ॽ आनिॽ पाःन्‍निन् खे़प्‍सुॽ फाॽआङ् निःन्‍धो आबोङ्‌लो॥

मर्कुस 11:24

खे़ल्‍ले़चोगुल्‍ले़ खिनिॽ तुवा के़जोगुम्‍मिल्‍ले़ के़नाःक्‍तुम्‍बा पाःन्‍निन् खोसुम्‍बे़ॽ फाॽआङ् नसान् चोगे़म्‍मे़ॽ, हे़क्‍क्‍याङ् खे़न् निङ्‌वाॽफुमाङ्‌लाम् के़घोसुम्‍लो॥

युहुन्‍ना 14:13

खिनिॽ आमिङ्‌ङो थे के़नाःक्‍तुम्‍साङ् पानुदिङ् पाःल्‍ले़ कुमिङ्‌सो कुधाङ्‌सो कुस्‍साओलाम् ओसेःन्‍दाङ् पोङ्‌ल फाॽआङ् इङ्‌गाॽ खे़न् चोगुङ्‌लो॥

खाहुन् 15:29

यहवे दाङ्‌बे़न् कुॽइगे़भे़म्‍बे़न् लाम्‍बा लाःत्‍लाःत् वाॽरो, कर खुने़ॽ साम्‌योनिबे़ल्‍ले़ कुबेलिन् खे़प्‍सुरो॥

निङ्‌वाॽफु साम्‍लोसुम् 34:4

आङ्‌गाॽ यहवे दाङ्‌बान् कोःत्तुङ्‌लो, हे़क्‍क्‍याङ् खुने़ॽ नुगप् पिराङ्‌लो, के़रे़क् आगिमा आयङ्‌माहाॽ खे़त्तुदेसुरो॥

याकुब 1:5

कर खिनिॽ सिक्‍कुम्‍दिङ् निङ्‌वाॽ चाहाबा के़जोगिने़ फाॽग्र निङ्‌वाॽफुमाङ्‌ङिन् नाःक्‍ते़म्‍मे़ॽ हे़क्‍क्‍याङ् खुने़ॽ के़बिरिॽरो, थेआङ्‌भे़ल्‍ले़ कुयाःक् मे़ल्‍ले़ॽए कुनिङ्‌वाॽ हन्‍दुआङ् के़नाःक्‍पाहाॽ के़रे़क् पिरुसिॽरो॥

युहुन्‍ना 8:29

इङ्‌गाॽ याप्‍मि के़बाङ्‌बाङ्‌ग सदादिङ् इङ्‌गाॽनु वाॽरो॥ खुने़ॽग आप्‍फाल्‍ले़आङ् इङ्‌गाॽ एःक् मे़ल्‍ले़त्ते वाॽरो, थेआङ्‌भे़ल्‍ले़ इङ्‌गाॽ सदादिङ् कुनिङ्‌वाॽ के़दाबा याःम्‍बक् चोगुङ्‌लो॥

कलस्‍सि 1:10

हे़क्‍क्‍याङ् दाङ्‌बा ये़सुन् लाॽरुबा हिङ्‌मन्‍नो सुम्‍बोधासाबा के़बोःक्‍खिर, हे़क्‍केलॽरिक् काक् परिक्‍ले़ खुने़ॽ कुनिङ्‌वाॽ के़दासुम्‍ल हे़क्‍क्‍याङ् निङ्‌वाॽफुमाङ्‌ङिन् आल्‍लसाङ् नुरिक्‍काङ् कुसिङ् निःप्‍मा के़सुक्‍तुम्‍माङ् काक् नुबा याःम्‍बक्‍किल्‍ले़ निङ्‌वाॽफुमाङ्‌ङिल्‍ले़ कुनिङ्‌वाॽ के़दासुम्‍ल फाॽआङ् आनिगे तुवा चोगुम्‍बे़रो॥

यर्मिया 33:3

“आङ्‌गाॽ उःत्ताङ्‌ङे़ॽ हे़क्‍क्‍याङ् आङ्‌गाॽ खे़ने़ॽ पाःन्‍छाःत्‍ने़॥ खे़ने़ॽ के़ल्‍ले़सुम्‍बा निङ्‌वाॽ के़माबा नु ने़हिरे़ मे़न्‍धाप्‍मनाबा कुबे के़याक्‍पा पाःन्‍हाॽ आङ्‌गाॽ खे़ने़ॽ मे़त्‍ने़ॽ॥

याकुब 5:16

खे़ल्‍ले़चोगुल्‍ले़ खिनिॽ लायोहाॽ मे़त्तासिम्‍मे़ॽआङ् हिन्‍दे़म्‍मे़ॽओ, हे़क्‍क्‍याङ् दाङ्‌बाल्‍ले़ के़वेःन्‍दिर फाॽआङ् तुवा चोःक्‍का पिआसिम्‍मे़ॽओ॥ साम्‌योबा मनाःल्‍ले़ कुदुवान् मुक्‍साम्‍बा चोःक्‍काङ् यम्‍बा याःम्‍बक् चोगुॽरो॥

निङ्‌वाॽफु साम्‍लोसुम् 50:15

तुक्‍खे लाक्‍खे के़जाःल्‍ले़ मे़त्ताङ्‌ङे़ॽओ, आङ्‌गाॽ खे़ने़ॽ से़ःप्‍ने़रो हे़क्‍क्‍याङ् खे़ने़ॽ आमिमिदिङ् के़जोगुरो॥”

हिब्रु 13:21

खुने़ॽ कुनिङ्‌वाॽ कुइसिक् चोःक्‍मा चाहाबा के़जोगिबा काक् पाःन्‍हाॽरे़ के़गाप्‍तिररो॥ निङ्‌वाॽफुमाङ्‌ङिल्‍ले़ कुनिङ्‌वाॽ के़दाबा काक् पाःन्‍हाॽ ये़सु ख्रिस्‍तलाम्‍बा खिनिॽओ चोगुनिरो॥ हे़क्‍क्‍याङ् सदादिङ् सदादिङ् ख्रिस्‍तरे़ कुमिमिदिङ् पोङ्‌निरो॥ आमे़न्॥

युहुन्‍ना 6:29

ये़सुरे़ खे़ङ्‌हाॽ नोगप् पिरुसि, “निङ्‌वाॽफुमाङ्‌ङिल्‍ले़ कुयाःम्‍बक्‍किङ्‌ग खुने़ॽ पाङ्‌घुबा मनान् नसान् के़जोगुम्‍ल फाॽआङ् निङ्‌वाॽ चोगुॽरो॥”

फिलिप्‍पि 4:18

कन् ये़म्‍मो इङ्‌गाॽ चाहाबा चोगाङ्‌बान्‍नुःल्‍ले़आङ् यरिक् पाःन्‍हाॽ खोसुङ्‌ङाङ् वाॽआरो॥ इपाफ्रोदितसरे़ कुहुक्‍कोलाम् के़हाङुम्‍बान् निङ्‌वाॽफुमाङ्‌ङिल्‍ले़ ताःक्‍तुबा नु कुनिङ्‌वाॽ तासुबा कुनाम् के़नुॽबा सिदुङ्‌जभा कुइसिःक्‍पा कुभाॽ याङ्‌ङिन् इङ्‌गाॽ खोसुङ्‌ङाङ् वाॽआरो॥

सेःक्‌युक्‍मिबाहाॽ 17:30

पेबा ये़म्‍मो निङ्‌वाॽफुमाङ्‌ङिल्‍ले़ मे़न्‍छाम् याप्‍मिहाॽरे़ मे़न्‍नि मे़न्‍धाए फे़न् याःम्‍बक् मे़जोगुबाओ खुम्‍दिङ् मे़बिरुन्‍सिन्, कर आल्‍ल खे़ङ्‌हाॽ आत्तान् पिसाङ्‌साङ् मनाहाॽ फे़न् याःम्‍बक् कुधिम् हिङ्‌मन्‍लाम् मे़हिन्‍ल फाॽआङ् इङ्‌जाङ् पिरुसिआङ् वाॽरो॥

युहुन्‍ना 15:10

पानुदिङ् आम्‍बारे़ कुइङ्‌जाङ्‌ङिन् इःत्तुङ् नाःत्तुङ्‌ङाङ् इङ्‌गाॽ कुमिःम्‍जिओ वाॽआबा कुइसिक् इङ्‌गाॽ आइङ्‌जाङ्‌ङिन् के़इःत्तुम् के़नाःत्तुम्‍ने़ फाॽग्र आमिःम्‍जिओ के़वयिबा पोङ्‌लो॥

मत्ति 17:5

अक्‍खेलॽरिक् खुने़ॽ पारे़र पत्‍छे़ल्‍ले़ए फ लॽरिक् के़ओःप्‍पा खाप्‍मिःत्तिल्‍ले़ चिदे़प् ते़प्‍तुसिआङ् खाप्‍मिःत्तोलाम् अक्‍तङ्‌बा इक्‍ला मे़घे़प्‍सु, “कन् आमिःम् आस्‍सारो, खुने़ॽनु इङ्‌गाॽ सःत्ताङ्‌ङाङ् वाॽआरो॥ खुने़ॽ पाःत्तुबा पाःन्‍निन् खे़प्‍से़म्‍मे़ॽओ॥”

यसैया 1:15

खे़निॽ पेलिगे़न् तुवा के़जोगिबा ये़म्‍मो खे़निॽ हुक्‍हाॽ के़भोःक्‍सुम्‍साङ् आमिक्‍हाॽ ते़प्‍तुङ्‌लो॥ खे़निॽ साॽरिक् तुवा के़जोगिसाङ् मे़घे़म्‍मान्‍लो॥ थेआङ्‌भे़ल्‍ले़ खे़निॽ फोत्‍या मेःन्‍नेबा मनाहाॽ के़से़रुम्‍सिम्‍माङ् खे़निॽ हुक्‍हाॽ माक्‍खिल्‍ले़ ने़ःक्‍तुआङ् पत्‍लो॥

खाहुन् 28:9

कुभारे़ साम्‌योथिम् इङ्‌जाङ् ले़प्‍माङ् कुने़क्‍खोॽबान् हुॽरुने़भग्र, खे़न् मनाःल्‍ले़ पेलि फाक्‍तुबान्‍नाङ् याम्‍गे़सिङ्‌बा पोङ्‌लो॥

निङ्‌वाॽफु साम्‍लोसुम् 10:17

यहवे दाङ्‌बाए, तुक्‍खे के़जाबाहाॽरे़ खुनिॽ तुवान् के़घे़प्‍सुरो हे़क्‍क्‍याङ् खुनिॽ सिक्‍लुङ्‌मान् के़धुम्‍बा के़जोगुरो, खे़ङ्‌हाॽरे़ आभाॽरे़ फाॽआङ् के़म्‍उःत्तिल्‍ले़ खे़ने़ॽ के़घे़प्‍सुरो॥

सेःक्‌युक्‍मिबाहाॽ 20:21

यहुदिहाॽ नु थिम्‍मे़न्‍दङ् सुवाङ्‌हाॽ लायोलाम् हिन्‍दे़म्‍मे़ॽआङ् निङ्‌वाॽफुमाङ् ले़प्‍माङ् नुःक्‍खे़म्‍मे़ॽ मे़प्‍मासि नु आनिॽ दाङ्‌बा ये़सु ख्रिस्‍त सम्‍दाङ् नसान् चोक् पाङ्‌मासि फाॽआङ् इङ्‌गाॽ साम्‍दिङ् पिरुङ्‌सिङ्‌ङाङ् वाॽआरो॥

अयुब 22:26

खे़ब्‍याङ् मुक्‍साम्‍दाङ्‌बा निङ्‌वाॽफुमाङ्‌ङिल्‍ले़ कुसःप्‍माल्‍ले़ खे़ने़ॽ के़धिम्‍लो हे़क्‍क्‍याङ् खे़ने़ॽ सेसेबा निङ्‌वाॽइल्‍ले़ खुने़ॽ ओगे़मत्तुरो॥

याकुब 4:3

खिनिॽ के़नाःक्‍तुम् कर के़ङ्‌घोसुम्‍मिन्, थेआङ्‌भे़ल्‍ले़ खिनिॽ आबाङे निङ्‌वाॽ पाःप्‍पाःत् चोःक्‍मा फाॽआङ् फे़न्‍निङ्‌वाॽइल्‍ले़ के़नाःक्‍तुम्‍लो॥

१ युहुन्‍ना 2:3

आनिॽ निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् आइःत्तुम् आनाःत्तुम्‍ने़ फाॽग्र खुने़ॽ नुःरिक्‍काङ् कुसिङ् आनिःत्तुम् के़लॽबान् से़क्‍खा आनिसुम्‍लो॥