Biblia Todo Logo
Bib sou entènèt

- Piblisite -




१ युहुन्‍ना 3:14 - लिम्‍बु

14 आनिॽ नसानिबा फुॽनुसाॽ नु ने़ॽनुसाॽहाॽ लुङ्‌माॽ आदुक्‍सिङ्‌बाल्‍ले़ चोगुल्‍ले़ आनिॽग सिमे़न्‍लाम् मे़न्‍नुप्‍मनाबा हिङ्‌मन्‍नो आजत्‍छिङ्‌ङाङ् आवाॽ फाॽआङ् आनिसुम्‍लो॥ कर आत्तिल्‍ले़ वेॽहाॽ लुङ्‌माॽ मे़दुक्‍तुसिन्, खे़ङ्‌ग आल्‍लोसाङ् सिमे़न्‍नोए वाॽरो॥

Gade chapit la Kopi




१ युहुन्‍ना 3:14
31 Referans Kwoze  

निङ्‌वाॽफुमाङ्‌ङिन् मिःम्‍जि आमे़त्तुम्‍माङ् कुइङ्‌जाङ्‌हाॽ आइःत्तुम् आनाःत्तुम्‍ने़ फाॽग्र आनिॽ निङ्‌वाॽफुमाङ्‌ङिल्‍ले़ कुस्‍साहाॽ लुङ्‌माॽ आदुक्‍तुम्‍सिम् के़लॽबान्‍नाङ् कुसिङ् आनिःत्तुम्‍लो॥


खिनिॽ लुङ्‌माॽ के़दुक्‍कासिने़ फाॽग्र खे़न्‍लाम्‍मे काक् मे़न्‍छाम् याप्‍मिहाॽरे़ खिनिॽ आहुॽसाम्‍बानिङ् फाॽआङ् कुसिङ् के़म्‍निःत्तिॽरो॥”


आल्‍ल नसानिबा फुॽनुसाॽ नु ने़ॽनुसाॽहाॽ लुम्‍मो आक्‍खेलॽरिक् लुङ्‌माॽ तुक्‍सिङ्‌मा पोङ् के़लॽबान् साप्‍मार ने़मा चाहाबा मे़जोक्‍ने़न्‍लो॥ थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ आबाङे खिनिॽ अक्‍खेलॽरिक् लुङ्‌माॽ तुक्‍सिङ्‌मा पोङ् फाॽआङ् के़हुॽरिआङ् के़वयिॽरो॥


इङ्‌गाॽ से़क्‍खाए मे़त्‍निङ्, आत्तिल्‍ले़ पेलिगे़न् आबाःन्‍जाक्‍किन् खे़प्‍सुआङ् इङ्‌गाॽ याप्‍मि के़बाङ्‌बान् नसान् चोगुॽ, खे़ल्‍ले़ मे़न्‍नुप्‍मनाबा हिङ्‌मन् खोसुआङ् वाॽ, हे़क्‍क्‍याङ् खे़ल्‍ले़ खुम्‍दिङ् मे़घोसुन्, कर खे़ङ्‌ग तगिसा सिमे़न्‍लाम् मे़न्‍नुप्‍मनाबा हिङ्‌मन्‍नो चत्‍छिङ् पेआङ् वाॽरो॥


आल्‍ल से़क्‍खा पाःन्‍निन् खे़म्‍मा के़दे़न्‍दिआङ् आबाङे सुत्‍थो के़जोःक्‍कासिआङ् के़वयिबाल्‍ले़ चोगुल्‍ले़ फुॽनुसाॽ नु ने़ॽनुसाॽहाॽ नुरिक् लुङ्‌माॽ के़दुक्‍तुम्‍सिम्, हे़क्‍केःल्‍ले़ सिक्‍लुङ्‌मोलाम्‍मे साॽरिक् लुङ्‌माॽ तुक्‍ते़म्‍सिम्‍मे़ॽओ॥


हे़क्‍क्‍याङ् हाङ्‌ङिल्‍ले़ खे़ङ्‌हाॽ मे़त्तुसि ‘इङ्‌गाॽ से़क्‍खाए मे़त्‍निङ्, कङ्‌हाॽओ के़वाॽबा आम्‍भुॽ आन्‍साॽसिओ लत्‍छा चुक्‍पाधिक् च्‍या के़मे़त्तुम्, खे़न् इङ्‌गाॽए याप्‍मि आगे़मे़त्तिबारो॥’


आल्‍ल नसानिबा फुॽनुसाॽ नु ने़ॽनुसाॽ के़बोःक्‍खिबाल्‍ले़ चोगुल्‍ले़ चक्‍मे़ल्‍लॽए लुङ्‌माॽ तुक्‍कासिम्‍मे़ॽओ॥


आल्‍ल इङ्‌गाॽ लुङ्‌माॽ तुक्‍निङ्‌बा कुइसिक् खिनिॽआङ् लुङ्‌माॽ तुक्‍कासिम्‍मे़ॽ फाॽआङ् इङ्‌जाङ् पिनिङ्‌लो॥


आत्तिल्‍ले़आङ् निङ्‌वाॽफुमाङ्‌ङिन् आप्‍फाल्‍ले़आङ् मे़न्‍निए वाॽरो॥ कर आनिॽ लुङ्‌माॽ आदुक्‍सिङ्‌ने़ फाॽग्र निङ्‌वाॽफुमाङ्‌ङिन् आनिॽओ वाॽ, हे़क्‍क्‍याङ् खुने़ॽ कुमिःम्‍जिन् आनिॽओ मनाहाॽरे़ मे़निसुॽरो॥


खुने़ॽ कुइङ्‌जाङ्‌ङिङ्‌ग बा कन्‍लो—आबुगे़न् कुस्‍सा ये़सु ख्रिस्‍ते़न् आनिॽ नसान् चोःक्‍मा पोङ्, हे़क्‍क्‍याङ् खुने़ॽ आबिरे़बा इङ्‌जाङ् कुइसिक् लुङ्‌माॽ तुक्‍सिङ्‌मा पोङ्‌लो॥


कुनुप्‍मो, खिनिॽ निङ्‌वाॽओ काक् थिक्‍हुप् पोःक्‍खे़म्‍मे़ॽ, लुङ्‌माॽ तुक्‍कासिम्‍मे़ॽ, मिःम्‍जि मे़त्तासिम्‍मे़ॽ, हाङ्‌हाङ्‌वा ओसेःन्‍धाक्‍कासिम्‍मे़ॽ हे़क्‍क्‍याङ् चुङ्‌जिगे़न् नःम्‍नःम् पोःक्‍खे़म्‍मे़ॽओ॥


थेआङ्‌भे़ल्‍ले़ खिनिॽ ख्रिस्‍त ये़सुन् नसान् के़जोगुम्‍बान् हे़क्‍क्‍याङ् निङ्‌वाॽफुमाङ्‌ङिल्‍ले़ काक् सेसे कुमनाहाॽ लुङ्‌माॽ के़दुक्‍तुम्‍सिम्‍बा पाःन्‍निन् आनिगे खे़प्‍सुम्‍बे़आङ् वयिगे़रो॥


खे़ल्‍ले़चोगुल्‍ले़ इङ्‌गाॽआङ् दाङ्‌बा ये़सुन् के़जोगुम्‍बा नसाःन्‍निन् नु के़रे़क् निङ्‌वाॽफुमाङ्‌ङिल्‍ले़ सेसे कुमना नसानिबाहाॽ लुङ्‌माॽ के़दुक्‍तुम्‍सिम्‍बा पाःन्‍निन् खे़प्‍सुङ्‌ङाङ्


इङ्‌गाॽ मे़न्‍नुप्‍मनाबा हिङ्‌मन् के़घोसुम्‍माङ् के़वयिॽ के़लॽबा पाःन्‍निन् खिनिॽ कुसिङ् के़निःत्तुम्‍ल फाॽआङ् खिनिॽ निङ्‌वाॽफुसान् नसान् के़जोःक्‍पाहाॽ कन् साप्‍तुङ्‌ङाङ् हाक्‍निङ्‌ल पत्तारो॥


खिनिॽ लुङ्‌माॽ तुक्‍कासिम्‍मे़ॽ फाॽआङ् इङ्‌जाङ् पिनिङ्‌लो॥”


आनिॽ निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् आइःत्तुम् आनाःत्तुम्‍ने़ फाॽग्र खुने़ॽ नुःरिक्‍काङ् कुसिङ् आनिःत्तुम् के़लॽबान् से़क्‍खा आनिसुम्‍लो॥


साप्‍चुवाओ फुॽनुसाॽ लुङ्‌माॽ तुक्‍सिङ्‌मान्, हे़क्‍क्‍याङ् फुॽनुसाॽ लुङ्‌माॽ तुक्‍सिङ्‌मो मिःम्‍जिन् योॽरे़म्‍मे़ॽओ॥


आनिॽ लायोल्‍ले़ चोगुल्‍ले़ याम्‍साम्‍मो आस्‍ये़आङ् आवये़साङ् ख्रिस्‍ते़न्‍नु सोरिक् खुने़ॽ कुहिङ्‌वे़त् आजोगे़आङ् आवाॽरो—खुने़ॽ लुङ्‌माॽ के़दुक्‍तिबाल्‍ले़ खिनिॽ ताङ्‌गे़से़ःप्‍तिआङ् के़वयिॽ॥


आल्‍ल आनिॽ आवाॽबा कन् नासिङ्‌गे़न् थक्‍किङ्‌ग बा कन् इक्‍साओबा साःङ्‌गाहिम् कुइसिक् चोक्‍लो॥ कन् साःङ्‌गाहिम्‍मिन् यःल्‍ले़ मना हुक्‍किल्‍ले़ मेःन्, कर निङ्‌वाॽफुमाङ्‌ङिल्‍ले़ चोगु आबिरे़बा मे़न्‍नुप्‍मनाबा हिम्‍मिन् साङ्‌ग्राम्‍पेदाङ्‌ङो वाॽरो॥


निङ्‌वाॽफुमाङ्‌ङिल्‍ले़ सेसे कुमनाहाॽग साॽरिक् नुबा मे़जोक्‍लो, हे़क्‍क्‍याङ् खे़ङ्‌हाॽनु वाॽमा खोसुङ्‌ङिल्‍ले़ आङ्‌गाॽ साॽरिक् आनिङ्‌वाॽ तारो॥


के़बेःक्‍पा ये़म्‍मो खिनिॽ के़जोगुम्‍बा लायोबा याःम्‍बक्‍किल्‍ले़ चोगुल्‍ले़ के़स्‍ये़ॽइआङ् के़वयि॥


कर सेसेमाङ्‌ङिल्‍ले़ लाम्‍लोसुसिबा मनाहाॽरे़ वेॽहाॽ लुङ्‌माॽ मे़दुक्‍तुसिॽ, खे़ङ्‌हाॽ मे़सःत्, सनारुङ्‌ङो मे़वाॽ, नासि मे़धःत्, खे़ङ्‌हाॽरे़ वेॽहाॽ नुरिक् मे़मे़त्तुसिॽ, खे़ङ्‌हाॽ नुबा याःम्‍बक् मे़जोक्, निङ्‌वाॽइरे़ खोःप्‍तुसिबा मे़जोक्,


कर के़न्‍साॽ नुःक्‍खे़ त्‍ये़बाओ आनिॽ सःप्‍मा पोङ्‌लो॥ थेआङ्‌भे़ल्‍ले़ खुने़ॽ स्‍ये़आङ् वये़, याम्‍मो हिङे़आङ् वाॽ॥ खुने़ॽ मये़बेआङ् वये़, कर याम्‍मो आनिॽ आघोसुम्‍माङ् आवाॽरो॥’”


थेआङ्‌भे़ल्‍ले़ कन् आस्‍सान् स्‍ये़आङ् वये़, कर याम्‍मो हिङे़॥ खुने़ॽ मये़आङ् वये़, कर याम्‍मो इङ्‌गाॽ खोसुङ्‌ङाङ् वाॽआरो॥’ हे़क्‍क्‍याङ् खे़ङ्‌हाॽरे़ यम्‍बा साभाङ्‌जा से़मा मे़हेःक्‍तुरो॥


खासिङ्‌निःप्‍मालाम् माःङ्‌घा के़बोङ्‌बा मनान् के़सिबाहाॽरे़ खुन्‍छिॽ तङ्‌जुम्‍मो नाःम्‍सिङ्‌से़ के़त्‍लो॥


थेआङ्‌भे़ल्‍ले़ खे़ल्‍ले़ आनिॽ यहुदि सुवाङ्‌हाॽ साॽरिक् लुङ्‌माॽ आदुक्॥ हे़क्‍क्‍याङ् आनिॽ लागि यहुदि चुम्‍लुङ्‌हिम्‍धिक् आजोगे़ आबिरे़आङ् वाॽरो॥”


Swiv nou:

Piblisite


Piblisite