१ युहुन्‍ना 3:12 - लिम्‍बु

¹² खिनिॽग कयिने़न् हे़क्‍के मे़बोःक्‍खे़म्‍मिन्‍ने़ॽओ॥ खे़ङ्‌ग माफे़न्‍साम्‍मिल्‍ले़न् वये़आङ् खे़ल्‍ले़ आबाङे कुन्‍साॽइन् से़रुरो॥ थेआङ् से़रुबाभे़ल्‍ले़ खे़ल्‍ले़ आबाङे कुयाःम्‍बक्‍हाॽ ताप्‍फे़ःम्‍बा चोगे़, कर कुन्‍साॽरे़ कुयाःम्‍बक्‍हाॽ साम्‌योबा चोगे़॥

१ युहुन्‍ना 3:12 Referans Kwoze

हिब्रु 11:4

नसाःन्‍लाम्‍बाए हाबिलरे़ कुम्‍भुॽ कयिने़न्‍नुःल्‍ले़आङ् नुबा सिदुङ्‌जभा निङ्‌वाॽफुमाङ्‌ङो तोःन्‍दुरो॥ हे़क्‍क्‍याङ् खुने़ॽ तोःन्‍दुबा सिदुङ्‌जभान् निङ्‌वाॽफुमाङ्‌ङिल्‍ले़ ताःक्‍तुआङ् खे़न्‍लाम्‍बाए खुने़ॽ साम्‌योबा मना मे़त्तुरो॥ हे़क्‍क्‍याङ् खुने़ॽ स्‍ये़साङ् आल्‍लो थारिक् खुने़ॽ कुनसाःन्‍निल्‍ले़ नुबा पान् आहुॽरो॥

खाहुन् 29:27

साम्‌योबाल्‍ले़ इङ्‌ले़क् के़जोक्‍पे़न् कुसिक्‍ले़ःङ्‌लो, कुॽइगे़भे़म्‍बाल्‍ले़ साम्‌योबान् कुसिक्‍ले़ःङ्‌लो॥

तोलिङ्‌सोमु 4:25

आदम्‍मे़न् मे़ल्‍लिङ्‌गे़न् कुमेःत्तिन्‍नु इप्‍से़, हे़क्‍क्‍याङ् कुमेःत्तिल्‍ले़ ये़म्‍बित्‍छा साधिक् कत्तु॥ हे़क्‍क्‍याङ् “कयिने़ल्‍ले़ से़रुबा हाबिलरे़ कुले़क्‌वाओ निङ्‌वाॽफुमाङ्‌ङिल्‍ले़ वेॽ अङे़ःक्‌वाधिक् पिराङ्‌लो” पाःत्तुआङ् खे़न् अङे़ःक्‌वान् सेत मिङ् वाःत्तु॥

यहुदा 1:11

चिःत्ते़आङ्‌लक् स्‍ये़रो! थेआङ्‌भे़ल्‍ले़ खे़ङ्‌हाॽरे़ग कयिनरे़ कुलायोबा लाम्‍मिन् मे़नाःत्तुआङ् वाॽ, याङ्‌साकुन्‍धेरे़ लागि बालामरे़ चोगुबा ताप्‍फे़ःम्‍बा याःम्‍बक् कुइसिक् मे़जोगुआङ् वाॽ, हे़क्‍क्‍याङ् खे़ङ्‌हाॽग कोरहरे़ बिफ्‍युङ् चोगुआङ् मे़गे़बा कुइसिक् मे़मे़क्‍लो॥

लुका 11:51

मे़से़रुबा हाबिलरे़ कुमाक्‍खिॽआङ्‌धो ले़त्ति तोःम्‍मादे़न् नु माङ्‌हिम्‍मिल्‍ले़ कुलुम्‍मो मे़से़रुबा जकरियारे़ कुमाक्‍खिॽ थारिक्‍पा खुम्‍दिङ्‌ङिन् कन् थाःक्‍हाॽरे़ मे़घोसुॽरो॥

मत्ति 23:35

हे़क्‍केलॽरिक् कन् इक्‍सादिङ् खाम्‍बेःक्‍मो मे़से़रुसिबा के़रे़क् साम्‌योबा मनाहाॽ हाबिले़न्‍नाङ्‌धो माङ्‌हिम् नु ले़त्ति तोःम्‍मादे़न् लुम्‍मो के़से़रुम्‍बा बेरेक्‍याहले़ कुस्‍सा जकरिया थारिक्‍पा खुनिॽ माक्‍खिॽइल्‍ले़ खिनिॽ के़दे़त्तिरो॥

खाहुन् 29:10

माक्‍खिॽ के़से़बा मनाहाॽरे़ कुदोःप्‍मा मनान् मे़जिःत्तुरो, हे़क्‍क्‍याङ् निरिक्‍काङ् याःम्‍बक् के़जोक्‍पे़न् से़प्‍मा मे़गोःत्तुरो॥

१ पत्रुस 4:4

खे़ङ्‌हाॽरे़ आल्‍लो हे़क्‍तङ्‌बा फे़न् पाःन्‍हाॽ खुनिॽनु सोरिक् के़म्‍बत्‍छिन्‍बा मे़निसुआङ् साॽरिक् खुनिॽ निङ्‌वाॽ मये़आङ् वाॽरो॥ हे़क्‍क्‍याङ् खे़ङ्‌हाॽरे़ खिनिॽ नागे़म्‍धासि के़म्‍बिरिॽरो

हिब्रु 12:24

खिनिॽग निङ्‌वाॽफुमाङ्‌ङिन् नु मनाहाॽलुम्‍मो कुसङ् माङ्‌हुप्‍ले़न् पाःन्‍दङ्‌साबा ये़सुरो के़द्‌ये़ॽइआङ् के़वयिॽ॥ हे़क्‍क्‍याङ् खिनिॽग हाबिलरे़ कुमाक्‍खिॽनुःल्‍ले़आङ् साॽरिक् नुबा पान् के़बाःप्‍पा साङ्‌मनाबा ये़सुरे़ कुमाक्‍खिॽओ के़द्‌ये़ॽइआङ् के़वयिरो॥

निङ्‌वाॽफु साम्‍लोसुम् 38:20

नुबा चोगुङ्‌बाल्‍ले़ कुले़क्‌वा ताप्‍फे़ःल्‍लिक् मे़मे़त्तारो, नुबा याःम्‍बक् चोगुङ्‌साङ् खे़ङ्‌हाॽरे़ मे़जे़ङ्‌ङारो॥

निङ्‌वाॽफु साम्‍लोसुम् 37:12

कुइगे़भे़म्‍बाहाॽरे़ कुदोःप्‍मा मनाहाॽ इजोओ थामा मे़गोःत्तुसिरो हे़क्‍क्‍याङ् खुनिॽ हाबोॽबान् मे़ये़ःक्‍खुर साॽरिक् मे़जिःत्तुसिरो॥

१ युहुन्‍ना 3:8

लायो के़जोःक्‍पार के़वाॽबा मनाःङ्‌ग माफे़न्‍साम्‍मिल्‍ले़ कुमनारो, थेआङ्‌भे़ल्‍ले़ माफे़न्‍साम्‍मिल्‍ले़ तोलिङ्‌सोमुआङ्‌धोए लायो चोगुर वाॽरो॥ खे़ल्‍ले़चोगुल्‍ले़ निङ्‌वाॽफुसान् माफे़न्‍साम्‍मिल्‍ले़ कुयाःम्‍बक्‍किन् मे़ङ्‌से़ ये़बारो॥

सेःक्‌युक्‍मिबाहाॽ 7:52

खिनिॽ सुधे़बाहाॽरे़ काक् माङ्‌निङ्‌वाॽपान् के़बाःप्‍पाहाॽ तुक्‍खे मे़जाःत्तुसि॥ खे़ङ्‌हाॽरे़ निङ्‌वाॽफुमाङ्‌ङिल्‍ले़ माङ्‌हे़क् चोगुबा साम्‌योबा हाङ्‌ङिल्‍ले़ कुदामाल्‍ले़न् माङ्‌निङ्‌वाॽपान् के़बाःप्‍पाहाॽआङ् मे़से़रुसिरो॥ आल्‍ल खुने़ॽ इङ्‌ले़क् के़मे़त्तुम्‍माङ् के़से़रुम्‍लो॥

युहुन्‍ना 10:32

कर ये़सुरे़ खे़ङ्‌हाॽ मे़त्तुसि, “इङ्‌गाॽग पानुदिङ् आम्‍बालाम् यरिक् नुबा याःम्‍बक्‍हाॽ चोगुङ् पिनिङ्, हे़क्‍केःल्‍ले़ खे़ङ्‌हाॽओ आत्तिन् याःम्‍बक्‍किल्‍ले़ चोगुल्‍ले़ लुङ्‌ङिल्‍ले़ ले़प्‍मा आगे़गोःत्तिबाबे?”

मत्ति 27:23

हे़क्‍केःल्‍ले़ पिलातसरे़ याम्‍मो सेःन्‍दोसुसि, “थेआङ्‌बे? खे़ल्‍ले़ थे याःम्‍बक् फेःन्‍दुआङ् वाॽबे?” कर खे़ङ्‌हाॽ आल्‍लसाङ् साॽरिक् मे़अःक्‍ते़, “खे़न् सिलाम्‍साक्‍मा सिङ्‌सम्‍दाङ् फोःन्‍दे़ॽओ!”

मत्ति 13:38

प्‍याङ्‌सिगे़न् इःक्‍ताप्‍पिङ्‌ग इक्‍सादिङ् खाम्‍बेःक्‍मान्‍लो, हे़क्‍क्‍याङ् खे़न् नुबा याॽरिःम्‍बाहाॽग निङ्‌वाॽफु हाङ्‌जुम्‍बा मनासिरो॥ माले़ःन्‍दोहाॽग माफे़न्‍साम्‍मिल्‍ले़ कुमनासिरो,

मत्ति 13:19

आत्तिल्‍ले़ निङ्‌वाॽफु हाङ्‌जुम्‍बा पाःन्‍निन् खे़प्‍सुआङ् कुसिङ् मे़निःत्तुन्, खे़न् मनाःङ्‌ग लाम्‍मो के़जुक्‍पा याॽरिःम्‍बा कुइसिक् चोक्॥ माफे़न्‍साम्‍मिन् ताआङ् खे़ल्‍ले़ कुनिङ्‌वाॽओ के़याक्‍पा पाःन्‍जाक्‍किन् लःत्तु तेॽरुरो॥

सुफो 17:6

हे़क्‍क्‍याङ् इङ्‌गाॽ खे़न् मे़न्‍छुमाॽइन् ओमे़त्तुङ्‌ङिल्‍ले़ निङ्‌वाॽफुमाङ्‌ङिल्‍ले़ कुसेसे मनाहाॽ नु ये़सु ख्रिस्‍तरे़ कुरुमेहाॽरे़ खुनिॽ माक्‍खिॽइल्‍ले़ मयुआङ् वये़बा निसुङ्‌ङाङ् साॽरिक् आनिङ्‌वाॽ मये़रो॥

१ थिस्‍सलोनिकि 2:14

फुॽनुसाॽ नु ने़ॽनुसाॽसे, यहुदिया थुम्‍मो ख्रिस्‍त ये़सुन् नसान् के़जोःक्‍पा निङ्‌वाॽफुमाङ्‌ङिल्‍ले़ कुसेसेहुप्‍लक्‍हाॽरे़ खुनिॽ चोःङ् के़इःत्तुम्‍लो॥ थेआङ्‌भे़ल्‍ले़ यहुदिहाॽरे़ खे़ङ्‌हाॽ निङ्‌घुम् मे़मे़त्तुसिबा कुइसिःक्‍के खिनिॽआङ् आबाङे लाजेॽसाबाहाॽरे़ तुक्‍खे के़म्‍जाःत्तिआङ् के़वयिॽरो॥

२ सामुए़ल 13:22

कर अब्‍सालोमरे़ अमनोने़न् थेआङ् पान् मे़मे़त्तुन्॥ खुने़ॽ कुन्‍साॽ मे़न्‍छुमान् कुजाःत्‍थि तेसु पिरुबाल्‍ले़ चोगुल्‍ले़ अमनोने़न् चिःप्‍मा हेःक्‍तुरो॥

खाहुन् 27:4

सिक्‍पोःक्‍माङ्‌ग साॽरिक् कुॽइगे़भे़म्‍बा चोक्‍लो, हे़क्‍क्‍याङ् साक्‍के़न्‍निङ्‌ग आसे़से़प्‍पा के़गुङ्‌बा च्‍वाःत् हे़क्‍तङ्‌बा चोक्‍लो, कर नाहे़न्‍निल्‍ले़ कुबेसाङ् हात् ये़प्‍मा सुक्‍पे?

मत्ति 5:37

खिनिॽ अक्‍खेरक् पाःत्ते़म्‍मे़ॽ, ‘ओ’ ने़ फाॽग्र ‘ओरो’, ‘मेःन्’ ने़ फाॽग्र ‘मेःन्‍लो’॥ खे़न्‍नाङ्‌धो वेॽ कुभा पाःन्‍निङ्‌ग ताप्‍फे़ःम्‍बालाम् के़दाबारो॥”

युहुन्‍ना 8:40

इङ्‌गाॽग निङ्‌वाॽफुमाङ्‌लाम् खे़प्‍सुङ्‌बा से़क्‍खाःन्‍ने खिनिॽ मे़त्‍निङ्‌लो, कर खिनिॽग याप्‍मि से़प्‍मा के़गोःत्तिॽरो॥ अब्राहामरे़ग हे़क्‍के मे़जोगुन्‍लो॥

युहुन्‍ना 8:41

खिनिॽ आबाङे पाःल्‍ले़ चोगुबा याःम्‍बक्‍हाॽए खिनिॽ के़जोगुम्‍ल के़वयिॽरो॥” खे़ङ्‌हाॽरे़ खुने़ॽ मे़मे़त्तु, “आनिगे खोॽसासिगे़ग मेःन्‍लो! निङ्‌वाॽफुमाङ्‌ङिन्‍ने आनिगे पानुदिङ् पाःरो॥”