१ युहुन्‍ना 3:11 - लिम्‍बु

¹¹ आनिॽ लुङ्‌माॽ तुक्‍सिङ्‌मा पोङ् के़लॽबा इङ्‌घङ्‌ङिङ्‌ग तगिआङ्‌धोए के़घे़प्‍सुम्‍माङ् के़वयिॽरो॥

१ युहुन्‍ना 3:11 Referans Kwoze

युहुन्‍ना 15:12

आल्‍ल इङ्‌गाॽ लुङ्‌माॽ तुक्‍निङ्‌बा कुइसिक् खिनिॽआङ् लुङ्‌माॽ तुक्‍कासिम्‍मे़ॽ फाॽआङ् इङ्‌जाङ् पिनिङ्‌लो॥

२ युहुन्‍ना 1:5

हे़क्‍क्‍याङ् आल्‍ल, आमिःम् तुम्‍म्‍याङ्‌हाङ्‌माए, आनिॽ काक् लुङ्‌माॽ तुक्‍कासि फाॽआङ् इङ्‌गाॽ पेलि फाक्‍ने़ॽरो॥ कन् कुसङ् इङ्‌जाङ्‌ग साप्‍निङ्‌बा मेःन्‍लो, कर कङ्‌ग तगिआङ्‌धोए आनिॽनु वये़रो॥

१ युहुन्‍ना 4:7

आमिःम् आन्‍जुम्‍से, आनिॽग लुङ्‌माॽ तुक्‍कासिरो, थेआङ्‌भे़ल्‍ले़ मना लुङ्‌माॽ तुक्‍माङ्‌ग निङ्‌वाॽफुमाङ्‌लाम् तारो॥ वेॽहाॽ लुङ्‌माॽ के़दुक्‍पे़ङ्‌ग निङ्‌वाॽफुसारो, हे़क्‍क्‍याङ् खे़ल्‍ले़ निङ्‌वाॽफुमाङ्‌ङिन् कुसिङ् निःत्तुॽरो॥

१ युहुन्‍ना 4:21

आत्तिल्‍ले़ निङ्‌वाॽफुमाङ्‌ङिन् मिःम्‍जि मे़त्तुॽ, खे़ल्‍ले़ नसानिबा फुॽनुसाॽ नु ने़ॽनुसाॽहाॽआङ् लुङ्‌माॽ तुक्‍मासिए पोङ्‌लो लॽरिक् निङ्‌वाॽफुमाङ्‌ङिल्‍ले़ कन् इङ्‌जाङ् आबिरे़आङ् आवाॽरो॥

१ पत्रुस 4:8

काक्‍नुःल्‍ले़ यम्‍बा पाःन्‍निङ्‌ग सिक्‍लुङ्‌मोलाम् लुङ्‌माॽ तुक्‍कासिम्‍मे़ॽओ, थेआङ्‌भे़ल्‍ले़ लुङ्‌माॽ तुक्‍माल्‍ले़ग यरिक् लायोहाॽ ते़प्‍तुॽरो॥

१ पत्रुस 3:8

कुनुप्‍मो, खिनिॽ निङ्‌वाॽओ काक् थिक्‍हुप् पोःक्‍खे़म्‍मे़ॽ, लुङ्‌माॽ तुक्‍कासिम्‍मे़ॽ, मिःम्‍जि मे़त्तासिम्‍मे़ॽ, हाङ्‌हाङ्‌वा ओसेःन्‍धाक्‍कासिम्‍मे़ॽ हे़क्‍क्‍याङ् चुङ्‌जिगे़न् नःम्‍नःम् पोःक्‍खे़म्‍मे़ॽओ॥

एफिसि 5:2

ख्रिस्‍तरे़ आनिॽ लुङ्‌माॽ आदुक्‍ते़आङ् आनिॽ लागि स्‍ये़बा कुइसिक् खिनिॽआङ् लुङ्‌माॽ तुक्‍कासिम्‍मे़ॽओ॥ खुने़ॽए निङ्‌वाॽफुमाङ्‌ङो तोःम्‍मनाबा कुनाम् के़नुॽबा नु कुनिङ्‌वाॽ के़दाबा सिदुङ्‌जभा पोङ्‌से़ आबाङे पिसिङ्‌लो॥

१ युहुन्‍ना 1:5

आल्‍ल निङ्‌वाॽफुमाङ्‌ङिन् से़न्‍दाङ्‌गे़न् ओःत्तिरो, खुने़ॽओ मिसाक्‍काङ् खादाम्‍मान् होप्‍लो के़लॽबा इङ्‌घङ्‌ङिन् आबुगे़न् कुस्‍सान्‍लाम् खे़प्‍सुम्‍बे़आङ् खिनिॽ मे़त्तासिगे़आङ् वाॽरो॥

१ थिस्‍सलोनिकि 4:9

आल्‍ल नसानिबा फुॽनुसाॽ नु ने़ॽनुसाॽहाॽ लुम्‍मो आक्‍खेलॽरिक् लुङ्‌माॽ तुक्‍सिङ्‌मा पोङ् के़लॽबान् साप्‍मार ने़मा चाहाबा मे़जोक्‍ने़न्‍लो॥ थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ आबाङे खिनिॽ अक्‍खेलॽरिक् लुङ्‌माॽ तुक्‍सिङ्‌मा पोङ् फाॽआङ् के़हुॽरिआङ् के़वयिॽरो॥

१ पत्रुस 1:22

आल्‍ल से़क्‍खा पाःन्‍निन् खे़म्‍मा के़दे़न्‍दिआङ् आबाङे सुत्‍थो के़जोःक्‍कासिआङ् के़वयिबाल्‍ले़ चोगुल्‍ले़ फुॽनुसाॽ नु ने़ॽनुसाॽहाॽ नुरिक् लुङ्‌माॽ के़दुक्‍तुम्‍सिम्, हे़क्‍केःल्‍ले़ सिक्‍लुङ्‌मोलाम्‍मे साॽरिक् लुङ्‌माॽ तुक्‍ते़म्‍सिम्‍मे़ॽओ॥

१ तिमोथि 1:5

कन् इङ्‌जाङ्‌ङिल्‍ले़न् निङ्‌वाॽसोक्‍किङ्‌ग सेसे निङ्‌वाॽ, नुबा खासिङ् नु से़क्‍खाबा नसाःन्‍लाम् के़लःम्‍बा मिःम्‍जिरो॥

गलाति 6:2

इनोगे़न् तुक्‍खेओ फाॽआसिम्‍मे़ॽओ॥ अक्‍खेलॽरिक् ख्रिस्‍तरे़ आबिरे़बा साम्‌योथिम्‍मिन् के़गे़त्तुम्‍लो॥

युहुन्‍ना 13:4

हे़क्‍क्‍याङ् खुने़ॽ चाजामादे़न्‍नोलाम् पोगे़आङ् कुसुङ्‌घेक्‌वान् फे़न्‍दुआङ् याम्‍दुःक्‍माल्‍ले़ कित्‍लिक् कित्‍छिङ्,

१ युहुन्‍ना 4:11

आमिःम् आन्‍जुम्‍से, निङ्‌वाॽफुमाङ्‌ङिल्‍ले़ कम्‍म्‍याक् साॽरिक् आनिॽ लुङ्‌माॽ आदुक्‍ते़आङ् वाॽइल्‍ले़ आनिॽआङ् लुङ्‌माॽ तुक्‍सिङ्‌माए पोङ्‌लो॥