१ युहुन्‍ना 2:7 - लिम्‍बु

⁷ आमिःम् आन्‍जुम्‍से, कन् साप्‍तुङ्‌बा इङ्‌जाङ्‌ङिन् कुसङ् इङ्‌जाङ्‌ग मेःन्‍लो॥ कङ्‌ग उन्‍छोःन्‍नाङ्‌धो खिनिॽनुए के़वाॽबा के़युःबा इङ्‌जाङ्‌लो॥ कन् उन्‍छोःन्‍बा इङ्‌जाङ्‌ङिङ्‌ग के़घे़प्‍सुम् के़सुरुम्‍बा पाःन्‍जाक्‍लो॥

१ युहुन्‍ना 2:7 Referans Kwoze

ले़बि 19:18

“‘आबाङे हिम्‍बेसाङ्‌बे़न्‍नु कुले़क्‌वा नुःक्‍मा मे़गेःत्ते़म्‍मिन्‍ने़ॽ हे़क्‍क्‍याङ् सिक् मे़गुये़म्‍मिन्‍ने़ॽ, कर आप्‍फेक् हिम्‍बेसाङ्‌बे़न् आप्‍फेक् कुइसिक् लुङ्‌माॽ तुक्‍ते़म्‍मे़ॽ॥ आङ्‌गाॽ यहवे दाङ्‌बाआ॥

१ युहुन्‍ना 3:11

आनिॽ लुङ्‌माॽ तुक्‍सिङ्‌मा पोङ् के़लॽबा इङ्‌घङ्‌ङिङ्‌ग तगिआङ्‌धोए के़घे़प्‍सुम्‍माङ् के़वयिॽरो॥

१ युहुन्‍ना 3:23

खुने़ॽ कुइङ्‌जाङ्‌ङिङ्‌ग बा कन्‍लो—आबुगे़न् कुस्‍सा ये़सु ख्रिस्‍ते़न् आनिॽ नसान् चोःक्‍मा पोङ्, हे़क्‍क्‍याङ् खुने़ॽ आबिरे़बा इङ्‌जाङ् कुइसिक् लुङ्‌माॽ तुक्‍सिङ्‌मा पोङ्‌लो॥

साम्‌योथिम् इङ् 6:5

यहवे दाङ्‌बा खिनिॽ निङ्‌वाॽफुमाङ्‌ङिन् खिनिॽ के़रे़क् सिक्‍लुङ्‌माॽरे़, खिनिॽ के़रे़क् निङ्‌वाॽरे़ हे़क्‍क्‍याङ् खिनिॽ के़रे़क् मुक्‍साम्‍मिल्‍ले़ मिःम्‍जि मे़त्ताम्‍मे़ॽ॥

ले़बि 19:34

खे़न् खिनिॽ आबाङे लाजेॽओ सागे़वाःन्‍छिङ्‌बा मना हे़क्‍के लेःत्ते़म्‍मे़ॽ॥ खिनिॽ खे़न् आबाङे कुसिङ् लुङ्‌माॽ तुक्‍ताम्‍मे़ॽ, थेआङ्‌भे़ल्‍ले़ खिनिॽआङ् मिस्र लाजेॽओ वेॽ लाजेॽबा के़वयि॥ आङ्‌गाॽ यहवे दाङ्‌बा खिनिॽ निङ्‌वाॽफुमाङ्‌आ॥

१ युहुन्‍ना 2:24

हे़क्‍केःल्‍ले़ नसानिबा के़बोःक्‍खिआङ्‌धोए के़घे़प्‍सुम्‍बा सुनाइङ्‌ङिन् खिनिॽ सिक्‍लुङ्‌मो नुरिक्‍काङ् युक्‍खे़म्‍मे़ॽओ॥ हे़क्‍केलॽरिक् के़युक्‍खुम्‍ने़ फाॽग्र सदादिङ् पानुदिङ् पाः निङ्‌वाॽफुमाङ्‌ङिन्‍नु हे़क्‍क्‍याङ् आबुगे़न् कुस्‍साःन्‍नु सोरिक् के़वयिॽरो॥

मत्ति 5:43

“मोसारे़ कुसाम्‌योथिम् इङ्‌जाङ्‌ङिल्‍ले़ के़बाङ्‌भेॽसाबाहाॽ लुङ्‌माॽ तुक्‍ते़से़ॽआङ् के़निङ्‌मिहाॽ चिःत्ते़से़ॽ लॽरिक् पाःत्तुबा के़घे़प्‍सुम्‍माङ् के़वयिॽ,

सेःक्‌युक्‍मिबाहाॽ 17:19

हे़क्‍क्‍याङ् खे़ङ्‌हाॽरे़ पावले़न् अरियोपागस मे़प्‍मनाबा चुम्‍लुङ्‌ङो मे़दारुआङ् अक्‍खे मे़मे़त्तु, “कन् के़बाःत्तुर के़वाॽबा कुसङ् निसाम्‍मिन् आनिगे़आङ् खे़म्‍मा सिराॽथाङे़आङ् वाॽरो॥

युहुन्‍ना 13:34

“खे़ल्‍ले़चोगुल्‍ले़ आल्‍ल खिनिॽ लुङ्‌माॽ तुक्‍कासिम्‍मे़ॽ फाॽआङ् इङ्‌गाॽ कुसङ् इङ्‌जाङ् पिनिङ्‌लो॥ खिनिॽ इङ्‌गाॽ लुङ्‌माॽ तुक्‍निङ्‌बा कुइसिःक्‍के लुङ्‌माॽ तुक्‍कासिम्‍मे़ॽओ॥

हिब्रु 6:9

आमिःम् तेःङ्‌जुम्‍से, आनिगे अक्‍खेलॽरिक् पारिगे़साङ् खिनिॽ याःम्‍बेओग से़न्‍लप्‍पिन् के़गाप्‍पा नुबा पाःन्‍हाॽ के़जोगुम् के़लॽबा से़क्‍खाए निसुम्‍बे़रो॥

१ युहुन्‍ना 3:2

आमिःम् आन्‍जुम्‍से, आल्‍लो आनिॽग निङ्‌वाॽफुमाङ्‌ङिल्‍ले़ कुस्‍सासिरो॥ हे़क्‍केसाङ् थे आबोङ् फाॽआङ् नुरिक्‍काङ् मे़न्‍धाःप्‍पे वाॽरो॥ कर ख्रिस्‍ते़न् नुःङ् युःल्‍ले़ आनिॽग खुने़ॽ कुइसिःक्‍के आबोङ्, थेआङ्‌भे़ल्‍ले़ खे़न् ये़म्‍मो खुने़ॽ आक्‍तङ्‌बा चोक् हे़क्‍तङ्‌बाए आनिसुम्‍लो॥

१ युहुन्‍ना 3:21

हे़क्‍केःल्‍ले़ आमिःम् आन्‍जुम्‍से, आनिॽ निङ्‌वाॽइल्‍ले़ए पान् आन्‍धिक्‍ने़न्‍ने़ फाॽग्र निङ्‌वाॽफुमाङ्‌ङिल्‍ले़ कुदगि हाङ्‌हाङ्‌ङाङ् आनिॽ तामा आसुक्‍लो॥

१ युहुन्‍ना 4:1

आमिःम् आन्‍जुम्‍से, यरिक् इङ्‌ले़क्‍पा माङ्‌निङ्‌वाॽपान् के़बाःप्‍पाहाॽ इक्‍सादिङ् खाम्‍बेःक्‍मो के़रे़क् पिसाङ् मे़लःन्‍दे़आङ् मे़वाॽरो॥ खे़ल्‍ले़चोगुल्‍ले़ इङ्‌गाॽ सेसेमाङ्‌लाम् पाःत्ता के़लॽबाहाॽ काक् नसान् मे़जोगे़म्‍सिम्‍मिन्‍ने़ॽओ, कर खे़ङ्‌हाॽ निङ्‌वाॽफुमाङ्‌लाम् के़दाबासिबि मेःम्‍बि फाॽआङ् साॽरे़म्‍सिम्‍मे़ॽओ॥

१ युहुन्‍ना 4:7

आमिःम् आन्‍जुम्‍से, आनिॽग लुङ्‌माॽ तुक्‍कासिरो, थेआङ्‌भे़ल्‍ले़ मना लुङ्‌माॽ तुक्‍माङ्‌ग निङ्‌वाॽफुमाङ्‌लाम् तारो॥ वेॽहाॽ लुङ्‌माॽ के़दुक्‍पे़ङ्‌ग निङ्‌वाॽफुसारो, हे़क्‍क्‍याङ् खे़ल्‍ले़ निङ्‌वाॽफुमाङ्‌ङिन् कुसिङ् निःत्तुॽरो॥

१ युहुन्‍ना 4:11

आमिःम् आन्‍जुम्‍से, निङ्‌वाॽफुमाङ्‌ङिल्‍ले़ कम्‍म्‍याक् साॽरिक् आनिॽ लुङ्‌माॽ आदुक्‍ते़आङ् वाॽइल्‍ले़ आनिॽआङ् लुङ्‌माॽ तुक्‍सिङ्‌माए पोङ्‌लो॥

१ युहुन्‍ना 4:21

आत्तिल्‍ले़ निङ्‌वाॽफुमाङ्‌ङिन् मिःम्‍जि मे़त्तुॽ, खे़ल्‍ले़ नसानिबा फुॽनुसाॽ नु ने़ॽनुसाॽहाॽआङ् लुङ्‌माॽ तुक्‍मासिए पोङ्‌लो लॽरिक् निङ्‌वाॽफुमाङ्‌ङिल्‍ले़ कन् इङ्‌जाङ् आबिरे़आङ् आवाॽरो॥