6 निङ्वाॽफुमाङ्ङो वाॽआ लॽरिक् के़बाःप्पाल्ले़ ये़सुरे़ चोगुबा कुइसिक् चोगुर वाॽर पोङ्लो॥
बा खे़ल्ले़ लागि खिनिॽ के़उःत्तिआङ् वाॽरो, थेआङ्भे़ल्ले़ ख्रिस्तरे़आङ् खिनिॽ लागि इनोगे़न् तुक्खेन् थरुआङ् खिनिॽ लागि कुबि पोःक्खे़आङ् वाॽ॥ खिनिॽआङ् खुने़ॽ कुलाङ्योःक्किन् के़दिम्दुम्ल पोङ्लो॥
इङ्गाॽ चोगुङ्बा कुइसिःक्के खिनिॽ के़जोगुम्ल फाॽआङ् कन् कुबिःन् युक्खुङ् पिनिङ्ङाङ् वाॽरो॥
खे़ल्ले़चोगुल्ले़ इङ्गाॽ ख्रिस्तरे़ कुजोङ् इःत्तुङ्बा कुइसिःक्के खिनिॽआङ् इङ्गाॽ आजोःङ् इःत्ते़म्मे़ॽओ॥
हे़क्केःल्ले़ आत्तिन् ख्रिस्तओ वाॽ, खे़ल्ले़ लायो चोगुर मे़वाॽने़न्लो॥ कर आत्तिल्ले़ लायो चोगुर वाॽ, खे़ल्ले़ खुने़ॽ मे़न्निए नु कुसिङ् मे़न्निःत्ते वाॽरो॥
ख्रिस्तरे़ आनिॽ लुङ्माॽ आदुक्ते़आङ् आनिॽ लागि स्ये़बा कुइसिक् खिनिॽआङ् लुङ्माॽ तुक्कासिम्मे़ॽओ॥ खुने़ॽए निङ्वाॽफुमाङ्ङो तोःम्मनाबा कुनाम् के़नुॽबा नु कुनिङ्वाॽ के़दाबा सिदुङ्जभा पोङ्से़ आबाङे पिसिङ्लो॥
इङ्गाॽ आजिघे़ःप्पिन् कुये़म्मे़ॽआङ् इङ्गाॽनु हुॽआसिम्मे़ॽओ॥ थेआङ्भे़ल्ले़ इङ्गाॽग लुम्लुम्बा नु चुङ्जिगे़म्बा चोःक्कारो, हे़क्क्याङ् खिनिॽ याम्साम्मिल्ले़ नाःम्सिङ्मा खोसुॽरो॥
निङ्वाॽफुमाङ्ङिन् इङ्गाॽ कुसिङ् निःत्तुङ् लॽरिक् के़बाःप्पाल्ले़ निङ्वाॽफुमाङ्ङिल्ले़ कुइङ्जाङ्हाॽ मे़इःत्तुन् मे़नाःत्तुन्ने़ फाॽग्र खे़न् मनान् इङ्ले़क् के़बाःप्पारो, हे़क्क्याङ् खे़ल्लो से़क्खान् होप्लो
आल्ल आमिःम् आस्सासे, ये़सुन् युःल्ले़ मे़ङ्गिए नु सिरिङ् मे़म्मए खुने़ॽओ तोःन्छिङ्मा आसुक्तुम्ल फाॽआङ् ख्रिस्ते़न् मे़ल्ले़त्ते वये़म्मे़ॽओ॥
साम्योबाङ्ग खुने़ॽ कुदगि कुदगि पेःक्लो, हे़क्क्याङ् खुने़ॽ कुलागि लत्छा लाम्धिक् यारिप् चोगुरो॥
पानुदिङ् आम्बारे़ कुइङ्जाङ्ङिन् इःत्तुङ् नाःत्तुङ्ङाङ् इङ्गाॽ कुमिःम्जिओ वाॽआबा कुइसिक् इङ्गाॽ आइङ्जाङ्ङिन् के़इःत्तुम् के़नाःत्तुम्ने़ फाॽग्र आमिःम्जिओ के़वयिबा पोङ्लो॥
निङ्वाॽफुमाङ्ङिल्ले़ कुइङ्जाङ्ङिन् के़इःप्पा के़नाःप्पे़न् निङ्वाॽफुमाङ्ङो वाॽ हे़क्क्याङ् खे़ल्लो निङ्वाॽफुमाङ्ङिन् वाॽरो॥ आनिॽओ निङ्वाॽफुमाङ्ङिन् वाॽ फाॽआङ् खुने़ॽ आबिरे़बा सेसेमाङ्लाम् कुसिङ् आनिःत्तुम्लो॥
आनिॽओ मिःम्जिन् कुलिङ्दो के़त्तिल्ले़ आनिॽ खासे़न् ये़न्नो हाङ्हाङ्ङाङ् वाॽमा आसुक्लो॥ थेआङ्भे़ल्ले़ कन् इक्सादिङ् खाम्बेःक्मो आनिॽआङ् ख्रिस्ते़न् कुइसिक् आजोःक्लो॥