१ युहुन्ना 2:22 - लिम्बु22 इङ्गे़ले़क्पे़न् हाःप्पे? ये़सुन् निङ्वाॽफुमाङ्ङिल्ले़ सेःन्दुबा ख्रिस्त मेःन् फाॽआङ् के़बाःप्पे़न्ने इङ्ले़क्पारो॥ आत्तिल्ले़ पानुदिङ् पा निङ्वाॽफुमाङ्ङिन् नु आबुगे़न् कुस्सान् नाॽरुसिॽ बा खे़न्ने ख्रिस्तरे़ कुबिफ्युङ्बारो॥ Gade chapit la |
१ युहुन्ना 2:22
14 Referans Kwoze
कर हाःत्ले़ ये़सु ख्रिस्ते़न् नासिङ्गे़न् थक्को त्ये़ लॽरिक् ते़न्दिङ् मे़जोगुन्, खे़न् निङ्वाॽफुमाङ्लाम् मेःन्, कर ख्रिस्तरे़ कुबिफ्युङ्बाल्ले़ कुसाम्लाम्बा त्ये़बारो॥ खे़ङ्ग ता के़लॽबान् के़घे़प्सुम्माङ् के़वयिॽ, हे़क्क्याङ् इक्सादिङ् खाम्बेःक्मो तगिसा खे़ङ्ग त्ये़ चुरे़आङ् वाॽरो॥
आमिःम् आस्सासे, कुनुप्मा ये़म्मिङ्ग निःत्ताङ्ङे वाॽरो॥ ख्रिस्तरे़ कुबिफ्युङ्ङिङ्ग ता लॽरिक् के़घे़प्सुम्माङ् के़वयिॽ॥ आल्लोसा खे़न् हे़क्तङ्बा ख्रिस्तरे़ कुबिफ्युङ्हाॽ यरिक् मे़द्ये़ मे़जुरे़आङ् मे़वाॽरो॥ खे़ल्ले़चोगुल्ले़ कन् पाःन्नोलाम् कुनुप्मा ये़म्मिन् निःत्ताङ्ङे वाॽ के़लॽबा पाःन्निन् कुसिङ् आनिःत्तुम्लो॥
इङ्गाॽ कन् पाःन्हाॽ मे़त्निङ्, थेआङ्भे़ल्ले़ निङ्वाॽफुमाङ् मेःन्नेबा कुभा मनाहाॽ स्वाःत्ताङ् खिनिॽ लुम्मो मे़लासे़आङ् मे़वाॽरो॥ तगिसा माङ्निङ्वाॽपान् के़बाःप्पाहाॽरे़ खे़न् हे़क्तङ्बा मनाहाॽरे़ खुम्दिङ् मे़घोसुॽ लॽरिक् मे़बाःत्तुआङ् मे़वये़रो॥ खे़ङ्हाॽरे़ निङ्वाॽफुमाङ्ङिल्ले़ लुङ्माॽ आदुक्पाल्ले़ चोगुल्ले़ के़रे़क् ताप्फे़ःम्बा याःम्बक् चोःक्मा आबिॽ लॽरिक् मे़बाःत्तुॽ, हे़क्क्याङ् आनिॽ थिक्लक् हाङ् के़जोःक्पा नु दाङ्बा ये़सु ख्रिस्ते़न् नसान् चोःक्मा मे़न्दे़न्ने़न्लो॥
आत्तिल्ले़ निङ्वाॽफुमाङ्ङिन् मिःम्जि मे़त्तुङ् लॽ कर नसानिबा फुॽनुसाॽ नु ने़ॽनुसाॽहाॽ चिःत्तुसिॽने़ फाॽग्र खे़ङ्ग इङ्ले़क्पारो॥ थेआङ्भे़ल्ले़ खुने़ॽ आबाङे निसुबा नसानिबा फुॽनुसाॽ नु ने़ॽनुसाॽहाॽ लुङ्माॽ तुक्मा मे़सुक्तुन्छिन्निल्ले़ निमे़न्दे़प्मनाबा निङ्वाॽफुमाङ्ङिन् आक्खेलॽरिक् मिःम्जि मे़प्मा सुक्तुबे?
खिनिॽ पाःङ्ग माफे़न्साम्लो हे़क्क्याङ् खुने़ॽ हे़क्केए चोःक्मा खिनिॽ सिराॽथाङ्लो॥ खे़ङ्ग तोलिङ्सोमुआङ्धोए मे़न्छाम् याप्मि के़से़प्पा वये़॥ खे़ल्ले़ से़क्खान् चिःत्तुॽरो, थेआङ्भे़ल्ले़ से़क्खान् खुने़ॽओ होप्लो॥ खुने़ॽ ताप्फे़ःम्बा कुसुत्नाःन् कुइसिःक्के इङ्ले़क् पाःत्लो, थेआङ्भे़ल्ले़ खुने़ॽग इङ्ले़क् के़बाःप्पा हे़क्क्याङ् इङ्ले़क्के पाःन्हाॽरे़ कुम्बारो॥
Piblisite