कर हाःत्ले़ ये़सु ख्रिस्ते़न् नासिङ्गे़न् थक्को त्ये़ लॽरिक् ते़न्दिङ् मे़जोगुन्, खे़न् निङ्वाॽफुमाङ्लाम् मेःन्, कर ख्रिस्तरे़ कुबिफ्युङ्बाल्ले़ कुसाम्लाम्बा त्ये़बारो॥ खे़ङ्ग ता के़लॽबान् के़घे़प्सुम्माङ् के़वयिॽ, हे़क्क्याङ् इक्सादिङ् खाम्बेःक्मो तगिसा खे़ङ्ग त्ये़ चुरे़आङ् वाॽरो॥
१ युहुन्ना 2:18 - लिम्बु18 आमिःम् आस्सासे, कुनुप्मा ये़म्मिङ्ग निःत्ताङ्ङे वाॽरो॥ ख्रिस्तरे़ कुबिफ्युङ्ङिङ्ग ता लॽरिक् के़घे़प्सुम्माङ् के़वयिॽ॥ आल्लोसा खे़न् हे़क्तङ्बा ख्रिस्तरे़ कुबिफ्युङ्हाॽ यरिक् मे़द्ये़ मे़जुरे़आङ् मे़वाॽरो॥ खे़ल्ले़चोगुल्ले़ कन् पाःन्नोलाम् कुनुप्मा ये़म्मिन् निःत्ताङ्ङे वाॽ के़लॽबा पाःन्निन् कुसिङ् आनिःत्तुम्लो॥ Gade chapit la |
१ युहुन्ना 2:18
24 Referans Kwoze
आमिःम् आन्जुम्से, यरिक् इङ्ले़क्पा माङ्निङ्वाॽपान् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसान् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाबासिबि मेःम्बि फाॽआङ् साॽरे़म्सिम्मे़ॽओ॥
कर उन्छोन् इस्राइलओ इङ्ले़क्पा माङ्निङ्वाॽपान् के़बाःप्पाहाॽ मे़वये़बा कुइसिक् खिनिॽ लुम्मोआङ् इङ्ले़क्के सिक्साम्बाहाॽ मे़लन् मे़दारो॥ खे़ङ्हाॽरे़ग स्वाःत्ताङ् याप्मि के़मे़ङ्बा इङ्ले़क् पाःन्हाॽ मे़हुॽरुसिॽ, हे़क्क्याङ् खे़ङ्हाॽरे़ खुनिॽ मे़ल्लुङ् के़हुङ्बाआङ् के़धे़ॽबा दाङ्बान्नाङ् मे़नाॽरुआङ् हाराए आबाङे खुनिॽओ मे़क्मे़न् मे़दारुॽ॥
कन् के़रे़क् पाःन्हाॽ चोगे़म्मे़ॽ, थेआङ्भे़ल्ले़ आल्लोबा ये़म्मिन् आक्तङ्बा चोक् फाॽआङ् के़निसुम्लो॥ आल्ल आनिॽ मिक् युःमोलाम् सोमाआङ् पोःक्मा ये़म् के़रे़आङ् वाॽ, थेआङ्भे़ल्ले़ तगि नसान् आजोगुम्बा ये़म्मिन्नुःल्ले़आङ् कुमनाहाॽ ताङ्से़ःप्से़ दाङ्बाल्ले़ कुनुःङ्मा युमा ये़म्मिन् आल्लो निःत्ताङ् वाॽ॥
Piblisite