१ युहुन्‍ना 2:17 - लिम्‍बु

¹⁷ इक्‍सादिङ् खाम्‍बेःक्‍मान् ले़क्‍काङ् पेक्, हे़क्‍क्‍याङ् खे़ल्‍ले़ चोगुङ् फाॽआङ् इःत्तु सोःक्‍तुबा पाःन्‍हाॽआङ् ले़क्‍काङ् पेक्, कर निङ्‌वाॽफुमाङ्‌ङिल्‍ले़ कुनिङ्‌वाॽ कुइसिक् के़जोःक्‍पाङ्‌ग सदादिङ् वाॽरो॥

१ युहुन्‍ना 2:17 Referans Kwoze

मत्ति 24:35

ताङ्‌साक्‍पे़न् नु खाम्‍बेःक्‍मान् ले़क्‍काङ् पेक्, कर इङ्‌गाॽ आबाःन्‍जाक्‍हाॽ आप्‍फाल्‍ले़आङ् मे़ले़क्‍ने़न् मे़बेःक्‍ने़न्‍लो॥

रोमि 12:2

इक्‍सादिङ् खाम्‍बेःक्‍मोबा थिम्‍मिन्‍नु मे़दङ्‌ङासिम्‍मे़न्‍ने़ॽओ कर खिनिॽ निङ्‌वाॽबान् ले़क्‍खे़म्‍मे़ॽर कुसङ् पोःक्‍खे़म्‍मे़ॽर पेगे़म्‍मे़ॽओ॥ हे़क्‍केलॽरिक् निङ्‌वाॽफुमाङ्‌ङिल्‍ले़ नुबा, कुनिङ्‌वाॽ के़दाबा नु कुलिङ्‌दो के़गे़प्‍पा कुनिङ्‌वाॽइन् थे वाॽ खे़न् निङ्‌वाॽ खोमा के़सुक्‍तुम्‍लो॥

१ कोरन्‍थि 7:31

हे़क्‍क्‍याङ् कन् इक्‍सादिङ् खाम्‍बेःक्‍मोबा चिगक्‌वाहाॽ ओगप्‌ के़जोःक्‍पाहाॽ खे़प्‍मो निङ्‌वाॽ मे़म्‍बिमनाबा मना कुइसिक् वाॽमा पोङ्‌लो, थेआङ्‌भे़ल्‍ले़ कन् इक्‍सादिङ् खाम्‍बेःक्‍मोबा पाःन्‍हाॽ ले़ङ्‌सिङ्‌ङाङ् पेःक्‍ल पत्‍लो॥

१ पत्रुस 4:2

हे़क्‍केःल्‍ले़ खे़न् हिङ्‌ल थारिक् मनाहाॽरे़ मे़इःत्तुबा फे़न्‍निङ्‌वाॽ कुइसिक् मेःन्, कर निङ्‌वाॽफुमाङ्‌ङिल्‍ले़ कुनिङ्‌वाॽ कुइसिक् हिङ्‌लो॥

हिब्रु 10:36

खिनिॽ नासिके़धःत्तुम्‍ल पोङ्‌लो, हे़क्‍क्‍याङ् निङ्‌वाॽफुमाङ्‌ङिल्‍ले़ कुनिङ्‌वाॽ कुइसिक् के़जोगुम्‍मिल्‍ले़ खुने़ॽ चोगुबा माङ्‌हे़क्‍किन् के़घोसुम्‍लो॥

मर्कुस 3:35

आत्तिन्‍हाॽरे़ निङ्‌वाॽफुमाङ्‌ङिल्‍ले़ कुनिङ्‌वाॽ हे़क्‍के मे़जोगुॽ खे़ङ्‌हाॽए आम्‍मा नु आन्‍साॽसिरो॥”

१ पत्रुस 1:5

कुनुप्‍मा ये़म्‍मो ओसेःन्‍दाङ् पोङ्‌मा के़इःप्‍पा से़न्‍लप्‍पिन् मे़न्‍दाए थारिक् खिनिॽ नसान् के़जोगुम्‍बाल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ कुमुक्‍साम्‍मिल्‍ले़ ताङ्‌गे़से़ःप्‍तिआङ् वाॽ॥

१ थिस्‍सलोनिकि 4:3

खिनिॽ सेसे के़वयिनि के़लॽबा निङ्‌वाॽफुमाङ्‌ङिल्‍ले़ कुनिङ्‌वाॽ वाॽरो॥ खे़ल्‍ले़चोगुल्‍ले़ खिनिॽ काक् वेॽ मे़न्‍छुमाॽ ये़म्‍बित्‍छाॽ चाराम्‍मोलाम् के़बोङ्‌बा चिःन्‍जिःम्‍बाओनु लाःत्‍लाःत् वये़म्‍मे़ॽओ॥

युहुन्‍ना 4:14

कर इङ्‌गाॽ पिरुङ्‌बा च्‍वाःत् के़धुङ्‌बान् आप्‍फाल्‍ले़आङ् कुवामे़मिःक्‍ने़न्॥ इङ्‌गाॽ पिरुङ्‌बा च्‍वाःत्तिन् मे़न्‍नुप्‍मनाबा हिङ्‌मन् के़बिबा सदादिङ् के़बुम्‍बा वाबुन् हे़क्‍के खुने़ॽओ पोङ्‌लो॥”

निङ्‌वाॽफु साम्‍लोसुम् 143:10

खे़ने़ॽग आङ्‌गाॽ आनिङ्‌वाॽफुमाङ्‌ने़रो, खे़ने़ॽ के़निङ्‌वाॽ कुइसिक् चोःक्‍मा आङ्‌गाॽ हुॽराङ्‌ङे़ॽओ॥ आङ्‌गाॽ सेसे के़माङ्‌ङिल्‍ले़ नुरिक् मे़त्ताङ्‌ङे़ॽओ हे़क्‍क्‍याङ् कुदोःप्‍मा लाम्‍मो लाम्‍लोसाङ्‌ङे़ॽओ॥

मत्ति 7:21

आल्‍ल “‘आदाङ्‌बे, आदाङ्‌बे’, लॽरिक् याप्‍मि के़मे़प्‍पाहाॽ के़रे़क् साङ्‌ग्राम्‍पेदाङ्‌बा हाङ्‌जुम्‍मो मे़न्‍लाःत्‍ने़न्‍लो, कर साङ्‌ग्राम्‍पेदाङ्‌ङो के़वाॽबा पानुदिङ् आम्‍बारे़ कुनिङ्‌वाॽ हे़क्‍के के़जोःक्‍पाहाॽरक् मे़लाःत्‍लो॥

याकुब 4:14

थेआङ्‌भे़ल्‍ले़ ताःन्‍दिक् थे पोङ् के़लॽबा पाःन्‍निन् खिनिॽ के़न्‍निसुम्‍मिन्‍लो॥ खिनिॽ हिङ्‌मन्‍निङ्‌ग सप्‍फाधिक् के़धाःप्‍पाआङ् के़माबा के़बेःक्‍पा तुङ्‌हिःक् कुइसिक् चोक्‍लो॥

युहुन्‍ना 6:58

कन् आधक्‍किन्‍ने साङ्‌ग्राम्‍पेदाङ्‌लाम् के़युःबा खरे़ःङ्‌लो॥ खिनिॽ सुधे़बा ताक्‍थे़बाहाॽरे़ मन्‍नाःन् मे़जआङ् मे़स्‍ये़ कर कन् खरे़ःङ्‌ङिन् के़जाबाङ्‌ग सदादिङ् हिङ्‌लो॥”

मत्ति 21:31

आल्‍ल खे़न् ने़प्‍फुओ आत्तिल्‍ले़ खुन्‍छिॽ पाःल्‍ले़ कुनिङ्‌वाॽ हे़क्‍के चोगे़त्‍छुबे?” खे़ङ्‌हाॽरे़ नोगप् मे़बिरु, “तुम्‍बाल्‍ले़रो॥” ये़सुरे़ खे़ङ्‌हाॽ मे़त्तुसि, “इङ्‌गाॽ से़क्‍खाए मे़त्‍निङ्, निङ्‌वाॽफुहाङ्‌जुम्‍मो एःङ्‌याङ् के़भोङ्‌बाहाॽ नु के़त्‍निमाहाॽ खिनिॽनुःल्‍ले़आङ् तगि मे़लाःत्‍लो॥

१ थिस्‍सलोनिकि 5:18

हे़क्‍क्‍याङ् काक् वानाम् याक्‍नाम्‍मो नोगे़न्‍साबा पोःक्‍खे़म्‍मे़ॽ के़लॽबा ख्रिस्‍त ये़सुन् नसान् के़जोःक्‍पा खिनिॽ लागि निङ्‌वाॽफुमाङ्‌ङिल्‍ले़ कुनिङ्‌वाॽ वाॽरो॥

कलस्‍सि 4:12

खिनिॽनुएबा थिक्‍पा ख्रिस्‍त ये़सुरे़ कुसे़वारोबा इपाफ्रासरे़ खिनिॽ से़वा के़हाक्‍तिरो॥ खुने़ॽग खिनिॽ लागि निङ्‌वाॽफुमाङ्‌ङिल्‍ले़ के़धुम्‍बा नु कुलिङ्‌दो के़गे़प्‍पा हे़क्‍क्‍याङ् काक् निङ्‌वाॽफु निङ्‌वाॽओ ताःक्‍पोगे़म्‍बा के़जोगिर फाॽआङ् सदादिङ् साॽरिक् तुवा चोगुॽरो॥

खाहुन् 10:25

सुरित् केजङ्‌ङिन् इक्‍सिङ्‌ङाङ् ताःल्‍ले़ ताक्‍के़भे़ॽबाहाॽ मे़न्‍दाङ्‌ने़न्‍लो, कर साम्‌योबा मनान् कुनुप्‍मो थारिक् थधप् मे़ल्‍लॽए वाॽरो॥

कलस्‍सि 1:9

खे़ल्‍ले़चोगुल्‍ले़ खिनिॽ याःम्‍बेओ आनिगे खे़प्‍सुम्‍बे़आङ्‌धोए खिनिॽ लागि चक्‍मे़ल्‍लॽए तुवा चोगुम्‍बे़रो॥ सिक्‍कुम्‍दिङ् निङ्‌वाॽ नु इःत्‍छिङ्‌साम्‍लाम् निङ्‌वाॽफुमाङ्‌ङिल्‍ले़ साम्‍जिक्‍गे़न् कुनिङ्‌वाॽइल्‍ले़ खिनिॽ के़धिम्‍सिर फाॽआङ् तुवा चोगुम्‍बे़रो॥

युहुन्‍ना 7:17

आत्तिन् मनाःल्‍ले़ निङ्‌वाॽफुमाङ्‌ङिल्‍ले़ कुनिङ्‌वाॽ हे़क्‍के चोःक्‍मा निङ्‌वाॽ चोगुॽ, खे़ल्‍ले़ इङ्‌गाॽ आनिसाम्‍मिन् निङ्‌वाॽफुमाङ्‌लाम्‍बा त्‍ये़बाबि इङ्‌गाॽ आबाङे पाःत्तुङ्‌बाबि फाॽआङ् कुसिङ् निःत्तुॽरो॥

निङ्‌वाॽफु साम्‍लोसुम् 90:9

खे़ने़ॽ के़सिक् पोःक्‍मारे़ आनिगे थिक्‌याःन्‍धक्‍पा ये़म्‍हाॽ पेःक्‍लो, याःप्‍मारे़ याःप्‍मारे़ आनिगे तङ्‌बे लावा पेःक्‍लो॥

निङ्‌वाॽफु साम्‍लोसुम् 39:6

मे़न्‍छाम् याप्‍मिरे़ थाःक्‍किङ्‌ग साम्‍म्रिःप्‍पा कुइसिःक्‍लक् वाॽगत्‍लो, खे़ल्‍ले़ चोगुबा पाःन्‍हाॽग थेनाधेरक्‍लो, खे़ल्‍ले़ लुप्‍सुबा याङ्‌साकुन्‍धेन् हाःत्‍ले़ खोसुइ खे़ल्‍ले़ मे़निसुन्‍लो॥

निङ्‌वाॽफु साम्‍लोसुम् 102:26

इक्‍सादिङ् खाम्‍बेःक्‍मान् नु ताङ्‌साङपान् माबेःक्‍लो, कर खे़ने़ॽग सदादिङ् के़वाॽरो॥ इक्‍सादिङ् खाम्‍बेःक्‍मान् नु ताङ्‌साङपान् चिरिक् कुइसिक् यःत्ताङ् ते़ःङ्‌बेःक्‍लो, तेत् लाप्‍फुमनाबा हे़क्‍के के़जोगुआङ् खे़न् माबेःक्‍लो॥