१ युहुन्‍ना 2:16 - लिम्‍बु

¹⁶ थेआङ्‌भे़ल्‍ले़ इक्‍सादिङ् खाम्‍बेःक्‍मोबा लायोबा याम्‍निङ्‌वाॽइन्, मिक्‍लो लाम्‍मान्, हे़क्‍क्‍याङ् कप्‍मनाबा नु चोःक्‍मनाबा पाःन्‍नो हे़न्‍छिङ्‌मान् पानुदिङ् पा निङ्‌वाॽफुमाङ्‌लाम्‍बा मे़दाने़न्, कर खे़ङ्‌ग इक्‍सादिङ् खाम्‍बेःक्‍मोलाम्‍बाने़ तारो॥

१ युहुन्‍ना 2:16 Referans Kwoze

रोमि 13:14

खे़ल्‍ले़ कुले़क्‌वा नुबा चाङ् चाङ्‌मनाबा कुइसिक् दाङ्‌बा ये़सु ख्रिस्‍तरे़ कुसुत्‍नाःन् चाक्‍खे़म्‍मे़ॽओ॥ हे़क्‍क्‍याङ् लायोबा सुत्‍नाःल्‍ले़ कुनिङ्‌वाॽ पाःप्‍पाःत् चोःक्‍मा निङ्‌वाॽ मे़बिरे़म्‍मिन्‍ने़ॽओ॥

गलाति 5:17

थेआङ्‌भे़ल्‍ले़ आनिॽ लायोबा निङ्‌वाॽइन् सेसेमाङ्‌ङिल्‍ले़ कुदक्‍ले़ङ्‌वाओ पोःक्‍लो, हे़क्‍क्‍याङ् सेसेमाङ्‌ङिन्‍नाङ् लायोबा निङ्‌वाॽइल्‍ले़ कुदक्‍ले़ङ्‌वाओ पोःक्‍लो, थेआङ्‌भे़ल्‍ले़ खे़ङ्‌हाॽ मे़दङ्‌सिन्‍लो॥ हे़क्‍केलॽरिक् चोःक्‍मा के़इःत्तुम्‍बा नुबा याःम्‍बक्‍हाॽ सदादिङ् के़न्‍जोगुम्‍मिन्‍लो॥

तोलिङ्‌सोमु 3:6

मे़न्‍छुमाःल्‍ले़ खे़न् सिङ्‌बुङ्‌ङिल्‍ले़ कुजाॽइन् चामाल्‍ले़ नुबा के़बोङ्‌बा नु ओमे़प्‍मे़ल्‍ले़ नुबा निगे़धाःप्‍पा हे़क्‍क्‍याङ् सिक्‍कुम् निङ्‌वाॽ खोमारे़ लागि खे़न् सिङ्‌बुङ्‌ङिल्‍ले़ कुजाॽइन् चामा के़बोङ्‌बा निसु, हे़क्‍क्‍याङ् खे़न् सिङ्‌बुङ्‌ङिल्‍ले़ कुजाॽइन् तुबुआङ् च, खे़ब्‍याङ् खुने़ॽनु सोरिक् के़वाॽबा कुये़ःम्‍बाःन्‍नाङ् पिरु, हे़क्‍क्‍याङ् खे़ल्‍ले़ च॥

खाहुन् 27:20

सिमे़न् नु मे़क्‍मे़ल्‍ले़ आप्‍फाल्‍ले़आङ् कुनिङ्‌वाॽ मे़दाने़न्‍लो, मनाःल्‍ले़ कुमिक्‍के़न्‍नाङ् आप्‍फाल्‍ले़आङ् मे़घाने़न्‍लो॥

एफिसि 2:3

खे़ङ्‌हाॽरे़ खुनिॽ लुम्‍मो उन्‍छोन् आनिॽआङ् याम् नु निङ्‌वाॽइल्‍ले़ चोःक्‍मा कोःत्तुबा लायोबा लाम्‍मो आवये़॥ खे़ङ्‌हाॽ हे़क्‍के आनिॽआङ् निङ्‌वाॽफुमाङ्‌ङिल्‍ले़ कुघासे़न्‍नो के़धाबा आबोःक्‍खे़आङ् आवये़रो॥

याकुब 3:15

अक्‍तङ्‌बा “सिक्‍कुम्‍दिङ् निङ्‌वाॽइङ्‌ग” थाःङ् साङ्‌ग्राम्‍पेदाङ्‌लाम् मेःन्, कर इक्‍साबा नु याम्‍निङ्‌वाॽबा चोक्, हे़क्‍क्‍याङ् खे़ङ्‌ग माफे़न्‍साम्‍लाम् ताःरो॥

१ पत्रुस 2:11

आमिःम् फुॽनुसाॽ नु ने़ॽनुसाॽसे, खिनिॽग कप्‍मो वे़प्‍मिबा नु माःङ्‌घा लाजेॽबा कुइसिक् के़वयिबाल्‍ले़ चोगुल्‍ले़ लायोबा फे़न् निङ्‌वाॽलाम् लाःत्‍लाःत् वये़म्‍मे़ॽ फाॽआङ् पेलि फाक्‍निङ्‌लो॥ खे़न् लायोबा फे़न् निङ्‌वाॽइङ्‌ग खिनिॽ याम्‍साम्‍मिल्‍ले़ कुदक्‍ले़ङ्‌वाओ पोःक्‍लो॥

२ पत्रुस 2:10

अक्‍तङ्‌बाहाॽग आबाङे फे़न्‍निङ्‌वाॽ कुइसिक् याम्‍दादाओ के़वाॽबा नु दाङ्‌बाल्‍ले़ कुयुक्‍किन् के़नाॽबा मनासिरो॥ खे़न् आधिङ्‌गानि नु आङ्‌दिङ् के़लॽबा मनाहाॽरे़ग साङ्‌ग्राम्‍पेदाङ्‌ङो के़वाॽबाहाॽ हिनाःम् मे़प्‍मासि मे़ङ्‌गिने़न्‍लो॥

यहोसु 7:21

आल्‍ल नाप्‍मनासिबा याङ्‌सा कुन्‍धेहाॽओ बेबिलोनिया लाजेॽओबा लत्‍छा नुबा लगेःत्, किप् ने़त्‍छि सेकेल यारिक् के़लिःप्‍पा युप्‍पा नु ङाबोङ् सेकेल यारिक् के़लिःप्‍पा लत्‍छा साम्‍म्‍याङ् तक्‍कात् थिक् आङ्‌गाॽ निसुङ्, खे़ब्‍याङ् आङ्‌गाॽ आमिक् लासे़आङ् खे़ङ्‌हाॽ आङ्‌गाॽ तेॽरुङ्॥ खे़ङ्‌हाॽ आङ्‌गाॽ आसाःङ्‌गाहिम् लुम्‍मो खाम्‍बाङ् सिगाङ् लुप्‍तुङ्‌ङाङ् याक्, हे़क्‍क्‍याङ् के़रे़क्‍नुःल्‍ले़ मु युप्‍पान् याक्॥”

तितस 2:12

खे़न् कुलुङ्‌गुम्‍लाम्‍बा कन् इक्‍सादिङ् खाम्‍बेःक्‍मो लायोबा हिङ्‌मन् नु इक्‍सादिङ्‌बा ये़म्‍निङ्‌वाॽ तादाबा पाःन्‍हाॽ ले़प्‍मादेःमा पोङ् फाॽआङ् आहुॽसिङ्‌ङाङ् कन् हिङ्‌मन्‍नो निङ्‌वाॽ हाङ्‌गे़म्‍सिङ्‌मा, कुदोःप्‍मा नु साम्‌योबा हिङ्‌मन्‍नो हिङ्‌मा फाॽआङ् ओःन्‍धाक् आजोःक्‍लो॥

निङ्‌वाॽफु साम्‍लोसुम् 78:18

खे़ङ्‌हाॽरे़ खुनिॽ पाःप्‍पाःत् चामा थुङ्‌मा मे़नाःक्‍तुरो हे़क्‍क्‍याङ् निङ्‌वाॽफुमाङ्‌ङिन् कुनिङ्‌वाॽ मे़साॽरुरो॥

२ पत्रुस 2:18

खे़ङ्‌हाॽग कुसुम् मे़न्‍दम्‍मना आङ्‌दिङ् इसेःङ्‌बा पान् मे़बाःत्, हे़क्‍क्‍याङ् खारक् फे़न् याःम्‍बक् चोःक्‍मा के़ले़प्‍पाआङ् दाङ्‌बाओ के़दाबाहाॽ फे़न् याःम्‍बक् चोःक्‍माल्‍ले़ थेआङ् मे़लॽने़न् लॽरिक् मे़हुसुसिर याम्‍मो लायोओ मे़धासुसिरो॥

१ पत्रुस 1:14

निङ्‌वाॽफुमाङ्‌ङिल्‍ले़ इङ्‌जाङ् के़इःप्‍पा के़नाःप्‍पा कुस्‍सा के़बोःक्‍खिबाल्‍ले़ चोगुल्‍ले़ तगि मे़न्‍निए मे़ल्‍ले़ए के़वयिल्‍ले़ के़जोगुम्‍बा फे़न् याःम्‍बक् चोःक्‍मा निङ्‌वाॽओ याम्‍मो मे़बत्‍छे़म्‍मिन्‍ने़ॽओ॥

तितस 3:3

थेआङ्‌भे़ल्‍ले़ आनिॽआङ् थिक्‍ले़ङ् अदङ् नु इङ्‌जाङ् इःप्‍मा नाःप्‍मा मे़न्‍दे़म्‍मनाबा, इङ्‌ले़क्‍के, याम्‍निङ्‌वाॽ तादा नु याम् तादारे़ आयुक्‍ते़आङ् आवये़रो॥ हे़क्‍केलॽरिक् सिक्‍पोःक्‍मा नु नाहे़म्‍माओ आवये़, हे़क्‍क्‍याङ् मनाहाॽ आजिःत्तुम्‍सिम्‍माङ् आवये़रो॥

मत्ति 5:28

कर इङ्‌गाॽ मे़त्‍निङ् आत्तिल्‍ले़ फे़न्‍निङ्‌वाॽ इतुर मे़न्‍छुमाॽइन् ओमे़त्तुॽ, खे़ल्‍ले़ग तगिए खे़न् मे़न्‍छुमाॽइन्‍नु कुनिङ्‌वाॽबो चाराम्‍मा याःम्‍बक् चोगुदेसुरो॥

निङ्‌वाॽफु साम्‍लोसुम् 73:6

खे़ल्‍ले़चोगुल्‍ले़ खे़ङ्‌हाॽरे़ आङ्‌दिङ् लॽमान् कान्‍धि कुइसिक् मे़वारुरो, हे़क्‍क्‍याङ् खे़ङ्‌हाॽरे़ खे़माॽ चोःक्‍मान् चाङ् चाङ्‌मनाबा कुइसिक् मे़जाक्‍खुरो॥

अयुब 31:1

आङ्‌गाॽ लत्‍छा माङ्‌हे़क् चोगुङ्‌ङाङ् वाॽरो खे़ङ्‌ग फे़न्‍निङ्‌वाॽइल्‍ले़ मे़न्‍छुमान् ओमे़मे़त्तान्‍लो॥

लुका 4:5

हे़क्‍क्‍याङ् माफे़न्‍साम्‍मिल्‍ले़ खुने़ॽ थाःङ् कोःक्‍माल्‍ले़ कुसम्‍मो तेॽरुआङ् मिक्‍चिराप्‍पो इक्‍सादिङ् खाम्‍बेःक्‍मोबा के़रे़क् हाङ्‌जुम्‍हाॽ ओसेःन्‍धाक्‍तुआङ्

गलाति 5:24

ख्रिस्‍त ये़सुन् नसान् के़जोःक्‍पाहाॽरे़ग लायोबा निङ्‌वाॽ नु खे़ल्‍ले़ कुभे़न् याःम्‍बक्‍किल्‍ले़ कुयुक्‍किन् सिलाम्‍साक्‍मा सिङ्‌सम्‍दाङ् मे़भोःन्‍दुआङ् वाॽरो॥

खानिःत् 11:4

हे़क्‍क्‍याङ् खे़ङ्‌हाॽनु के़वाॽबा खे़जे़क् के़जोःक्‍पा मनासुम्‍हाॽ साॽरिक् कुजाघ्या मे़बोःक्‍खे़, खे़ब्‍याङ् इस्राइलिहाॽ याम्‍मो मे़हाबे़आङ् अक्‍खे लॽमा मे़हेःक्‍ते़, “आनिगे सा चामा खोसुम्‍बे़ल्‍ले़ नुबा पोःक्‍खे़बामे़न्!

मत्ति 4:8

हे़क्‍क्‍याङ् माफे़न्‍साम्‍मिल्‍ले़ खुने़ॽ साॽरिक् चम्‍जम्‍बा कोःक्‍माओ तेॽरुआङ् इक्‍सादिङ् खाम्‍बेःक्‍मोबा के़रे़क् हाङ्‌जुम्‍हाॽ हे़क्‍क्‍याङ् खे़प्‍मोबा पयम् यम्‍बा नु नुःब्‍नुबा पाःन्‍हाॽ ओसेःन्‍धाक्‍तुआङ्

निङ्‌वाॽफु साम्‍लोसुम् 78:30

कर खे़ङ्‌हाॽरे़ खुनिॽ सिक्‍मे़न्‍एःप्‍पे वये़रो, खे़ङ्‌हाॽरे़ सान् हाबा मे़जर मे़बत्‍छे़,

खानिःत् 11:34

कल्‍ले़चोगुल्‍ले़ खे़न् ते़न्‍निल्‍ले़ कुमिङ् किब्रोथ-हत्तावा मे़वाःत्तु, थेआङ्‌भे़ल्‍ले़ वेॽ यरिक् साःल्‍ले़ लागि कुजाघ्या के़बोङ्‌बा मनाहाॽ हाबा खे़प्‍मोए खे़ङ्‌हाॽरे़ मे़लुप्‍तु मे़धसि॥

खाहुन् 6:25

खे़न् नुमासुक्‍मा चोःक्‍पाल्‍ले़ चोगुल्‍ले़ खे़ने़ॽ के़निङ्‌वाॽओ खे़न् मिक् मे़गेःत्ते़न्‍ने़ॽओ, इग्र खे़ल्‍ले़ कुमिक्‍किल्‍ले़ इङ्‌ले़क्‍को के़न्‍धाने़ल्‍लरो॥

१ कोरन्‍थि 10:6

आल्‍ल कन् काक् पाःन्‍हाॽग आनिॽ निङ्‌वाॽइन् खे़ङ्‌हाॽरे़ मे़जोगुबा हे़क्‍के फे़न्‍पाःन्‍नो मे़बत्तिन्‍ल फाॽआङ् आनिॽ लागि कुबि पोःक्‍खे़आङ् वाॽरो॥

तोलिङ्‌सोमु 6:2

निङ्‌वाॽफुमाङ्‌साहाॽरे़ मनाहाॽरे़ खुनिॽ मे़न्‍छुमा साहाॽ नुमा मे़निसुसि, हे़क्‍क्‍याङ् खुन्‍छिॽ सिराॽथाङ्‌धाङ् मे़ल्‍लिङ्‌गे़न् मेःत् मे़दारुसि॥

दानिए़ल 4:30

खुने़ॽ अक्‍खे पाःत्तु, “आङ्‌गाॽ आमिङ्‌सो आधाङ्‌सोबा आहाङ्‌वा आमाङ्‌वारे़ लागि यम्‍बा आमुक्‍साम्‍लाम् आहाङ् युक्‍नादे़न्‍नो चोगुङ्‌ङाङ् ने़बा थे कन् पयम् यम्‍बा बेबिलोने़न् मेःम्‍बि?”

याकुब 4:16

कर खिनिॽग आबाङे निङ्‌सेःक्‍कोने़ आङ्‌दिङ् के़लॽरिआङ् के़हे़न्‍नाॽसिरो॥ खे़न् हे़क्‍तङ्‌बा काक् हे़न्‍छिङ्‌माङ्‌ग ताप्‍फे़ःम्‍बा पाःन्‍लो॥