१ युहुन्‍ना 2:12 - लिम्‍बु

¹² आमिःम् हिन्‍जाॽबित्‍छासे, ख्रिस्‍तरे़ चोगुबा कुयाःम्‍बक्‍लाम् खिनिॽ लायोन् ले़प्‍मि पोःक्‍खे़बाल्‍ले़ चोगुल्‍ले़ कन् सक्‍इङ्‌घङ्‌ङिन् साप्‍तुङ्‌ङाङ् हाक्‍निङ्‌ल पत्तारो॥

१ युहुन्‍ना 2:12 Referans Kwoze

सेःक्‌युक्‍मिबाहाॽ 10:43

काक् माङ्‌निङ्‌वाॽपान् के़बाःप्‍पाहाॽरे़ खुने़ॽ कुयाःम्‍बेओ अक्‍खेलॽरिक् मे़बाःत्तुआङ् वाॽ, निङ्‌वाॽफुमाङ्‌ङिल्‍ले़ माङ्‌हुप् चोगुबा हाङ्‌ङिन् नसान् के़जोःक्‍पा आत्तिल्‍ले़साङ् खुने़ॽलाम् कुलायोरे़न् ले़प्‍मि खोसुरो॥”

सेःक्‌युक्‍मिबाहाॽ 13:38

“खे़ल्‍ले़चोगुल्‍ले़ फुॽनुसाॽसे, बा कन् ये़सुरे़ चोगुबालाम्‍मे निङ्‌वाॽफुमाङ्‌ङिल्‍ले़ आनिॽ लायोहाॽरे़न् ले़प्‍मि आबिॽ फाॽआङ् कन् इङ्‌घङ्‌ङिन् खिनिॽओ इङ्‌भोसे़आङ् वाॽबान् आल्‍ल कुसिङ् निःत्ते़म्‍मे़ॽओ॥

एफिसि 1:7

हे़क्‍क्‍याङ् निङ्‌वाॽफुमाङ्‌ङिल्‍ले़ साॽरिक् लुङ्‌माॽ आदुक्‍ते़बाल्‍ले़ चोगुल्‍ले़ ये़सुरे़ कुमाक्‍खिॽइल्‍ले़ आनिॽ लायोलाम् ले़प्‍मि आबिरे़र आधे़ॽरे़आङ् वाॽ॥

सेःक्‌युक्‍मिबाहाॽ 4:12

ये़सुलाम्‍लक् से़न्‍लप् वाॽ, थेआङ्‌भे़ल्‍ले़ आनिॽ मे़न्‍छाम्‍गे़न् याप्‍मिहाॽ से़न्‍लप् याप्‍मि के़बिबा इक्‍सादिङ् खाम्‍बेःक्‍मो वेॽ हाःत्ताङ् होप्‍लो॥”

निङ्‌वाॽफु साम्‍लोसुम् 106:8

हे़क्‍केसाङ् मिङ्‌सो इङ्‌धाङ् खोमारे़ लागि हे़क्‍क्‍याङ् पयम् यम्‍बा कुमुक्‍साम्‍मिन् ओःन्‍धाक्‍मासिरे़ लागि खे़ङ्‌हाॽ ताङ्‌से़ःप्‍तुसिरो॥

कलस्‍सि 1:14

निङ्‌वाॽफुसालाम् आनिॽ चोःक्‌युम्‍भो आबिरे़, हे़क्‍क्‍याङ् काक् आनिॽ आजोगुम्‍बा लायोहाॽ ले़प्‍मि आबिरे़रो॥

निङ्‌वाॽफु साम्‍लोसुम् 25:11

यहवे दाङ्‌बाए, के़मिङ्‌सो इङ्‌धाङ्‌ङिल्‍ले़ चोगुल्‍ले़ आङ्‌गाॽ चोगुङ्‌बा यरिक् लायोहाॽ खे़त्ताङ् पिराङ्‌ङे़ॽओ॥

१ युहुन्‍ना 1:7

कर निङ्‌वाॽफुमाङ्‌ङिन् से़न्‍दाङ्‌गे़न् ओःत्तिओ वाॽबा कुइसिक् आनिॽआङ् से़न्‍दाङ्‌गे़न् ओःत्तिओ आहिङ्‌ल आवाॽने़ फाॽग्र आनिॽ लुम्‍मो सेसे तङ्‌जुम् पोङ्‌लो॥ हे़क्‍क्‍याङ् आबुगे़न् कुस्‍सा ये़सुरे़ कुमाक्‍खिॽइल्‍ले़ आनिॽ काक् लायोलाम् सुत्‍थो आजोःक्‍लो॥

१ युहुन्‍ना 1:4

आनिगे सःप्‍मान् कुलिङ्‌दो के़त्‍ल फाॽआङ् कन् पाःन्‍हाॽ साप्‍तुम्‍बे़आङ् हाक्‍कासिगे़बारो॥

लुका 24:47

हे़क्‍क्‍याङ् खुने़ॽ कुमिङ्‌ङो लायोलाम् हिन्‍छिङ्‌मा नु ले़प्‍मिरे़न् सुनाइङ्‌ङिन् यरुसले़म्‍मो हेःक्‍माआङ् के़रे़क् मे़न्‍छाम् सुवाङ्‌हाॽओ इङ्‌भोमाए पोङ्‌लो॥

लुका 5:20

ये़सुरे़ खे़ङ्‌हाॽरे़ खुनिॽ नसाःन्‍निन् निसुआङ् खे़न् लङ्‌ले़ःङ्‌वा मनान् मे़त्तु, “चुम्‍मे, खे़ने़ॽ के़लायोहाॽ ले़प्‍मि पोःक्‍खे़रो॥”

१ युहुन्‍ना 2:21

खिनिॽ से़क्‍खान् कुसिङ् के़न्‍निःत्तुम्‍मिन् फाॽआङ् मेःन्, कर से़क्‍खान् कुसिङ् के़निःत्तुम् फाॽआङ् साप्‍तुङ्‌ङाङ् हाक्‍निङ्‌लो॥ हे़क्‍क्‍याङ् लत्‍छा इङ्‌ले़क् पाःन्‍धिक्‍काङ् से़क्‍खालाम् मे़दाने़न् फाॽआङ् कुसिङ् के़निःत्तुम्‍लो॥

यर्मिया 14:7

आङ्‌गाॽ आमनाहाॽरे़ अक्‍खे मे़बाःत्तुर पेलिगे़न् तुवा मे़जोःक्‍कारो, “आनिगे लायोल्‍ले़ आनिगे याप्‍मि फोत्‍याबाए लेःत्तिगे़रो, हे़क्‍केसाङ् यहवे दाङ्‌बाए, आबाङे के़मिङ्‌ङिल्‍ले़ चोगुल्‍ले़ आभाॽरे़ॽओ॥ यरिक्‍ले़ङ् आनिगे खे़ने़ॽनु लाःत्‍लाःत् पोःक्‍खिगे़आङ् वयिगे़रो, खे़ने़ॽ के़दक्‍ले़ङ्‌वाओ आनिगे लायो चोगुम्‍बे़आङ् वयिगे़रो॥

१ युहुन्‍ना 2:7

आमिःम् आन्‍जुम्‍से, कन् साप्‍तुङ्‌बा इङ्‌जाङ्‌ङिन् कुसङ् इङ्‌जाङ्‌ग मेःन्‍लो॥ कङ्‌ग उन्‍छोःन्‍नाङ्‌धो खिनिॽनुए के़वाॽबा के़युःबा इङ्‌जाङ्‌लो॥ कन् उन्‍छोःन्‍बा इङ्‌जाङ्‌ङिङ्‌ग के़घे़प्‍सुम् के़सुरुम्‍बा पाःन्‍जाक्‍लो॥

१ युहुन्‍ना 2:1

आमिःम् आस्‍सासे, खिनिॽ लायो मे़जोगे़म्‍मिन्‍ने़ॽ फाॽआङ् कन् सक्‍इङ्‌घङ्‌ङिन् साप्‍तुङ्‌ङाङ् हाक्‍निङ्‌ल पत्तारो॥ कर कुभारे़ लायो मे़जोगुसाङ् आनिॽ लागि के़बाःप्‍पा के़बिबा साम्‌योबा ये़सु ख्रिस्‍ते़न् आनिॽ लायोलाम् ले़प्‍मि आघोसुम्‍ल फाॽआङ् पानुदिङ् पाः निङ्‌वाॽफुमाङ्‌ङिन् पेलि फाक्‍तुॽरो॥

१ युहुन्‍ना 1:9

कर आनिॽ लायोहाॽ निङ्‌वाॽफुमाङ्‌ङिल्‍ले़ कुदगि आबाःत्तुम्‍ने़ फाॽग्र ले़प्‍मि आबिॽरो हे़क्‍क्‍याङ् आनिॽ काक् फे़न्‌याःम्‍बक्‍कोलाम् सुत्‍थो आजोःक्‍लो, थेआङ्‌भे़ल्‍ले़ खुने़ॽग नसाःन्‍साबा नु साम्‌योबा चोक्‍लो॥

एफिसि 4:32

कर निङ्‌वाॽफुमाङ्‌ङिल्‍ले़ ख्रिस्‍तलाम् खिनिॽ लायोन् ले़प्‍मि के़बिरिबा हे़क्‍केए, खिनिॽआङ् ले़प्‍मि पिआसिम्‍मे़ॽर लुङ्‌माॽ तुक्‍कासिम्‍मे़ॽआङ् लुङ्‌माॽ स्‍याःत् मे़त्तासिम्‍मे़ॽओ॥

१ कोरन्‍थि 6:11

खिनिॽआङ् कुभाग बा अक्‍तङ्‌बा के़वयि, कर वागे़म्‍हप्‍ति, सेसे के़बोःक्‍खि हे़क्‍क्‍याङ् दाङ्‌बा ये़सु ख्रिस्‍तरे़ कुमिङ्‌ङो आनिॽ निङ्‌वाॽफुमाङ्‌ङिल्‍ले़ कुसेसेमाङ्‌लाम्‍बा आप्‍तिक् मेःन्‍नेबा के़बोक्‍खिरो॥