5 आल्ल निङ्वाॽफुमाङ्ङिन् से़न्दाङ्गे़न् ओःत्तिरो, खुने़ॽओ मिसाक्काङ् खादाम्मान् होप्लो के़लॽबा इङ्घङ्ङिन् आबुगे़न् कुस्सान्लाम् खे़प्सुम्बे़आङ् खिनिॽ मे़त्तासिगे़आङ् वाॽरो॥
हे़क्क्याङ् ये़सुरे़ याम्मो मनाहाॽ मे़त्तुसि, “इङ्गाॽ इक्सादिङ् खाम्बेःक्मोबा ओःत्तिआरो॥ हाःत्ले़ इङ्गाॽ नसान् चोःक्का खे़न्नु हिङ्मन् के़बिबा ओःत्तिःन् वाॽ हे़क्क्याङ् आप्फाल्ले़आङ् खे़न् खादाम्मो लाङ्घेःक्मा मे़बोङ्ने़ल्लो॥”
काक् नुबा नु कुलिङ्दो के़गे़प्पा पर्धाःम्मिङ्ग थाःङ् ताङ्साक्पो के़ओःप्पा ओःत्तिहाॽ के़जोःक्पा पानुदिङ् पाः निङ्वाॽफुमाङ्लाम् युरो॥ खे़न् ओःत्तिहाॽग साम्ब्रिःप्पा कुइसिक् ले़ङ्बेःक्, कर खुने़ॽ आप्फाल्ले़आङ् मे़ले़ङ्ने़न्लो॥
“आल्लआङ्धो ले़न्दिक् नाम्मिल्ले़ खे़ने़ॽ थोॽमा मे़बोङ्ने़न्लो, हे़क्क्याङ् से़न्दिक् लाबे़ल्ले़ खे़ने़ॽ थोॽमा मे़बोङ्ने़ल्लो॥ आङ्गाॽ यहवे दाङ्बान् सदादिङ्बा खे़ने़ॽ के़लागि ओःत्ति पोङ्ङारो, आङ्गाॽ आमिमिदिङ्ङिल्ले़ कुओःत्तिःल्ले़ के़धोॽरो॥
यहवे दाङ्बान् आओःत्ति नु आसे़न्लप्दाङ्बारो, हे़क्केःल्ले़ आत्तिन्हाॽआङ् मे़गिरुङ्सिङ्ङिन्लो, यहवे दाङ्बे़ल्ले़ किप्मा के़घुबा पाःन्हाॽओ थामालाम् से़ःप्पारो, हे़क्केःल्ले़ आङ्गाॽ आभे़ल्ले़आङ् मे़गिआन्लो॥
के़रे़क् मे़न्छाम् सुवाङ्हाॽ ओःत्ति के़बिबा खे़न् से़क्खाबा से़न्दाङ्गे़न् ओःत्तिःन् इक्सादिङ् खाम्बेःक्मो के़दाबा वये़रो॥
ने़त्तिगे़न् हिङ्मन्निन् खुने़ॽओ वये़रो॥ हे़क्क्याङ् खे़न् ने़त्तिगे़न् हिङ्मन्निल्ले़ काक् मे़न्छाम् याप्मिहाॽ से़न्दाङ्गे़न् ओःत्ति पिरुसिरो॥
इक्सादिङ् खाम्बेःक्मो वाॽआर थारिक् इङ्गाॽ इक्सादिङ् खाम्बेःक्मोबा ओःत्तिआरो॥”
खे़प्मो याम्मो से़न्दिक् मे़बोङ्ने़न्, हे़क्क्याङ् थोॽमारे़ लागि सेमि नु नाम्साङ्ङाङ् चाहाबा मे़जोक्ने़न्लो, थेआङ्भे़ल्ले़ यहवे दाङ्बा निङ्वाॽफुमाङ्ङिन् आबाङे खुनिॽ ओःत्ति पोङ्॥ हे़क्क्याङ् खे़ङ्हाॽरे़ सदादिङ् हाङ्युक् मे़जोगुॽरो॥
हे़क्क्याङ् खे़न् ये़क्यक्किन् के़धोॽबा नाम् नु लाबा थेआङ् चाहाबा मे़जोगे़न्लो, थेआङ्भे़ल्ले़ निङ्वाॽफुमाङ्ङिल्ले़ कुमिमिदिङ्ङिल्ले़ए खे़न् ये़क्यक्किन् थोॽरुरो॥ हे़क्क्याङ् खे़ल्ले़ कुसेमिःङ्ग मे़ल्लुक्साःन्नेरो॥
थेआङ्भे़ल्ले़ खे़ने़ॽए के़रे़क् ने़त्तिगे़न् हिङ्मन्ले़ कुबुन्ने़रो, के़ओःत्तिःल्ले़ आनिगे थोॽरिगे़आङ् निसुम्बे़रो॥
खुने़ॽओरक् आजुनि वाॽरो, खुने़ॽ सुमा नु के़प्मा सुक्मे़न्दे़प्मना ओःत्तिओ युङ्लो॥ खुने़ॽग आत्तिल्ले़आङ् मे़न्निए वाॽरो, हे़क्क्याङ् निमाआङ् मे़न्छुक्तुन्लो॥ खुने़ॽइन्ने सदादिङ् मुक्साम् नु मिङ्सो इङ्धाङ् पोङ्लरो॥ आमे़न्॥
थेआङ्भे़ल्ले़ यहवे दाङ्बा निङ्वाॽफुमाङ्ङिन् आनिॽ हाङ्हाङ् के़मे़प्पा हाङ् नु से़ःप्सिङ्मादे़न्लो, खुने़ॽ आनिॽ लुङ्माॽ आदुक्काङ् मिङ्सो इङ्धाङ्नु मुॽइसाम् आबिरो॥ यहवे दाङ्बे़ल्ले़ से़क्खा लाम्मो लाङ्गे़घेःक्पाहाॽ नुबा पाःन्हाॽलाम्बा लाःत्लाःत् आन्जोःक्ने़ल्लो॥
आनिॽ लुङ्माॽ तुक्सिङ्मा पोङ् के़लॽबा इङ्घङ्ङिङ्ग तगिआङ्धोए के़घे़प्सुम्माङ् के़वयिॽरो॥
थेआङ्भे़ल्ले़ दाङ्बालाम् खोसुङ्बा निसाम्मिन् खिनिॽ पिनिङ्ङाङ् वाॽआरो—दाङ्बा ये़सुन् इङ्ले़क्ते़बा से़न्दिक् खुने़ॽ खरे़ःङ्ङिन् खप्सु,
करसाङ् माक्चिगे़न् खादाम्मे़न् खे़ने़ॽ के़लागि माक्सिःङ्ग्याःप्पा मे़बोङ्ने़ल्लो, हे़क्क्याङ् से़न्दिक्किन् ले़न्दिक् हे़क्के खाओःत्लो, खे़ने़ॽ के़लागि से़न्दिक् नु ले़न्दिक् लत्छारो॥
याकुबरे़ कुमुॽइदाङ्सासे, त्ये़म्मे़ॽओ, यहवे दाङ्बे़ल्ले़ कुओःत्तिओ आनिॽ लाङ्घेगिरो॥
खुने़ॽ कुबे के़याक्पा पाःन्हाॽ नु सिबिॽबा पाःन्हाॽ ओसेःन्धाङ् चोगुरो, खामाक्मो के़वाॽबा पाःन्हाॽ खुने़ॽ निसुरो हे़क्क्याङ् ओःत्तिःन् खुने़ॽओ याङ्धोक्लो॥
यरुसले़मबा यहुदि लाम्लोबाहाॽरे़ निङ्वाॽफुसाम्बाहाॽ नु माङ्हिम्मो से़वा के़जोःक्पा ले़बिहाॽ युहुन्नाओ खे़ने़ॽ हाःत्ने़न्बे? लॽरिक् सेःन्दोसे़ मे़बाङ्सुसिल्ले़ युहुन्नाःल्ले़ कुदोःन्दिन् अक्तङ्बा चोगे़रो॥