१ कोरन्‍थि 3:1 - लिम्‍बु

¹ आमिःम् फुॽनुसाॽ नु ने़ॽनुसाॽसे, इङ्‌गाॽ खिनिॽनु पाराङ्‌ङिल्‍ले़ याम्‍साम्‍गे़न् मनाहाॽनु पाराङ्‌बा कुइसिक् मे़म्‍बाःप्‍पे़न्, कर इक्‍साबा निङ्‌वाॽ के़गप्‍पा मनाहाॽ हे़क्‍तङ्‌बा नसाःन्‍नो कुनिङ्‌वाॽ के़बाःक्‍पा अङे़ःक्‌वाहाॽनु पाःप्‍मनाबा कुइसिक् पाराङ्‌लो॥

१ कोरन्‍थि 3:1 Referans Kwoze

हिब्रु 5:13

नुरक् के़धुङ्‌बान् अङे़ःक्‌वा चोःक्‍काङ् खे़ल्‍ले़ नुबा नु ताप्‍फे़ःम्‍बा थेआङ् कुसिङ् निःप्‍मा मे़सुक्‍तुन्‍लो॥

१ कोरन्‍थि 2:6

हे़क्‍केसाङ् आनिगे़ग नसाःन्‍नो कुनिङ्‌वाॽ के़दुम्‍बा नसानिबाहाॽनु सिक्‍कुम्‍दिङ् निङ्‌वाॽरे़ पाःन्‍हाॽ पारिगे़ॽ, कर कन् इक्‍सादिङ् खाम्‍बेःक्‍मोबा नु खे़प्‍मो हाङ्‌गे़जोःक्‍पाहाॽरे़ खुनिॽ सिक्‍कुम् निङ्‌वाॽ पान् मे़बारिगे़न्‍लो॥ खे़ङ्‌हाॽग मे़मे़क् मे़बेःक्‍लो॥

१ कोरन्‍थि 14:20

फुॽनुसाॽ नु ने़ॽनुसाॽसे, खिनिॽ हिन्‍जाॽबित्‍छा कुइसिक् निङ्‌वाॽ इःप्‍मा ले़रे़म्‍मे़ॽओ॥ फे़न्‍पाःन्‍नो अङे़ःक्‌वा कुइसिक् पोःक्‍खे़म्‍मे़ॽओ, कर निङ्‌वाॽ इःप्‍माओग कुनिङ्‌वाॽ के़दुम्‍बा मनाहाॽ कुइसिक् पोःक्‍खे़म्‍मे़ॽओ॥

रोमि 7:14

साम्‌योथिम्‍मिन् याम्‍साम्‍बा चोक् लॽरिक् कुसिङ् आनिःत्तुम्‍माङ् वाॽ, कर इङ्‌गाॽ याम्‍साम्‍बा मे़जोक्‍कान् हे़क्‍क्‍याङ् योःक्‍पाहाॽ मे़दोःक्‍पा कुइसिक् इङ्‌गाॽआङ् लायोओए तोःक्‍ताङ्‌ङाङ् वाॽआरो॥

१ युहुन्‍ना 2:12

आमिःम् हिन्‍जाॽबित्‍छासे, ख्रिस्‍तरे़ चोगुबा कुयाःम्‍बक्‍लाम् खिनिॽ लायोन् ले़प्‍मि पोःक्‍खे़बाल्‍ले़ चोगुल्‍ले़ कन् सक्‍इङ्‌घङ्‌ङिन् साप्‍तुङ्‌ङाङ् हाक्‍निङ्‌ल पत्तारो॥

गलाति 6:1

आमिःम् फुॽनुसाॽ नु ने़ॽनुसाॽसे, खिनिॽ नुसाॽधिक् लायोओ थाःल्‍ले़ खिनिॽ सेसेमाङ्‌ङिल्‍ले़ लाम्‍गे़लोसिबाहाॽरे़ नःम्‍नःम्‍माङ् खे़न् तोःन्‍दे़म्‍मे़ॽओ॥ कर हे़क्‍के के़जोगुम्‍मिल्‍ले़ सिङ्‌सिङ् लॽरे़म्‍मे़ॽओ, मेःन्‍ने फाॽग्र खिनिॽआङ् लायोओ थाःमा के़सुक्‍तिॽरो॥

मत्ति 16:23

ये़सुन् पत्रुस ले़प्‍माङ् हिसिङ्‌ङाङ् मे़त्तु, “माफे़न्‍साम्‍मे, खे़ने़ॽ इङ्‌गाॽलाम् माःङ्‌घा पेगे़ॽ! खे़ने़ॽ के़घआरो॥ खे़ने़ॽग निङ्‌वाॽफुमाङ् कुइसिक् मेःन्, कर मे़न्‍छाम् याप्‍मि कुइसिःक्‍लक् निङ्‌वाॽ के़इःत्तुॽरो॥”

१ कोरन्‍थि 14:37

आत्तिल्‍ले़ इङ्‌गाॽ माङ्‌निङ्‌वाॽपान् के़बाःप्‍पाआ लॽरिक् इग्र याम्‍साम्‍गे़न् पर्धाःम् कत्तुङ् लॽरिक् इःत्तुॽ हाराॽ खे़ल्‍ले़ इङ्‌गाॽ साप्‍तुङ्‌बा कन् पाःन्‍हाॽ दाङ्‌बाल्‍ले़ कुइङ्‌जाङ् लॽरिक् ते़न्‍दिङ् चोगुररो॥