१ कोरन्‍थि 13:3 - लिम्‍बु

³ इङ्‌गाॽ के़रे़क् आयाङ्‌साकुन्‍धेन् याङ्‌गे़साॽबाहाॽ हाःत्तुङ्‌सिङ्‌साङ्, नासिङ्‌गे़न् आधक्‍किन् मिहाक्‍को याक्‍तुङ्‌साङ्, इङ्‌गाॽ वेॽहाॽ लुङ्‌माॽ मे़दुक्‍तुङ्‌सिङ्‌ङिन्‍ने़ फाॽग्र थेआङ् इन्‍धाःङ् मे़घोसुङ्‌ङिन्‍लो॥

१ कोरन्‍थि 13:3 Referans Kwoze

युहुन्‍ना 15:13

चुम्‍मिल्‍ले़ कुलागि हिङ्‌मन् पिमान्‍ने यम्‍बा मिःम्‍जिरो, कन्‍नुःल्‍ले़ यम्‍बा मिःम्‍जि वेॽ होप्‍लो॥

मत्ति 23:5

खे़ङ्‌हाॽरे़ग नुबा पाःन्‍हाॽ मनाहाॽ ओसेःन्‍धाक्‍मासि फाॽआङ्‌लक् मे़जोगुरो॥ खे़ङ्‌हाॽरे़ साम्‌योथिम् इङ्‌जाङ् साप्‍मा याक्‍मनाबा माक्‍पे़न्‍छाप्‍हाॽ यम्बयम्‍बा मे़जोगुआङ् हुक्‍को नु तोवाबो मे़भत्‍छुॽ, हे़क्‍क्‍याङ् चाङ् तेत्तो केःम्‍ब केःम्‍बा पोरोक्‌वाहाॽ मे़भत्‍छुॽ॥

गलाति 5:26

आनिॽग आङ्‌दिङ् लॽरि मेःन्, सिक् फोःङ्‌सिङ् पिसिङ्‌मा मेःन्, हे़क्‍क्‍याङ् नाहे़त्‍छिङ्‌मा मेःन्‍लो॥

लुका 18:28

हे़क्‍केःल्‍ले़ पत्रुसरे़ पाःत्तु, “आनिगे हिम्‍धाःङ् ले़रुम्‍बे़आङ् खे़ने़ॽ तिम्‍मासिगे़आङ् वयिगे़रो॥”

हिब्रु 13:9

परिक् परिक्‍पा कुसङ् निसाम्‍हाॽओ लाम्‍मे़बोःत्ते़म्‍मिन्‍ने़ॽओ॥ साक्‍थिम् कुइसिःक्‍पा चामा थुङ्‌माल्‍ले़ग मेःन्, कर निङ्‌वाॽफु लुङ्‌गुम्‍लाम्‍बाने़ खिनिॽ याम्‍साम्‍मिन् के़धुम्‍बा पोङ्‌मा नुबा पोङ्‌लो॥ हे़क्‍तङ्‌बा चामा थुङ्‌मा थिम् के़इःप्‍पा के़नाःप्‍पाहाॽरे़ थेआङ् इन्‍धाःक् मे़ङ्‌घोसुन्‍लो॥

१ तिमोथि 4:8

नासिङ्‌गे़न् थक् सधासिङ्‌माल्‍ले़ कुभारक् इन्‍धाःङ् आबिॽ, कर याम्‍साम्‍गे़न् सधासिङ्‌मालाम् काक् परिक्‍ले़न् इन्‍धाःङ् आघोसुम्, थेआङ्‌भे़ल्‍ले़ साम्‌यो हिङ्‌मन्‍ले़न् माङ्‌हे़क्‍किन् कन् ये़म्‍मोबा नु ताये़म्‍मोबा हिङ्‌मन्‍नो आघोसुम्‍लो॥

युहुन्‍ना 12:43

थेआङ्‌भे़ल्‍ले़ खे़न् यहुदि लाम्‍लोबाहाॽरे़ निङ्‌वाॽफुमाङ्‌लाम् चम्‍सिङ्‌मान्‍नुःल्‍ले़ मे़न्‍छाम् याप्‍मिलाम् चम्‍सिङ्‌मान्‍ने खुनिॽ सिराॽथाङे़रो॥

लुका 18:22

ये़सुरे़ खे़न् खे़प्‍सुआङ् मे़त्तु, “आल्‍लसाङ् खे़ने़ॽ याःम्‍बक्‍थिक् चोःक्‍मा के़गत्तुॽरो॥ खे़ने़ॽ के़गत्तुबान् के़रे़क् सङ्‌घे़देसे़ॽ हे़क्‍क्‍याङ् याङ्‌गे़साॽबाहाॽ पिरे़से़ॽओ॥ हे़क्‍केलॽरिक् साङ्‌ग्राम्‍पेदाङ्‌ङो याङ्‌साकुन्‍धे के़घोसुॽरो॥ हे़क्‍क्‍याङ् फे़रे़ॽआङ् इङ्‌गाॽ तिम्‍दाङ्‌ङे़ॽओ॥”

सेःक्‌युक्‍मिबाहाॽ 21:13

कर पावलरे़ आनिगे अक्‍खे मे़त्तिगे़, “खिनिॽ थेआङ् के़हाबिआङ् आसाॽइ यक्‍ल के़याःन्‍दुम्‍बाबे? इङ्‌गाॽग यरुसले़म्‍मो दाङ्‌बा ये़सुरे़ कुलागि साक्‍सिङ्‌मारक् मेःन्, कर सिमा पोङ्‌साङ् यारिप् वाॽआरो॥”

युहुन्‍ना 13:37

पत्रुसरे़ सेःन्‍दोसु, “दाङ्‌बे, थेआङ् आल्‍लो तिम्‍मा मे़सुक्‍ने़न्‍बे? खे़ने़ॽ के़लागि इङ्‌गाॽ आल्‍लो सिमासाङ् यारिप् वाॽआरो॥”

युहुन्‍ना 6:63

सेसेमाङ्‌ङिल्‍ले़ मे़न्‍नुप्‍मनाबा हिङ्‌मन्‍निन् आबिॽरो, कर मे़न्‍छाम् थुम्‍मिल्‍ले़ थेआङ् चोःक्‍मा मे़सुक्‍तुन्‍लो॥ इङ्‌गाॽ मे़त्‍निङ्‌बा पाःन्‍जाक्‍हाॽ याम्‍साम् नु हिङ्‌मन्‍लो॥

लुका 19:8

याङ्‌सि जक्‍कैन् ये़म्‍सिङ्‌ङाङ् दाङ्‌बान् अक्‍खे मे़त्तु, “इङ्‌गाॽ कत्तुङ्‌बा याङ्‌साकुन्‍धेन् कुभ्रे़ःङ् याङ्‌गे़साॽबाहाॽ हाःत्तुङ्‌सिङ्‌लो॥ हे़क्‍क्‍याङ् आत्तिन्‍हाॽ इङ्‌ले़क् मे़त्तुङ्‌सिङ्‌ङाङ् यरिक् याङ् फोःक्‍खुङ्‌सिङ्‌ङाङ् वाॽआ, खे़ङ्‌हाॽ इङ्‌गाॽ लिसिले़ङ् थारिक् नुःक्‍तुङ् पिरुङ्‌सिङ्‌लो॥”

यर्मिया 7:8

“ओमे़त्ते़म्‍मे़ॽ, खिनिॽ थेनाधेबा कुसुम् मे़न्‍दम्‍मनाबा इङ्‌ले़क् पाःन्‍निन् नागे़साॽरुम्॥

फिलिप्‍पि 2:3

खक्‍ख्वा निङ्‌वाॽ नु आङ्‌दिङ् लॽमालाम् थेआङ् मे़जोगे़म्‍मिन्‍ने़ॽ, कर चुङ्‌जिगे़न् नःम्‍सिङ्‌मालाम् वेॽहाॽ आप्‍फेक्‍नुःल्‍ले़आङ् के़ये़क्‍पा इःत्ते़म्‍सिम्‍मे़ॽओ॥

यसैया 57:12

आनिगे च्‍या चोगुम्‍बे़साङ् खे़न् कुदोःप्‍माए चोक् फाॽआङ् खे़निॽ के़इःत्तुम्‍लो कर खिनिॽ के़जोगुम्‍बा याःम्‍बक्‍किन् निधाःप्‍ल चोगुङ्‌लो हे़क्‍क्‍याङ् खे़निॽ याःम्‍बक्‍किल्‍ले़ कुभाॽ पिमा के़न्‍छुक्‍तिन्‍लो॥