१ कोरन्थि 1:9 - लिम्बु9 निङ्वाॽफुमाङ्ङिन् नसाःन्साबा चोक्लो, हे़क्क्याङ् खुने़ॽए आबुगे़न् कुस्सा ये़सु ख्रिस्त आनिॽ दाङ्बान्नु सेसे तङ्जुम्मो खिनिॽ के़उःत्तिआङ् के़वयिॽरो॥ Gade chapit la |
१ कोरन्थि 1:9
43 Referans Kwoze
खिनिॽ हिङ्मन्नो के़दाबा काक् हङ्साॽमाहाॽ मे़न्छाम् याप्मिलुम्मो के़दाबा कुइसिक् चोक्लो॥ निङ्वाॽफुमाङ्ङिङ्ग नसाःन्साबा चोक्लो॥ खुने़ॽग खिनिॽ थम्मा के़न्छुक्तुम्मिम्बा हङ्साॽमाओ थाःमा के़म्बाङ्घिन्लो॥ कर थम्मा के़सुक्तुम्ल फाॽआङ् खिनिॽ हङ्साॽमाओ के़ध्ये़ॽइल्ले़ खुने़ॽए खे़प्मोलाम् ताङ्से़ःप्सिङ्मा लाम्माङ् के़बिरिॽरो॥
युक्साबाहाॽरे़ खुन्छिॽ से़वारोबा, सुवाङ्हाॽरे़ साॽरिक् कुनामे़न्छाॽरुम्बा नु मे़जिःत्तुबान्, यहवे दाङ्बा, के़धे़ॽबा नु इस्राइलबा निङ्वाॽफुमाङ्ङिल्ले़ खे़न् मे़त्तुरो, “हाङ्हाॽरे़ खे़ने़ॽ के़म्नि हे़क्क्याङ् मे़बोःक्काङ् मे़ये़प्लो॥ हाङ्साहाॽरे़ खे़ने़ॽ के़म्निरो खे़ब्याङ् के़दगि साम्बोन् हबत् मे़भन्छिङ्लो॥ थेआङ्भे़ल्ले़ नसाःन्साबा यहवे दाङ्बा, इस्राइलबा सेसे निङ्वाॽफुमाङ्ङिल्ले़ खे़ने़ॽ के़सेगे़आङ् वाॽरो॥”
काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ् खुने़ॽए खिनिॽ कुलिङ्दो के़गे़त्तिॽ हे़क्क्याङ् थधप् मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
इङ्गाॽग ख्रिस्ते़न्नु सिलाम्साक्मा सिङ्ङो स्याङ्ङाङ् वाॽआ, हे़क्क्याङ् आल्लआङ्धो इङ्गाॽग मे़हिङ्ङान्, कर ख्रिस्ते़न् इङ्गाॽओ हिङ्लो॥ इङ्गाॽग कन् नासिङ्गे़न् थक्को हिङ्ङाल्ले़ निङ्वाॽफुसाओबा नसाःन्लाम् हिङ्ङारो॥ खुने़ॽए लुङ्माॽ तुक्ताङ् हे़क्क्याङ् आलागि कुहिङ्मन्निन् पिरुरो॥
अक्खेलॽरिक् निङ्वाॽफुमाङ्ङिल्ले़ माङ्हे़क् चोगुआङ् माङ्हे़क्सिङ्लो॥ कन् ने़त्छि पाःन्हाॽ आप्फाल्ले़आङ् मे़ले़ङ्ने़न्, थेआङ्भे़ल्ले़ निङ्वाॽफुमाङ्ङिल्ले़ इङ्ले़क् पाःप्माए मे़सुक्तुन्॥ आनिॽ खुने़ॽ कुगम्ब्राङ्ङो ताङ्से़ःप्सिङ्से़ के़बेःक्पाहाॽरे़ आघोसुम् के़लॽबा निङ्साङ्ङिन् आल्ले़रुम्मिन्निल्ले़ हाङ्हाङ् आलॽरो॥
खुने़ॽए आनिॽ ताङ्आसे़ःप्ते़आङ् आप्फेक् सेसे कुमना पोङ्से़ आसेगे़आङ् आवाॽरो॥ कङ्ग आनिॽ आजोगुम्बा याःम्बक्किल्ले़ पोःक्खे़बा मेःन्लो, कर खुने़ॽ आप्फेक् कुनिङ्वाॽसोक् नु कुलुङ्गुम्रे़ चोगुबारो॥ तोलिङ्सोमुआङ्धो ख्रिस्त ये़सुरे़ कन् लुङ्गुम्मिन् आबिर फाॽआङ् निङ्वाॽफुमाङ्ङिल्ले़ निङ्सेक् चोगुआङ् वये़॥
कर निङ्वाॽफुमाङ्ङिल्ले़ इङ्गाॽ सामे़न्वाःन्छिङ्ङेआङ्धोए लुङ्माॽ तुक्ताङ्, हे़क्क्याङ् सेगाङ्ङाङ् से़वा चोःक्से़ उःत्ताङ्लो॥ निङ्वाॽफुमाङ्ङिल्ले़ इङ्गाॽ थिम्मे़न्दङ् सुवाङ्हाॽ ये़सुरे़ कुयाःम्बेओ सुनाइङ् इङ्भोसुङ्सिङ्ल फाॽआङ् आबुगे़न् कुस्सान् ओःन्धाक्मा कुसिराॽ थाङे़॥ खे़न् ये़म्मो इङ्गाॽ आत्तिन् मनाहाॽआङ् सुजा मे़नाःक्तुङ्सिङ्ङिन्,
दाङ्बाल्ले़ कुसाभाङ्जाओबा चल्लङ्ना खोर्यान् आयाङ्सिङ्ङाङ् निङ्वाॽफुमाङ्ङिन् आनिॽ नोगे़न् आबिरुम्॥ हे़क्क्याङ् खे़न् चल्लङ्ना खोर्यालाम् आधुङुम्मिल्ले़ ख्रिस्तरे़ कुमाक्खिॽओ लक् आमे़त्छिङ् मेःम्बि? हे़क्क्याङ् आनिॽ आघे़ःक्खुम्बा खरे़ःङ्ङिन् आजाम्मिल्ले़ ख्रिस्तरे़ नासिङ्गे़न् कुधक्को लक् आमे़त्छिङ् मेःम्बि?
Piblisite