१ कोरन्‍थि 1:29 - लिम्‍बु

²⁹ खे़ल्‍ले़चोगुल्‍ले़ निङ्‌वाॽफुमाङ्‌ङिल्‍ले़ कुनिमाओ आत्तिन्‍नाङ्‌ आङ्‌दिङ् मे़लॽने़न्‍लरो॥

१ कोरन्‍थि 1:29 Referans Kwoze

रोमि 3:27

हे़क्‍केःल्‍ले़ आनिॽ थे़माओ आङ्‌दिङ् लॽमनाबाबे? थे़मा पाःन्‍नोआङ् मेःन्‍लो! थेआङ्‌भे़ल्‍ले़ आनिॽ साम्‌योथिम् आइःत्तुम् आनाःत्तुम्‍माङ् मेःन्, कर ख्रिस्‍ते़न् नसान् आजोगुम्‍माङ्‌लक् आनिॽ साम्‌योबा आबोङ्॥

एफिसि 2:9

मनारे़ मे़जोगुबा याःम्‍बक्‍लाम् अक्‍खे पोःक्‍खे़बा मेःन्‍लो, खे़ल्‍ले़चोगुल्‍ले़ मनाहाॽरे़ आङ्‌दिङ् लॽमा पाःन्‍ने होप्‍लो॥

१ कोरन्‍थि 4:7

थेआङ्‌भे़ल्‍ले़ हाःत्‍ले़ खिनिॽ वेॽहाॽनुःल्‍ले़ नुबा के़जोगिआङ् के़वयिॽबे? निङ्‌वाॽफुमाङ्‌ङिल्‍ले़ के़म्‍बिरिम्‍बा थे पान् खिनिॽ के़गत्तुम्‍बे? खुने़ॽ के़बिरिबा पान् के़गत्तुम्‍ने़ फाॽग्र आबाङे के़धगुम्‍बा हे़क्‍के थेआङ् आङ्‌दिङ् के़लॽरिबाबे?

१ कोरन्‍थि 1:31

खे़ल्‍ले़चोगुल्‍ले़ साम्‌योसाप्‍लाओ अक्‍खेलॽरिक् साप्‍ते़आङ् पत्, “आत्तिल्‍ले़ यम्‍बा पान् पाःत्तुॽ, खे़ल्‍ले़ यहवे दाङ्‌बाल्‍ले़ चोगुबा याःम्‍बक्‍कोरक् यम्‍बा पान् पाःत्तुररो॥”

रोमि 15:17

खे़ल्‍ले़चोगुल्‍ले़ ख्रिस्‍त ये़सुन् नु थिक्‍हुप् पोःक्‍खाङ्‌ङाङ् निङ्‌वाॽफुमाङ्‌ङिन् चोगुङ्‌बा आमाङ्‌सेवाओ इङ्‌गाॽग आङ्‌दिङ् लॽमा पान् कत्तुङ्‌लो॥

रोमि 3:19

आल्‍ल साम्‌योथिम्‍मिङ्‌ग साम्‌योथिम्‍मिल्‍ले़ कुयुक्‍को के़वाॽबाहाॽए पिरुसिबान् आनिॽ आनिसुम्‍लो॥ खे़ल्‍ले़चोगुल्‍ले़ के़रे़क् मनाहाॽ लायो मे़न्‍जोःक्‍मनाबा ले़ङ्‌सिङ्‌मा मे़ङ्‌घोने़न्‍नाङ् काक् मे़न्‍छाम् याप्‍मिहाॽ निङ्‌वाॽफुमाङ्‌ङिल्‍ले़ कुदगि खासे़न्‍नो ये़प्‍मा पोङ्‌लो॥

यर्मिया 9:23

यहवे दाङ्‌बे़ल्‍ले़ अक्‍खे पाःत्तुरो, “चाःप्‍पा मनाहाॽ आबाङे सिक्‍कुम्‍निङ्‌वाॽओ आङ्‌दिङ् मे़ल्‍लॽने़न्‍लरो, के़धुम्‍बा मनान् के़धुम्‍बा चोःक्‍का फाॽआङ् यम्‍बा मे़हे़न्‍छिङ्‌ङिन्‍लरो, याङ्‌साकुन्‍धेसाबान् आबाङे कुयाङ्‌साकुन्‍धेओ आङ्‌दिङ् मे़लॽने़न्‍लरो॥

१ कोरन्‍थि 5:6

खिनिॽ आङ्‌दिङ् लॽमाङ्‌ग नुबा पान् मेःन्‍लो॥ खरे़ःङ् के़भङ्‌बा च्‍यॽसिक् सिदाॽइल्‍ले़ के़रे़क् फेॽरुम्‍मिन् युक्‍तुबा कुइसिक् च्‍यॽसिक् ताप्‍फे़ःम्‍बा पाःन्‍निल्‍ले़ के़रे़क् नुबा पाःन्‍हाॽ फे़त्‍लाःन्‍दु के़लॽबा पाःन्‍निन् कुसिङ् मे़न्‍निःत्ते के़वयिॽबि?

रोमि 4:2

से़क्‍खाए अब्राहाम्‍मिङ्‌ग खुने़ॽ चोगुबा नुबा याःम्‍बक्‍लाम् आप्‍तिक् मेःन्‍नेबा चोगे़आङ् वये़ल्‍ले़ग आङ्‌दिङ् लॽमा सुक्‍तुबामे़न्, कर निङ्‌वाॽफुमाङ्‌ङिल्‍ले़ कुनिमाओग मेःन्‍लो,

यसैया 10:15

ओगाप् के़जोःक्‍पा मनामे़ःन्‍ने तःन्‍दिन् थे आबाङे यम्‍बा ले़ङ्‌सिङ्‌बि? इग्र थे सिङ्‌गे़हे़क्‍पा मनाःन्‍नुःल्‍ले़आङ् चे़न्‍दिरिन् यम्‍बा निधाःम्‍सिङ्‌बि? थे हुक्‍के़न् मे़न्‍मुन्‍ने आबाङे ते़ःम्‍भुक्‍किल्‍ले़रक् हिप्‍मा सुक्‍तुबि? थे कुआःत् थिक् सोःत्‍लाङ्‌ङे़न् आबाङे लाङ्‌घेःक्‍मा सुक्‍पि?

निङ्‌वाॽफु साम्‍लोसुम् 49:6

खे़ङ्‌हाॽरे़ मे़गत्तुबा याङ्‌साकुन्‍धेन् के़रे़क्‍नुःल्‍ले़ यम्‍बा मे़लेःत्तुरो, हे़क्‍क्‍याङ् खे़ङ्‌हाॽरे़ मे़गत्तुबा याङ्‌साओ आङ्‌दिङ् मे़लॽरो॥