१ साप्‍मुःन्‍धुम् 3:16 - लिम्‍बु

¹⁶ यहोयाकिमरे़ कुस्‍सा ने़त्‍छिहाॽ— यहोयाकिन नु सिदकियाह वये़सिरो॥

१ साप्‍मुःन्‍धुम् 3:16 Referans Kwoze

मत्ति 1:11

हे़क्‍क्‍याङ् योसियाहरे़ कुस्‍साहाॽ यकोनियास नु कुन्‍साॽसि मे़वये़रो (खे़ङ्‌हाॽग इस्राइलिहाॽ बेबिलोन लाजेॽओ मे़दे़म्‍सु मे़देॽरुसिआङ् मे़गत्तुसिबा ये़म्‍मो सामे़वाःन्‍छिङ्‌ङाङ् मे़वये़रो)॥

२ हाङ् 24:6

यहोयाकिमे़न् खुने़ॽ कुसुधे़बा कुदाक्‍थे़बाहाॽनु सोरिक् तङ्‌सिङ्‌से़ पे, हे़क्‍क्‍याङ् खुने़ॽ कुएगाङ् कुस्‍सा यहोयाकिने़न् हाङ् पोःक्‍खे़रो॥

यर्मिया 22:24

यहवे दाङ्‌बे़ल्‍ले़ पाःत्तुॽ, “आङ्‌गाॽ सदादिङ् वाॽआबा हे़क्‍के यहोयाकिमे़ल्‍ले़ कुस्‍सा यहुदाबा हाङ् यहोयाकिने़न् आङ्‌गाॽ खे़ने़ॽ ले़त्‍ने़॥ आङ्‌गाॽ आजुप्‍साङ् हुक्‍कोबा एःप्‍साप् स्‍वागेःप्‍ने़साङ् लिगक् लःत्‍ने़आङ् लाप्‍फुने़॥

२ हाङ् 24:17

खुने़ॽ यहोयाकिनरे़ कुम्‍भङा मत्‍तन्‍याहन् खुने़ॽ कुले़क्‌वाओ हाङ् चोगु, हे़क्‍क्‍याङ् खुने़ॽ कुमिङ् ले़क्‍खुआङ् सिदकियाह मिङ् वाःत्तुरो॥

२ हाङ् 24:8

आल्‍ल यहोयाकिने़न् हाङ् पोःक्‍खे़ल्‍ले़ खुने़ॽ थिबोङ्‌ङाङ् ये़त्‍छि तङ्‌बे योरे़, हे़क्‍क्‍याङ् खुने़ॽ यरुसले़ःम्‍मो ला सुम्‍सि हाङ्‌युक् चोगु॥ खुने़ॽ कुम्‍मारे़ कुमिङ् नहसस्‍ता वये़॥ खुने़ॽ एल्‍नातानरे़ कुस्‍सा यरुसले़म के़युङ्‌मा वये़॥

यर्मिया 22:28

“थेआङ् यहोयाकिन हाङ्‌ङिन् के़हे़ःप्‍पा नु लाप्‍फुमनाबा कुःन्‍दाःन् हे़क्‍के पोःक्‍खे़बाबे, थे खे़न् आत्तिन्‍हाॽआङ् चाहाब् मे़न्‍जोःक्‍ने़म्‍बि? खे़न् नु कुमुॽइदाङ्‌साहाॽ खुन्‍छिॽ कुसिङ् मे़न्‍निःत्तुम्‍बा लाजेॽओ थेआङ् पुङ्‌लाधाबा मे़जोगुसिआङ् मे़देॽरुसिबाबे?”

२ साप्‍मुःन्‍धुम् 36:9

यहोयाकिने़न् हाङ्‌युक्‍नाओ थोःक्‍सिङ्‌ङे़ल्‍ले़ खुने़ॽ थिबोङ्‌ङाङ् ये़त्‍छि तङ्‌बे योरे़॥ खुने़ॽ यरुसले़ःम्‍मो ला सुम्‍सिआङ् थिबोङ् ये़न् हाङ्‌युक् चोगु॥ यहवे दाङ्‌बे़ल्‍ले़ कुनिमो आत्तिन् पाःन्‍ने़न् ताप्‍फे़ःम्‍बा चोगे़ खुने़ॽ आम्‍भा खे़न् चोगु॥

१ साप्‍मुःन्‍धुम् 3:15

योसियाहरे़ कुस्‍साहाॽ— कुस्‍सा तुम्‍बा योहानान, सरुम्‍बा यहोयाकिम, याङ्‌सुरुम्‍बा सिदकियाह नु फोःक्‌वान् सल्‍लुम वये़॥

२ हाङ् 25:27

यहुदाबा हाङ् यहोयाकिने़न् लाजेॽलाम् मे़लःत्तु मे़देॽरुबा सुम्‍बोङ्‌ङाङ् नुसिगेक्‍पा तङ्‌बेओ एबिल-मरोदके़न् बेबिलोनबा हाङ् पोःक्‍खे़॥ थिबोङ्‌ङाङ् निसिगेक्‍पा ला निबोङ्‌ङाङ् नुसिगेक्‍पा ये़न्‍नो एबिल-मरोदके़ल्‍ले़ यहोयाकिने़न् पुङ्‌लाहिम्‍मोलाम् ले़रु॥

१ साप्‍मुःन्‍धुम् 3:17

बेबिलोनओ मे़दे़म्‍सु मे़देॽरुबा यहोयाकिनरे़ कुमुॽइदाङ्‌साहाॽ— खुने़ॽ कुस्‍सा सालतिएल,

यर्मिया 37:1

यहोयाकिमे़ल्‍ले़ कुस्‍सा यहोयाकिने़ल्‍ले़ कुले़क्‌वाओ योसियाहरे़ कुस्‍सा सिदकियाहःन् यहुदाबा हाङ् पोःक्‍खे़॥ खुने़ॽ बेबिलोनबा हाङ् नबुकदनेसरे़ल्‍ले़ हाङ् चोगु॥

२ साप्‍मुःन्‍धुम् 36:15

यहवे दाङ्‌बे़ल्‍ले़ कुयुक्‍नादे़न्‍निन् नु कुमनाहाॽ लुङ्‌माॽ तुक्‍तुसिबाल्‍ले़ चोगुल्‍ले़ यहवे दाङ्‌बा खे़ङ्‌हाॽरे़ खुन्‍छिॽ पाधे़बाहाॽरे़न् निङ्‌वाॽफुमाङ्‌ङिल्‍ले़ ये़त्‍ले़ङ् ये़त्‍ले़ङ् खुन्‍छिॽओ इङ्‌साबाहाॽ पाङ्‌घु तासुसि॥