पानुदिङ् कुम्बा दाउदरे़ कुसाम्योथिम् कुइसिक् पत्छे़आङ् थिक्याःन्धक् चाहागे़जोःक्पा याःम्बक् कुइसिक् निङ्वाॽफुसाम्बा सुम्हाॽ माङ्से़वा चोःक्मा याःम्बक्ले़ लागि हे़क्क्याङ् ले़बिहाॽ निङ्वाॽफुमाङ्ङिल्ले़ कुनारा फोमा साम्लो साम्मे़प्मा नु निङ्वाॽफुसाम्बाहाॽरे़ खुन्छिॽ याःम्बक्को फाॽमासिरे़ लागि खुने़ॽ युक्तिङ् चोगुसि॥ लाम्धेत् के़गोबाहाॽ खुन्छिॽ सुम्सुम् कुइसिक् के़रे़क् यम्बा लाम्धेःत्तो ये़प्मारे़ लागि खुने़ॽ युक्तिङ् चोगुसि, थेआङ्भे़ल्ले़ निङ्वाॽफुमाङ्ङिल्ले़ कुमना दाउदरे़ चोगुबा कुइङ्जाङ्ङिन् अक्तङ्बाए वये़॥
१ साप्मुःन्धुम् 23:6 - लिम्बु6 दाउदरे़ ले़बिहाॽ खुन्छिॽ हिम्सयङ् कुइसिक् गेर्सोन, कहात नु मरारिन् कुलुप् सुम्सिओ से़न्दुसिरो॥ Gade chapit la |
१ साप्मुःन्धुम् 23:6
18 Referans Kwoze
दाउद हाङ्ङिन्, हाङ्ङिल्ले़ कुधुम्या के़इबा गादे़न् नु माङ्निङ्वाॽपान् के़बाःप्पा नाताने़ल्ले़ निःन्धो मे़जोगु मे़बिरुसिबा थिम् कुइसिक् हिजकियाहःल्ले़ ले़बिहाॽ यहवे दाङ्बे़ल्ले़ कुहिम्मो ताहिप्हाॽ, अन्मेहाॽ नु तुःङ्गेहाॽनु सोसोरिक् खुन्छिॽ याःम्बक्को फत्छुसि॥ कन् थिम्मिङ्ग यहवे दाङ्बे़ल्ले़ कुमाङ्निङ्वाॽपान् के़बाःप्पाहाॽलाम् पिरुसिआङ् वये़॥
खे़न् एगाङ् हिजकियाःल्ले़ निङ्वाॽफुसाम्बाहाॽ नु ले़बिहाॽ खुन्छिॽ याःम्बक् कुइसिक् निङ्वाॽफुसाम्बाहाॽ इग्र ले़बिहाॽ कुलुप् कुलुप् चोगुसिआङ् मिधिङ्मनादेमनाबा वयागे़न् सिदुङ्जभा तोःम्मारे़ लागि, तङ्जुम् सिदुङ्जभा तोःम्मारे़ लागि, माङ्से़वा चोःक्मारे़ लागि, नुगे़न् पिमारे़ लागि नु यहवे दाङ्बे़ल्ले़ कुहिम्मोबा लाम्धेःत्हाॽओ कुनारा फोमारे़ लागि खुन्छिॽ चोःक्मा के़बोङ्बा याःम्बक्हाॽओ खुने़ॽ खे़ङ्हाॽ मुरा मे़त्तुसि॥
खे़ब्याङ् यहोयादाःल्ले़ यहवे दाङ्बे़ल्ले़ कुहिम्मिन् ओमे़प्मा याःम्बक्किन् निङ्वाॽफुसाम्बा ले़बिहाॽ हुक्सुप्तुसि॥ कुहेःक्सिङ्मा ये़म्माङ्धोए से़वासाम्लो साम्मे़त्नु हे़क्क्याङ् सःप्मार सोसोत्लराङ् चोःक्नु मोसाःल्ले़ कुसाम्योथिम्मो निःन्धो के़बोङ्बा कुइसिक् यहवे दाङ्बाओ मिधिङ्मनादेमनाबा वयागे़न् सिदुङ्जभा तोःम्मारे़ लागि हे़क्क्याङ् यहवे दाङ्बे़ल्ले़ कुहिम्मो याःम्बक् चोःक्मारे़ लागि दाउदरे़ ले़बिहाॽ मुरा मे़त्तुसिआङ् वये़॥
Piblisite