१ साप्मुःन्धुम् 19:7 - लिम्बु7 खे़ङ्हाॽरे़ सुम्बोङ्ङाङ् ने़त्छि हे़न्छिङ् अन्लाधा नु अन्लाधा के़लोङ्बाहाॽ, हे़क्क्याङ् माकाबा हाङ्ङिन् नु खुने़ॽ कुमनाहाॽ नाम्याक्को तारुसि, खम्भ्याङ् खे़ङ्हाॽ मे़द्ये़आङ् मेदबा तगाङ् ले़प्माङ् थक्सुबा ने़त्ना साःङ्गाहिम् मे़जोगु॥ अम्मोनिहाॽ खुन्छिॽ आप्फेक् आप्फेक् ये़क्यक्हाॽओलाम् मे़द्ये़आङ् ते़न्धङ्ले़ लागि मे़जुप्से़॥ Gade chapit la |
१ साप्मुःन्धुम् 19:7
12 Referans Kwoze
दिबोन के़युङ्बा के़मनाहाॽ मे़रिङ् थक्मारे़ लागि केःम्बा कोःक्माहाॽओ के़ने़बा खुन्छिॽ माङ्हिम्मो थो मे़बेरो, नेबो नु मेदबा ये़क्यक् के़युङ्बा मनाहाॽरे़ लागि मोआब के़युङ्बाहाॽ उःक्काङ् उःक् मे़हाःप्लो॥ खे़ङ्हाॽरे़ खुन्छिॽ थे़गेःक्हाॽ के़रे़क् मे़नःक्खुआङ् मे़वाॽरो खे़ब्याङ् खुन्छिॽ मुधोॽहाॽ खक्पे़त् लिगोॽ मे़घक्तु मे़देसुआङ् मे़वाॽरो॥
खे़न् लाम्बा दाउदरे़ हे़न्छिङ् थिक् अन्लाधाहाॽ, हे़न्छिङ् नुसि अन्लाधा के़लोङ्बाहाॽ नु निबोङ् हे़न्छिङ् खाम्बाङ्ङो थङ् के़जोःक्पा थक्सुबाहाॽ ते़म्सुसि॥ खुने़ॽ किप् थिक् अन्लाधाहाॽ लोःङ्मारे़ लागि किप् थिक् अन्हाॽरक् ताङ्घुसिआङ् वेॽ के़रे़क् अन्हाॽरे़ खुन्छिॽ लाङ्साॽइ खक्तु पिरुसिआङ् लाङ्सक्पा चोगुसि॥
दाउदे़न्नु मे़जोगुबा याःम्बक्के़न् साॽरिक् याम्गे़सिङ्बा ताप्फे़ःम्बा पोःक्खे़ के़लॽबा अम्मोनिहाॽरे़ कुसिङ् मे़निःत्तु, हे़क्क्याङ् खे़ङ्हाॽरे़ बेथरहोब नु सोबाबा निबोङ् हे़न्छिङ् थक्सुबाहाॽ खुन्छिॽ फाॽसे़ याःल्लिक् मे़दारुसि॥ खे़ङ्हाॽरे़ माकाबा हाङ्लाम् हे़न्छिङ्धिक् हे़क्क्याङ् तोबलाम्बा हे़न्छिङ् थिबोङ्ङाङ् ने़त्छि मनाहाॽ थङ् चोःक्मा के़भाॽबा याःल्लेक् मे़दारुसि॥
पलिस्तिहाॽ इस्राइलिहाॽनु थङ् चोःक्से़ मे़जुप्से़॥ खे़ङ्हाॽनु हे़न्छिङ् सुम्बोङ् अन्लाधा नु अन्लाधा के़लोङ्बा हे़न्छिङ् तुक्सि मे़वये़॥ हे़क्क्याङ् वरःङ्ङिल्ले़ कुयाओबा ये़ःङ्घा कुइसिक् आत्तातान्ने यरिक् निःप्मा सुक्मे़न्दे़त्ते खाम्मो के़धक्पा तिल्लिङ्गाहाॽ मे़वये़॥ खे़ङ्हाॽ बेथहावनबा नाम्गे़त् पिसाङ् मिकमासओ थो मे़बेआङ् मे़युङ्सिङ्॥
खे़ब्याङ् मिस्रिहाॽरे़, फारोल्ले़ के़रे़क् कुअन्, कुअन्लाधा खुने़ॽ कुअन् के़लोङ्बाहाॽ नु कुधक्सुबाहाॽरे़ इस्राइलिहाॽ मे़नाःत्तुसि, हे़क्क्याङ् खे़ङ्हाॽरे़ खुन्छिॽ पि-हहिरोतरे़ कुबेसाङ् बाल सेफोन तगि ले़प्माङ् वरःङ्ङिल्ले़ कुयाओ साःङ्गाहिम् मे़लेःत्तुआङ् याङ्मे़धोःक्ते़बादे़न्नो मे़सिॽरुसि॥
Piblisite