१ साप्मुःन्धुम् 16:10 - लिम्बु10 खुने़ॽ कुसेसे मिङ्ङो खिनिॽ ने़बो फोसे़म्मे़ॽओ, यहवे दाङ्बे़न् के़गोःप्पाहाॽरे़ खुन्छिॽ निङ्वाॽ ताररो॥ Gade chapit la |
१ साप्मुःन्धुम् 16:10
16 Referans Kwoze
“हे़क्क्याङ् खे़ने़ॽ सोलोमन आङ्गाॽ आस्साःल्ले़ग, खे़ने़ॽ के़म्बारे़ कुनिङ्वाॽमाङ्ङिन् आप्फेक् के़निङ्वाॽफुमाङ् इःत्ते़ॽ, हे़क्क्याङ् के़रे़क् के़सिक्कुम् निङ्वाॽ नु के़निङ्वाॽ तामा निङ्वाॽरे़ खुने़ॽ कुमाङ्सेवा चोगे़ॽ॥ थेआङ्भे़ल्ले़ यहवे दाङ्बे़ल्ले़ के़रे़क् सिक्कुम्दिङ् निङ्वाॽहाॽ साॽरुॽ हे़क्क्याङ् मनारे़ के़रे़क् चोःक्मा निङ्वाॽ मे़जोगुबा नु मे़इःत्तुबा चइःत् पाःन्हाॽ निङ्वाॽ खोसुॽ॥ खे़ने़ॽ खुने़ॽ के़गोत्तुने़भग्र खुने़ॽ के़घोसुॽ, कर खुने़ॽ के़ले़रुने़भग्र खुने़ॽ सदादिङ्ले़ लागि खे़ने़ॽ के़नाॽ॥
आल्ल यहवे दाङ्बा खिनिॽ निङ्वाॽफुमाङ्ङिन् खिनिॽ के़रे़क् निङ्वाॽ नु सिक्लुङ्माॽरे़ कोःत्ते़म्मे़ॽ॥ खुने़ॽ कुसेसेदे़न् चोःक्मा हेःक्ते़म्मे़ॽ, हे़क्केलॽरिक् यहवे दाङ्बे़ल्ले़ कुमाङ्हुप् सन्दोक्किन् नु निङ्वाॽफुमाङ्ङिल्ले़ कुसेसे खप्प्या सामाहाॽ खुने़ॽ कुमिङ्ङिल्ले़ लागि के़जोगुम्बा माङ्हिम्मो खिनिॽ फे़प्मा के़सुक्तुम्लरो॥”
कन् माङ्हे़क्किन् मे़जोगुबाल्ले़ चोगुल्ले़ यहुदाबाहाॽ के़रे़क् खुन्छिॽ निङ्वाॽ त्ये़॥ थेआङ्भे़ल्ले़ खे़ङ्हाॽरे़ खुनिॽ के़रे़क् निङ्वाॽ इगेःक्काङ् यहवे दाङ्बे़न् मे़गोःत्तुआङ् वये़॥ खे़ब्याङ् खुने़ॽआङ् खे़ङ्हाॽरे़ मे़घोआर फाॽआङ् आबाङे ओसेःन्धाङ् चोःक्सिङ्॥ कल्ले़चोगुल्ले़ यहवे दाङ्बे़ल्ले़ के़रे़क् पिसाङ्लाम् कम्ब्राङ् मे़त्तुसिआङ् खे़ङ्हाॽ ताप्थेक् याम्धेक् मे़वये़॥
Piblisite