Tarou ta Mak 9:7 - Nyindrou

⁷ Eme ma asi kandrah asahan ma tubuluhi oro, ya sahou ari asahan bolo asi kandrah nane asehek i buku doh, “Idah naduk handru. Jo aseken iy labai, ya ado kanuhun sahou tan.”

Tarou ta Mak 9:7 Referans Kwoze

2 Pita 1:17

Na bolo iri len mara-ei doh ale, tama taha Kindrei badeh, atudun ma suri Laban tataha Jises Krais iu ili loken mara-ei, ma iy atehei lomadan mwasin labai doh i tan, ma iy asahan i randrah labai. Aso badeh, areu aliy anyolom iy. Ma Kindrei badeh, udu bolo kandrah ma lomadan, asehek i buku doh: “Iy ndramak badeh, naduk. Jo aso-ok iy labai. Jo badeh, sekesek tinan labai tan.”

Metiu 3:17

Eme ya aloh ari udu kandrah tiye i buku doh, “Badeh naduk handru, jo aseken iy labai, iy le mesekei jo sekesek handru tan.”

Tarou ta Mak 1:11

Ya, eme aloh ari udu kandrah tiye i buku doh, “Ou badeh, naduk handru, ma ou adek handru. Ou le mesekei jo sekesek labai.”

Rebelesen 1:7

Aha kanuhun! Jo atou iy anya keme badeh, udu bolo asi kandrah, ma iri mwan ma badih mara-ei kameh anyolom iy na mada iri amwenen, ma hawe iri mwan ma badih mara-ei badu Isra-el bwena mene orowei kabede Jises Krais na nyah ma tatahi iy i bada kei tondreh. Iri lau doh kameh anyolom iy ale. Iri lau mwan ma badih mara-ei badu kon munyak kameh abudon solo-an labai ta aliy, ma iri kameh a-um ade iri amwenen, ma aden i ndra-in labai. Ma, iri lakou mara-ei doh kameh asahan. Handru.

Hiburu 2:1

Taha badeh, kanuhun kamwenen labai kili ta sahou handru, taha nane ndranuhun, ma taha samani sahou batanau doh labai.

Tarou ta Jon 20:31

Arile katin ta jo atorou iri sahou dah, ta aha katehei budon taha kili le ta Jises. Iy Mesaya, ndramak nane Kindrei suni iy eme kon munyak, ta akohok lau tan marakon badu kon munyak ame hamon. Iy nadu Kindrei. Buku aha atehei budon taha marakon in tan, aha kameh akohok koha aha in le ta nyaran.

Tarou ta Jon 6:69

Ahi ndratehei budon tahi marakon ndrawek tam, ma ahi ndratanan, ou badeh, Nadu Kindrei ndrabun ari le.”

Tarou ta Jon 1:34

Eme Jon asehek, “Handru, jo ndranyolom, ma jo ndrasehek taha. Iy kede-eh Nadu Kindrei handru.”

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

La-ukei ta Pol atorou ili tiri lau badu kon Rom 1:4

Na len Kindrei mete-ei iy amak eme loken ja, Malawin Mwasin ta Kindrei leheya taha buku, Kindrei atehei nyosowan i la-un, ma hawe boto-on i tan ta atondrok lakou tan mari. Iy badeh, Laban Jises Krais.

Aposel 8:36

Eme uru sakaliye ado san ala badeh, asahan ta gwa rayah, eme ndramak tinan badu Itiyopiya dah anya, “Ou anyolom se, gwa asah idah. I buku sah handru, balomwani jo bwai?”

Aposel 7:37

Iy Moses le doh mene adeh tiye i tiri lau badu Isra-el anya, ‘Kindrei kameh suni propet ari ewek taha i le buku jo badu bolo ado amwenen.’ Dutoronomi 18:15

Aposel 1:9

Eme iy asehek sahou doh i toro ano le badeh, Kindrei kuhi iy udu mada oro iu i loken, ma asi jor turuki iy amai ta mada oro.

Tarou ta Jon 19:7

Iri Juwis somolei sahou ta Pailat ja anya, “Ahi badeh, kandriyen tahi malen udu aliy, asehek ta adi ndramak imek, tasah iy le anya, iy Nadu Kindrei.”

Tarou ta Jon 9:35

Jises ndranuhun iy ndramak nane iy bwidi madan ndrasak, iri tikahei iy iu ta bolo asiu ta atukum tiri Juwis. Iy ndruni iy, ma iy eme ndremenya iy, “Budon tam kede-eh handru in ta Nadu Ndramak Awas deh?”

Tarou ta Jon 5:37

Tama le amwenen atehei jo eme. Iy ndratiye taha ta nyala tekedek tek. Aha banuhun se bohon ma aha batou se badan bwe.

Tarou ta Jon 5:18

Idoh le badeh, bwidi iri Juwis abadok ta adai iy. Iri anya, “Ma bwena handru iy ba-en hamon ta len ta amunyau bwe, ano ja, iy anya, taman handru badeh, Kindrei. Iy amekes iy ja i buku le Kindrei.”

Tarou ta Jon 1:49

Ano Nataniyel asehek sahou i tan ja, “Ndramak ta Leheya, ou kede-eh Nadu Kindrei, ma ou kabin badu Isra-el.”

Metiu 27:54

Iri lau ta bahun ma tinan tiri nane atondrok Jises nane atou kon totoreh ma iri lakou mari nane asahan, oro anoh labai ma oro anya, “Handru labai, iy kede-eh Nadu Kindrei handru!”

Metiu 27:43

Iy atehei budon tan in ta Kindrei, ma iy anya, iy badeh, Nadu Kindrei. Mwasin, aso anya katou iy kasebenei iy amwenen na dah

Tarou ta Mak 9:6

Pita asehek sahou doh, tasah iy hawe uru nane anoh, eme iy bala tanan sahou nane iy asehek bwe.

Tarou ta Mak 9:8

Eme suwi labai oro anyolom ili, ma oro batou ari lau hawe oro bwe, arile Jises le ari.

Tarou ta Luk 3:22

Malawin Ndrabun atah i buku ban eme andri eme bwele-en. Ya eme aloh ari udu kandrah tiye i buku doh, “Ou badeh, naduk handru, ma ou adek handru; ou le mesekei jo sekesek labai.”

Tarou ta Jon 12:28

Tama, ou bwidi nyara lomadam kili tinan.” Jises asehek sahou ano le badeh, boho ndramak ari asehek sahou udu bolo kandrah eme andri i buku doh, “Jo ndrabwidi nyara lomadak ndra tinan ndrano. Idah kameh jo kamekes ja.”