Tarou ta Mak 9:12 - Nyindrou

¹² Eme iy tiye i toro anya, “Sahou badeh, handru. Alaija eme bwena handru ta lowosa iri lakou mari. Ya i buku sah handru ja sahou mene torowenei anya idah kameh Nadu Ndramak Awas kameh akohok sisi-in solo-an ma iri kameh bwale iri iy?

Tarou ta Mak 9:12 Referans Kwoze

Tarou ta Luk 23:11

Ano Herot hawe oro lau ta bahun tan bobose iy, ma atehei kolau moroyan i la-un, ma suni iy i hamon hawe Pailat ja.

Tarou ta Luk 1:76

Ya idah kameh ou naduk kameh, aloh ou propet ta Kindrei, udu loken labai; Ma ou kameh au ala bwena atehe san ta Laban,

Tarou ta Luk 23:39

Eme ndramak ndra-in ari udu ta kei tondreh mirihik tan nane asehek sahou ndra-in i ta Jises anya, “Ou kede-eh Krais, bwe nadeh? Ou sebenei ou, ma hawe aru ah!”

Metiu 26:24

Nadu Ndramak Awas kameh imek i buku le tarou mene ndratorowenei ta nyalan. Arile sisi-in laba tinan kameh i bwele-e ndramak iy ale atehei Nadu Ndramak Awas ili mine iri lau ndra-in, sebwe mwasin tinen mene satuwi iy, ndri-iy!”

Metiu 16:21

Kala doh Jises leheya oro lau tan anya iy ki-iu kili Jerusalem. Ya iy kameh akohok sisi-in solo-an labai ereu mine iri lau tinan areu bwena, ma hawe iri lau tinan tiri pris, hawe iri lau tanan ta sahou batanau. Ya iri kameh adai iy imek, ya len taloh ano iy kameh amak ja.

Tarou ta Mak 9:13

Arile jo asehek tado i buku doh, Alaija ndrame, arile iri an hamon ta budon tiri amwenen, ya iri amekes iri kandriyen mari i badan, i buku none ndratorowenei sihiden.”

Tarou ta Mak 9:31

Tasah iy anya kaleheya oro lau tan, “Iri kameh atehei Nadu Ndramak Awas ili mine iri lau. Ya iri lau kameh adai iy imek. Ano len ma taloh ja kameh iy amak ja.”

Tarou ta Mak 10:33

Eme iy tiye nyala oro i buku doh, “Ado kanuhun, na dah to ala loke ala Jerusalem, ma iri kameh atehei Nadu Ndramak Awas ili mine iri tinan tiri pris ma hawe iri lau ta leheya kandriyen tiri Juwis. Ya iri kameh atehei iy ili ta mada sahou, ma iri kameh atilik sahou i se ta kadai iy kimek, ma iri kameh adeu iy i mine iri lau badu leheleh.

Aposel 1:6

Eme na len oro atukum badeh, oro ndremenya iy anya, “Laban ei, na len dah kameh, ou atudun tondrok ta Isra-el ja ai?”

Aposel 4:11

Iy badeh, Jises i buku ‘bek, ado lau ta atah asiu bwale ado, na dah, iy ndrasahan kati ndru ta ka-u asiu bek.’ Wari 118:22