Tarou ta Mak 8:12 - Nyindrou

¹² Eme ya budon tan ihis in bolo ndrinen o-on, eme iy anya, “Ki buku sah handru iri lau mwan ma badih ta len dah anya katou kalem? Jo tiye tado handru en! Idah kameh kalem handru winiyan basahan tiri lau na len dah bwai.”

Tarou ta Mak 8:12 Referans Kwoze

Tarou ta Mak 7:34

Eme Jises anyolom i kandrah ma ndrinen eden labai, eme iy tiye i ta ndramak nane dah, “Epata,” moson ta aliy i buku doh, “Ou asak!”

Metiu 16:4

Iri lau mwan ma badih ta len dah badeh, lau ndra-in handru, ma iri batehei ndrine iri handru bala ta Kindrei bwe. Iri ndremenya ta anya katou kalem, arile winiyan bwai. Kalem ari le kameh iri atou, kalem ta Jona.” Eme ma Jises ruwani iri ma iy iu.

Tarou ta Luk 19:41

Eme iy edek eme mirihik ta kon tinan Jerusalem, ma iy anyolom badeh, iy eden ndranye Jerusalem.

Tarou ta Mak 9:19

Eme Jises tiye i toro, “Ado lau mwan ma badih batehei budon tado handru bame tek bwe. Len sabe kameh jo kereu hawe ado, ano ado barala tanan boto-on ta Kindrei? Ado katiyani nah badeh, keme hawek.”

Tarou ta Mak 6:6

Eme Jises manin atur, tasah iri batehei budon tiri handru ba-en tan bwe. Eme ma Jises iu ili kon ari ari ta leheya iri lau.

Tarou ta Mak 3:5

Eme Jises anyolom ili eme i tiri, eme iy ibolosen, arile bwai, ndrinen ale tikisi iri, tasah iri badeh, ndrandra-i ma ndrine iri ndraso. Ano, iy tiye i ta ndramak nane dah anya, “Minem kales!” Eme iy talasei minen ma minen amwenen ja.

Metiu 12:38

Jises asehek sahou ano, eme oro lau ra-on ta leheya kandriyen tiri Juwis hawe oro Parasi ra-on asehek sahou i ta Jises i buku doh, “Ndramak ta leheya, aso aso-ok ou amekes ari kalem ta leheya eme taso, buku ou amekes gok ta Kindrei handru.”

Tarou ta Mak 8:13

Eme Jises ruwani iri Parasi areu, ma iy i ndron ma iu i len ili kapa gwa li bilisiu.