Tarou ta Mak 7:21 - Nyindrou

²¹ Lakou ala udu bolo budon ta ndramak eme len, ma lolowa ndramak amekes lomondra ndra-in. Lakou buku none, kandriyen mari ta karei, kandriyen ta bahana, kandriyen ta adai ndramak imek, ma kandriyen ta amekes tasou andra-i.

Tarou ta Mak 7:21 Referans Kwoze

Metiu 15:19

Iri lakou mari ale asahan ta budon ta ndramak badeh, lolowa ndramak amekes lomondra ndra-in. Lakou buku none, budon ndra-in, kandriyen ta adai ndramak imek, ya iri kandriyen mari ta karei, ma kandriyen ta amekes tasou andra-i, kandriyen ta bahana, kandriyen ta amekes sahou wasai ereu mada iri lau ta anuhun sahou, ma kandriyen ta amekes sahou ndra-in i bada ndramak ari ja.

Aposel 8:22

Ou tubuni ndrinem ta kandriyen ndra-in badeh, ya ou amekes salom ki ta Laban. Sebwe iy winiyan mani budon ndra-in marakon udu ndrinem badeh ano iu.

Metiu 9:4

Arile, Jises tanan budon toro ma iy anya, “Tasah handru ado abudon ndra-in i buku badeh in bolo ndrine ado?

Jemis 2:4

Buku aha amekes kandriyen i buku doh ta bokoro-ei i ndramak nane tan ari lakou bwe, badeh, aha ndrabwidi kandriyen ndra-in kabwe. Idoh i buku aha ndralebelei iri lau ta Kindrei rayah na budon ndra-in taha. Aha badeh, babudon anya iri ale buku aha, ma aha amekes kandriyen mwasin i buku doh i tiri, bwe. Aha le amwenen badeh, aleben aha ta anuhun sahou tiri, ma idoh badeh, bamwenen bwe.

Tarou ta Luk 16:15

Eme Jises tiye i toro anya, “Ado le baden adeh, anya, ado mwasin ta mada lau adeh, arile bwe, Kindrei badeh, tanan ndrine ado. Tasah, sasah lau atou ta mada iri, anya idoh aliy le ai; arile bwe! Ta mada Kindrei anyolom badeh, lakou ndra-in laleyah.”

La-ukei ta Pol atorou ili tiri lau badu kon Rom 7:8

Arile, kandriyen ta karei ma lomondra ndra-in silahei san ta bokoro-ei jo. Ya iri kandriyen doh i madasan ta batanau malen ma mesekei budon tek towodau ta amekes madak alikis lakou ari, ya lakou ari doh. Tasah, buku none batanau malen mene basehek tek bwe, idah nane karei ma lomondra ndra-in winiyan batowodau boto-on bwe.

Aposel 5:4

Ou tanam ou basihinei bala ta luk bwe le badeh, idoh tam. Ano ou andrei luk ta aliy i tam le ai. Saba lakou mesekei ou, ya ou amekes kandriyen doh? Ou badeh, bawasai lau bwe, arile ou badeh, wasai Kindrei.”

Jenesis 8:21

Eme mahu bubure salom dah mwesekei Laban sekesek handru eme ma iy tiye udu ndrinen i buku doh, “Jo kameh winiya badeu maha bame ta munyak ja bwe ai, tasah tiri lau amwekes lakou; jo tanan na len iy ma loweu le badeh budon tan ma ndra-in le. Eme ya jo kameh winiyan badai iri lau mari ja bwe ai, i buku jo mene amwekes dah ja bwe ai.”

Jenesis 6:5

Eme ya len Kindrei anyolom iri lau mari are bolo munyak badeh kandriyen tiri badeh ndrandra-i labai, ma budon tiri badeh ndra karei ma lomondra ndra-in na len mari.

La-ukei ta Pol atorou ili tiri lau badu kon Rom 7:5

Tasah, bwena mene, kandriyen ta karei ma lomondra ndra-in badu bolo taha badeh, ndratondrokei taha. Ma batanau malen mesekei kandriyen ta karei ma lomondra ndra-in doh towodau udu bolo oda taha eme loke; eme ya ta katin doh taha mene adek san ta tiyani taha ala bolo imek.

Taitus 3:3

Na len ndra-au bwena mene, taha ale i buku aliy. Taha badeh, bale taha bwe. Taha banuhun sahou bwe, ma taha atehei budon tataha i ta sahou wasai. Bolo manyah tataha badeh, ta amekes bada taha sekesek ta kandriyen ndra-in le. Eme taha mene amekes kandriyen ndra-in na len mari. Ma taha ale badeh, mada taha alikis ta lakou tiri lau, ya taha aseken. Ma idoh amekes budon tiri lau badeh, andra-i eme tataha, ma hawe amekes budon tataha andra-i i ta ndramak ari ari.

Tarou ta Mak 7:20

Eme Jises asehek ili le, “Saba lakou ala udu bolo boho ndramak eme len, lakou don adeh, mesekei ndramak andra-i.

Tarou ta Mak 7:22

Ya i buku none kandriyen ta madalakis ta lakou ta ndramak, ya kandriyen ta ramwes, kandriyen ta wendreya l au, kandriyen ta aten lau, kandriyen ta atudun nyaram, ma hawe kandriyen ta nyaladan.

Kolosi 3:5

Aha badeh, ndramak hawe Krais. Eme ma, aha winiyan ba-en hamon ta kandriyen ndra-in ja bwe. Aha badeh, kadai iri kandriyen mari badu kon munyak udu ndrine aha ki-iu. Jo asehek ta kandriyen buku: Kandriyen ta karei, ma kandriyen ta amadin hawe badih o mwan tasou, ma kandriyen ta kereyani ndrine ndramak ta amekes karei, ma kandriyen ta ndrakok. Idoh i buku aha atehei bwili ndru-u aha i andri ili ta kindrei, iri amekes na sukumada kei. Tasah, lakou badu kon munyak badeh, akohok kon ta Kindrei udu bolo koha aha ja.