Tarou ta Mak 4:11 - Nyindrou

¹¹ Eme iy tiye i toro, “Kindrei aseken ado lau tek katanan iri sahou mene aton ta nyala tondrok ta Kindrei. Arile iri rayah bare hawe to dah bwe, jo asehek i san ta sahou sokek,

Tarou ta Mak 4:11 Referans Kwoze

Metiu 11:25

Kala doh Jises tiye buku doh, “Tama, ou Laban badu munyak ma kandrah. Jo masiye ou! Tasah, ou tone lakou dah, ta mada iri lau ta tanan, ma hawe iri lau anya iri tanan labai, ya ou leheyani i tiri nah, tana iri lakou bwe.

Tarou ta Luk 8:10

Eme iy anya, “Kindrei aseken ado lau tek katanan iri sahou mene aton ta nyala tondrok ta Kindrei. Arile, i tiri lau buku liliy badeh, jo asehek i san ta sahou sokek. Eme ya, ‘Iri kameh anyolom anyolom ja, arile iri winiyan baseleyani bwe; ya iri anuhun amwenen, arile batu iri winiyan baleu ta aliy bwe.’ ” Aisaya 6:9

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

1 Tesalonaika 4:12

Buku aha amekes i buku aliy, idah kameh iri lau tana iri Kindrei bwe, iri anyolom kandriyen doh, aha a-en hamon ta aliy, ma iri kameh atudun nyara aha, ma aha kameh barah ta ari lakou bwe.

Kolosi 4:5

Buku aha are hawe iri mwan ma badih nane, ba-en hamon ta Kindrei bwe, aha badeh, ka-en hamon le ta budon mwasin, ma kamekes iri kandriyen amwenen le. Len mara-ei aha kalokou aha le ta amekes kandriyen ari le, Krais ndramekes ndrala tiri mwan ma badih, kabatana iy mene udu kon munyak, kora-on len mwasin ta asehek sahou mwasin kamai laleyah.

1 Timoti 3:7

Nyaran badeh, ki mwasin ta ndranye lau mari. Ya, ki buku none bwe, badeh kameh iy akohok bwilima ma balik kameh sawei iy.

Epesus 1:9

Kindrei bwetenei ndra bwena ta lakou iy anya kamekes ta gok ta Krais. Iy in hamon ta budon tan amwenen, ma iy leheya taha ta lakou tan doh, bwena mene aton mara-ei.

2 Korin 4:6

Ehe, ahi atiye sahou ta Jises. Tasah, bwena mene Kindrei bwidi munyak dah anya, “Sun kanya bolo lulik.” Jenesis 1:3 Kindrei amwenen doh irek labai ta sun, ma iy akohok ahi ame hamon ja. Jises Krais, iy le sun doh udu ndrine ahi. Eme ma sun doh aseben ahi leheya iri mwan ma badih, Kindrei i buku sah handru.

Metiu 16:17

Eme Jises asumon sahou tan i buku doh, “Saimon, ou nadu Jon, ou winiyan sekesek. Tasah, ari ndramak badu kon munyak baleheya ou ta sahou dah bwe. Idoh tama le udu kandrah, iy leheyani sahou dah ewek tam.

Metiu 13:16

Arile ado kasekesek le ka-en. Tasah, mada ado anyolom iri lakou, ma ndranye ado aleu ale ta anuhun sahou tek.

1 Korin 4:7

I buku sah handru? Are lau handru atehei aha asahan kabin? Iri lakou marakon ere taha kede-eh, Kindrei le ari edeu. Neh? I buku Kindrei edeu lakou mwasin labai ewek taha laleyah, ya buku sah ja, aha atudun nyara aha amwenen, anya, aha le amekes iri lakou nane doh?

Tarou ta Mak 3:23

Ya eme Jises aloh iri lau ame hawen ma iy asehek sahou sokek ra-on, “Ki buku sah handru tama iri balik Satan katikah Satan?

Tarou ta Mak 4:2

Eme iy asehek sahou solo-an i tiri na sahou sokek, eme udu bolo leheya tan, iy tiye i tiri i buku doh,

Tarou ta Mak 4:10

Eme ma lau solo-an aseker, ano Jises le ari, ma hawe lau ra-on badu bolo oro nane ma hawe oro lau tan anuhun, ma oro ndremenya Jises ta saba moson handru ta sahou sokek nane ndra-au.