Tarou ta Mak 3:11 - Nyindrou

¹¹ Ya eme loboho heh, loboho heh, Jises ili badeh, iri lau malawin ndra-in udu bwele-e iri atou iy le badeh, iri atarah a andri ma aloh, “Ou badeh, Nadu Kindrei!”

Tarou ta Mak 3:11 Referans Kwoze

Tarou ta Luk 4:41

Ma hawe iri malawin ndra-in solo-an ado la-u iri lau anyar ame len, tiye i buku doh, “Ou badeh, Nadu Kindrei.” Arile, iy tiye iri kandru-uk le, tasah iri ndratanan, iy badeh, Krais.

Tarou ta Luk 8:28

Eme iy atou Jises le badeh, iy anyar ma aluh i andri udu mada Jises ma iy aloh i tinan i tan anya, “Jises, Nadu Kindrei badu loken, ou anya amekes sasah keme tek? Ndri-iy, ou samekes sisi-in same badak!”

Jemis 2:19

Buku none ou badeh, atehei budon tam anya, Kindrei badeh, ari le. Mwasin. Arile, badeh, lakou laleyah. Tasah, iri malawin ndra-in abudon buku aliy ale, ya iri anoh ma totoreh, tasah Kindrei kameh atehei iri ala ta mada sahou, ma iri kameh ala bolo jih. Ya budon tiri le nane winiyan bamesekei iri asahan mwasin ta mada Kindrei bwe.

Metiu 8:29

Eme ya uru ndremenya Jises ma uru arah i buku doh, “Ou Nadu Kindrei, ou anya amekes sasah keme taru? Ou ame dah ta adeu sisi-in eme taru, bwena ta len amwenen ta aliy?”

Metiu 4:3

Ya balik eme asahan hawen, ma iy tiye i buku doh, “I buku none ou anya ou Nadu Kindrei, ou asehek sahou kili toro bek dah kasahan jabi ramen.”

Aposel 16:17

Iy doh badeh, edek in hamon ta Pol hawe aso marakon, ma iy aloh anya, “Oro lau dah ala tiye sahou ta koha ado kameh udu le buku doh, badeh, oro lohowan ta Kindrei ere bwele-e kindrei mari badu loken.”

Metiu 8:31

Eme ya malawin ndra-in tiye sahou tikisiy i ta Jises anya, “I buku ou tikahei aso ame len, ya ou suni aso kala bwele-e bou.”

Metiu 4:6

Ano balik tiye i tan i buku doh, “Ou anya ou Nadu Kindrei handru eh, ou akahei ou ado dah ala andri. Tasah i buku ndratorowenei, ‘Kindrei kameh edeu sahou batanau ili tiri angelo tan ame ta aseben ou. Ma idah kameh, iri bwese-ei ou, ma bek winiyan batahi katim bwe.’ ” Wari 91:11-12

Metiu 14:33

Eme ma oro lau areu bolo ndron nane asolom i ta Jises ma oro anya, “Handru labai, ou Nadu Kindrei handru.”

Tarou ta Mak 1:1

Idah sahou mwasin ma mwena asahan ta nyala Jises Krais, Nadu Kindrei.

1 Korin 11:34

Buku iy ari imeson labai, iy badeh, kaimon nyamon kudu ndra asiu tan mwena. Aha kamekes kili buku doh, kora-on tukum taha kabwidi aha kales kare ta mada sahou ta Laban. Jo kameh ewek barasehek taha ta iri lakou rayah mene aha ndremenya jo ta aliy.