Tarou ta Mak 2:21 - Nyindrou

²¹ “Ado kanuhun. Ari ndramak winiyan bakuhi ranah kolau ha-un, ya suwidiy ja i manamunu awin malen bwe. Buku iri bwidiy i buku doh, ya iri sikine awin, kolau ha-un nane kameh bosokou, ma awin malen kameh atarah ja, eme ma munun kameh i tinan labai ja ai.

Tarou ta Mak 2:21 Referans Kwoze

Metiu 9:16

“Ado kanuhun. Ari ndramak winiyan bakuhi ranah kolau ha-un, ya suwidiy ja i manamunu awin malen bwe. Buku iri bwidiy i buku doh, ya iri sikine awin, kolau ha-un nane kameh bosokou, ma awin malen kameh atarah ja, eme ma, munun kameh i tinan labai ja.

1 Korin 10:13

Buku iri none asahan taha, aha winiya atanan, idoh mene ndrasahan tiri mwan ma badih rayah. Arile, Kindrei badeh, in hamon tiri batanau tan, ma iy winiya balelei ari none ta atisih boto-on taha bwe-en. Buku iri none asahan taha, Kindrei kameh amekes san ta aseben aha. San i buku doh: Iy kameh atadau aha abadok, ma aha winiya ales boto-on ta tawiya none doh.

Tarou ta Mak 2:20

Arile, len hamon eme kameh, ndramak doh kameh, iri lau ta amekes kaliu i tan kuhi iy eme len. Ma na bolo len doh ale kameh oro winiyan baimon nyamon bwe.

Tarou ta Mak 2:22

Ari ndramak winiyan basukuni waen ha-un bala bolo ku-i me malen bwe. Buku none iy amekes i buku doh, waen kameh tuburok, ma kohan kameh tarani ku-i me nane, ma waen kameh iu laleyah. Tasah waen ha-un badeh, ndrahunen ku-i me ha-un.”

Tarou ta Luk 5:36

Ano Jises tiye sahou sokek ari ja i toro i buku doh, “Ari ndramak winiyan batarani kolau ha-un, ya iy winiyan baserehei bala ta ndrabwak, udu ta kolau malen bwe. Ya i buku none iy kaserehei kolau ha-un ki aliy kameh tarani andra-i labai. Ma kolau malen kameh ndrabwak i tinan le gwek, ma winiya kolau ha-un bala winiyan ja bwe.