Tarou ta Mak 16:1 - Nyindrou

¹ Eme ya len ta amunyau ndrano ai, eme Mariya badu Makdala hawe Salome hawe Mariya tine Jemis badeh, sihinei suluw. Eme oro anya kala kanyas ki bada Jises.

Tarou ta Mak 16:1 Referans Kwoze

Tarou ta Luk 23:56

Ano oro au ala kon anyas ndrelekei hawe suluw ta amekes ki badan. Arile, oro amunyau na len ta amunyau in hamon ta batanau ndratiye.

Tarou ta Mak 15:40

Ma ale iri badih rayah ale areu len anyolom. Ya udu bolo iri badih nane doh badeh, Mariya badu Makdala ma hawe Salome ma hawe Mariya tine i loweu Jemis ma Joses.

Tarou ta Jon 19:31

Len doh badeh, ta alokou len ndrabun ta amunyau tiri Juwis. Len tiri nane doh kameh ndrabun labai. Eme ma iri Juwis bwale iri ta ndramak sukik udu bada kei tondreh na bolo len doh. Eme iri ndremenya Pailat ta atubwa kati oro lau nane are bada kei tondreh, ta oro kamak suwi, ma iri lau ta bahun kandrei oro are bada kei tondreh kame andri.

Tarou ta Jon 19:25

Ales are mirihik ta kei tondreh ta Jises badeh, tinen, nadu tine tinen, Mariya udu Klopas, ma hawe Mariya badu Makdala.

Tarou ta Mak 16:8

Eme ma oro ado bolo lek ame manan, ma sakaliye au a kon. Ma mani oro atur ma oro totoreh, eme ma oro basehek nyala ari lau bwe, tasah, oro anoh. [

Tarou ta Mak 15:47

Eme ya Mariya badu Makdala hawe Mariya tine Joses badeh anyolom ndrahune Jises nane nyahani iy in aliy ale.

Tarou ta Mak 14:8

Lakou iy badih dah anya kamekes badeh, asah iy ndramesekei dah. Iy asolou suluw badeh, i badak udu bwena dah, ta lowosa jo ta ki lek.

Tarou ta Mak 14:3

Ya eme Jises udu Betani udu asiu ta Saimon ale lepra mene udu tan. Ya iy manyah udu bada sau aimon nyamon. Eme ya badih ari eme hawen ma bwisi ndrau suluw tan amekes na kandro kei aloh nat. Ya sowan badeh, laba tinan labai. Eme iy tubwani bale bwisi ndrau suluw iu, ano iy asolou i batu Jises.

Tarou ta Luk 23:54

Idoh badeh, asahan na len ta alokou len ta amunyau, anya kasahan ai.

Tarou ta Mak 15:42

Eme kon a beyeh ai, len ta lowosa len ta amunyau ai.

Jenesis 50:2

Ano badeh Josep tiye i tiri lau ta komba ta atondrok taman.

Tarou ta Mak 16:2

Eme ma ndra wahun ta len ma bwena ta wik ari ja, ma ndraben handru oro au a mada lek, an barame loken ai.

Tarou ta Luk 24:1

Len ta amunyau ano, ya ma ndra wahun ta len ma bwena ta wik ari ja, oro badih mene andrei ndrelekei hawe suluw, oro mene amekes badeh, oro ala mada lek.