Tarou ta Mak 13:11 - Nyindrou

¹¹ Ya, i buku none iri atehei aha ka ta sahou, aha sabwerei ta saba sahou kameh aha kasehek. Arile, i buku none len ta aliy asahan, aha kameh asehek sahou Kindrei edeu ewek taha, tasah sahou aha asehek kameh sahou taha bwe, sahou ta Malawin Ndrabun labai.

Tarou ta Mak 13:11 Referans Kwoze

Aposel 6:10

Arile, Malawin Ndrabun badeh, edeu budon mwasin i ta Stiben asehek sahou, ya oro winiyan basehek sahou bala tan bwe.

1 Pita 1:12

Arile, Kindrei leheyani iri propet, ta sahou oro asehek na boho oro, idoh winiyan basahan na len iri ado kon munyak dah, ma lakou nane doh kameh aseben iri bwe. Iy tiye toro ta saba lakou kameh asahan na bolo len hamon tiri mwan ma badih basahan kon munyak bwe le. Iri propet badeh, asehek sahou ta nyala iri lakou kameh asahan nadah, aha ndranuhun sahou mwasin badu boho iri lau mene ndrame ndrasehek taha ta aliy. Malawin Ndrabun ta Kindrei badeh, udu kandrah eme andri kon munyak, ma i la-u iri lau tan, ma iri ame atiye sahou mwasin doh kewek taha. Iri angelo badu kandrah ale, aso-ok labai ta akohok tanan ta kati sahou mwasin ta Krais.

1 Korin 2:13

Iri sahou marakon ahi asehek badeh, ta Malawin Ndrabun ta Kindrei leheya eme tahi. Ari ndramak baleheya ahi ta tanan dah bwe. Malawin Ndrabun le nane doh aseben ahi ta leheya iri lakou mwasin ili tiri lau nane, Malawin Ndrabun udu hawe iri.

Jemis 1:5

Buku none rayah lau areu rewa ado, aso ta budon mwasin, oro badeh, kasolom ki ta Kindrei, ya Kindrei winiyan sebenei oro. Tasah, Kindrei ale edeu lakou solo-an eme tataha lau, hawe iy winiyan edeu budon mwasin ewek taha, ya iy winiyan babolosen bala tare lau nane ndremenya iy ta budon mwasin bwe.

Epesus 3:5

Bolo len marakon bwena badeh, Kindrei batiye baleu bame lewan ta sahou mene aton doh bwe. Arile, idah na Malawin Ndrabun, Kindrei asehek sahou dah aleu eme tahi aposel hawe iri propet tan.

Aposel 4:31

Oro asolom ano, kon nane oro atukum are aliy dah, totoreh. Ma eme oro mari badeh, adah na boto-on ta Malawin Ndrabun ma oro abadok ta asehek sahou ta Kindrei.

Aposel 2:4

Eme Malawin Ndrabun anyuhi ndrine oro, ma mesekei oro badeh, asehek boho kon randra doh, randra doh.

Aposel 3:13

Kindrei ta Abraham uru Aisik hawe Jekop, ma ta tama taha badeh, bwidi lomadan i ta lohowan tan Jises asahan. Aha mene atehei iy ili mine iri lau adai iy. Pailat anya karuwani iy, arile aha badeh, bwale aha, ma aha baseken iy udu mada Pailat bwe.

Tarou ta Jon 3:27

Jon anuhun, eme iy asehek i toro, “Ndramak winiyan ateu lahou, buku Kindrei badu kandrah amwenen edeu.

Tarou ta Mak 13:9

“Arile, bale aha ki-in taha, tasah iri kameh ateu ado ma adeu aha a mine iri kansol ma atehei aha a ta sahou. Ya iri kameh ubwi aha an bolo asiu ta atukum tiri Juwis, ma aha kameh ales are mada iri lau ta atondrok ma hawe iri kabin. Iri amekes doh ta ado katiye sahou tek mwasin ki tiri ya iri marakon kanuhun ma katanan.

Metiu 10:17

“Arile, mada ado kaleu! Ado kanyolom iri lau kamwenen. Iri kameh atehei ado ala mada iri kansol ta anuhun sahou, ya iri kameh a-um aha na bala oseu an bolo asiu tiri ta atukum, tasah ado an hamon ta sahou tek.

Aposel 7:55

Arile Stiben badeh, idih handru na Malawin Ndrabun, ya eme iy suri madan ili bolo kandrah, ma iy anyolom lomadan ta Kindrei, ma anyolom Jises ales udu loboho lim salin ta Kindrei.

Aposel 6:15

Eme oro manyah ado bolo oro kansol anyolom Stiben boto-on ma anyolom bwili Stiben anya i buku ari angelo.

Tarou ta Mak 13:12

Ya na len doh kameh ndramak atehei nadu tinen amwenen ili ta mada sahou, ya iy kameh edeu sa-oh tan. Ya tama iri ra-on ale kameh amekes buku aliy ili ta nadu iri. Ma iri nah ra-on kameh asahan lau ta bahun ili ta tama ma tine iri, ma iri kameh atehei iri ala mada iri lau tinan ta kadai iri kamak.

Tarou ta Luk 21:12

“Arile, lakou mari doh kahis le kameh iri ateu ado. Ma iri kameh adai ado, ano seheyani ado ala asiu ta atukum tiri Juwis ales are mada sahou. Ano ja kameh iri seheyani ado ala hawe iri kabin hawe iri lau ta atondrok. Iri amekes doh tasah, idoh len ta ado katiye sahou tek mwasin ki tiri.