Tarou ta Mak 12:6 - Nyindrou

⁶ Ano, ari le badu bolo oro erah ya idoh nadun amwenen, ya iy badeh, aseken iy labai. Eme tama bilin nane abudon buku doh, ‘Sebwe oro kameh anuhun boho naduk.’

Tarou ta Mak 12:6 Referans Kwoze

Tarou ta Jon 1:34

Eme Jon asehek, “Handru, jo ndranyolom, ma jo ndrasehek taha. Iy kede-eh Nadu Kindrei handru.”

Metiu 3:17

Eme ya aloh ari udu kandrah tiye i buku doh, “Badeh naduk handru, jo aseken iy labai, iy le mesekei jo sekesek handru tan.”

1 Jon 4:9

Kindrei badeh, nadun ari le, ya iy atehei iy eme kon munyak, ta aseben taha ta akohok kohan mwasin handru. Ta kandriyen doh, Kindrei leheya taha, buku none iy aso-ok taha handru.

Hiburu 1:6

Na len Kindrei anya katiye nadun ari le keme andri kon munyak, iy eme asehek: “Iri angelo ta Kindrei katehei bwili ndru-u iri ki andri kili tan.” Dutoronomi 32:43

Tarou ta Jon 5:23

Kindrei amekes i buku doh ta iri lau marakon kamasiye nadun, i buku le iri lau marakon masiye taman. Are lau bamasiye nadun bwe, iy ale bamasiye taman bwe le. Tasah, tama suni nadun ta eme.

Tarou ta Jon 3:35

Taman badeh, aso-ok nadun tinan labai, ma iy eme atehei lakou marakon ili minen.

Tarou ta Jon 1:49

Ano Nataniyel asehek sahou i tan ja, “Ndramak ta Leheya, ou kede-eh Nadu Kindrei, ma ou kabin badu Isra-el.”

Tarou ta Jon 1:18

Ari ndramak batou Kindrei bwe le. Nadun le ari badeh, atou iy. Iy i buku le Kindrei, iy manyah udu hawe taman. Nadun le bwidiy, eme ma lau marakon atanan iy.

Tarou ta Jon 1:14

Sahou Awas eme asahan Ndramak Awas, ma manyah tan udu hawe taha. Ahi ndranyolom lomada Nadu Ndramak Awas. Iy badeh, Nadu Kindrei ari le. Iy irek ta tikisiy ma hawe iri sahou handru.

Tarou ta Luk 9:35

Eme ya sahou ari asahan bolo asi kandrah nane asehek i buku doh, “Idah naduk handru, jo suni iy ewek; ya ado kanuhun sahou tan.”

Tarou ta Luk 3:22

Malawin Ndrabun atah i buku ban eme andri eme bwele-en. Ya eme aloh ari udu kandrah tiye i buku doh, “Ou badeh, naduk handru, ma ou adek handru; ou le mesekei jo sekesek labai.”

Tarou ta Mak 9:7

Eme ma asi kandrah asahan ma tubuluhi oro, ya sahou ari asahan bolo asi kandrah nane asehek i buku doh, “Idah naduk handru. Jo aseken iy labai, ya ado kanuhun sahou tan.”

Tarou ta Mak 1:11

Ya, eme aloh ari udu kandrah tiye i buku doh, “Ou badeh, naduk handru, ma ou adek handru. Ou le mesekei jo sekesek labai.”

Metiu 26:63

Arile bwai, iy andru-uk le ai. Ano, tinan tiri pris asehek sahou i tan ja anya, “Jo ndremenya ou na nyara Kindrei kohan udu aliy, ya ou tandrakan handru ki loken ma ou tiye taso. Ou kede-eh Krais handru deh bwe? Ya ou Nadu Kindrei?”

Metiu 17:5

Pita asehek sahou kahis le, asi kandrah ari anya labai ili tubuluhi oro. Ya sahou randra asahan bolo asi kandrah nane asehek i buku doh, “Idah naduk handru. Jo aso-ok iy labai, ma jo sekesek tan handru. Ado kanuhun sahou tan.”

Metiu 11:27

Eme ma, Jises asehek ili ja buku doh, “Tama ndratehei lakou mari ndrame minek. Ya ari ndramak ja winiyan bala tanan jo bala mwasin bwe. Tama le ari tanan jo udu mwasin labai. Ya ari ndramak ja winiyan bala tanan tama bala mwasin bwe; jo nadun le ari tanan iy, hawe oro lau le jo ndranyowonyani oro ndrala mada taman, oro le tana oro tama.

Metiu 1:23

Badih ari bamadin hawe mwan bwe kameh susune nah ya iy kameh atehei nah mwan, ya idah kameh iri lau aloh iy Imanyuwel (moson i buku doh, “Kindrei udu hawe taha”). Aisaya 7:14

Jenesis 37:3

Jekop badeh aseken Josep tinan labai ja ta nadun oro mari. Tasah nadun doh badeh iy atehei iy badeh udu suniya iy ndra alon. Eme Jekop eme, mwesekei awin lawe-en moroyan labai i ta Josep.

Jenesis 22:12

“Ou sadai iy ma ou samwekes sasah sala tan, jo badeh tanan, ou badeh anoh Kindrei labai, eme ou basolo-ei nadum bwe.”

Jenesis 22:2

Ano Kindrei tiye, “Ou andrei Aisik, nadum ala adem handru in tan kede-eh badeh ou ala loboho Moreya. Jo kameh leheya mandrei kameh i tam ma ou asun iy ki nyara salom.”

Jenesis 44:20

Eme aso anya, ‘Ehe, aso badeh tama aso udu aliy ma hawe nadu tine aso udu aliy. Udu suniya tama aso i alon badeh iy atehei Benjamin ya nadu tinen ari badeh ndramak. Iy le ari badeh udu aliy; ma taman badeh aseken iy tinan labai.’

Tarou ta Mak 12:5

Ano ja, iy suni lohowan tan ari ili ja. Eme oro adai iy imek, ma hawe iri rayah ja ale oro ubwiy, ma rayah badeh, oro adai imek.

Tarou ta Mak 12:7

Arile oro salibah ta bilin suburuk i toro ari ari i buku doh, ‘Ei, nadun eme, to kadai iy, ma to kakuhi iri lakou tan mari.’

3 Jon 1:1

Jo Jon, jo udu bwena, ta atondrok lau ta Kindrei. Gayus, jo atorou la-ukei dah ewek tam. Ou nadu tinek handru. Jo aseken ou.