Tarou ta Mak 1:7 - Nyindrou

⁷ Eme iy tiye i buku doh, “Ndramak ari in hamon tek eme kameh boto-on tan sakalawi boto-on tek ja. Jo badeh, mwasin handru bwe, ta aluh i andri ta talou malou ta molowa ku-i katin bwe.

Tarou ta Mak 1:7 Referans Kwoze

Aposel 13:25

Ya eme suniya lahou ta Jon anya kano badeh, iy anya, ‘Ya, ado anya jo are lau handru? Jo badeh, iy bwe! Arile, are lau iy in hamon tek eme kameh, jo ndramak mwasin bwe, ta talou ku-i katin iu bwe!’

Tarou ta Jon 1:27

Iy in hamon tek eme kameh jo bala winiyan ta talou malou ta molowa ku-i katin bwe.”

Tarou ta Luk 3:16

Eme Jon anya, “Jo alomwa ado na gwa, arile ndramak ari in hamon tek eme kameh, boto-on tan badeh, sakalawi boto-on tek ja. Jo badeh, mwasin handru bwe, ta talou malou ta molowa ku-i katin bwe. Arile, iy kameh inyu ado na boto-on ta Malawin Ndrabun ma aleben ado buku jih.

Metiu 3:11

Jo alomwa ado na gwa ta leheya ado badeh, ndratubuni ndrine ado ma ado tikisi kandriyen ndra-in tado. Arile ndramak ari in hamon tek eme kameh, boto-on tan badeh, sakalawi boto-on tek ja. Jo badeh, mwasin handru bwe, ta bwese ku-i katin bwe. Iy kameh inyu ado na boto-on ta Malawin Ndrabun ma aleben ado buku jih.

Metiu 3:14

Arile Jon bwalen, eme iy tiye i buku doh, “Ou nane anyu jo ah, anya jo kinyu ou ja?”

Tarou ta Mak 1:6

Jon isin awin iri amekes na lami kamel, ma iy aseu balaban, iri amekes na ku-i bulumakau udu ndrukulun i buku malou ta aseu awin tan. Ya iy badeh, kaniyan sabaye ma hawe bwirik badu lokei.

Tarou ta Mak 1:8

Jo badeh, alomwa ado na gwa, arile iy kameh inyu ado na boto-on ta Malawin Ndrabun.”

Aposel 19:4

Eme Pol anya, “Alomwa ta Jon amekes badeh, ta i buku none ou tubuni ndrinem ta kandriyen ndra-in tam. Eme iy tiye i tiri lau badeh, katehei budon tiri handru ki-in ta ndramak ari in kona Jon eme. Iy badeh, Jises.”