Tarou ta Mak 1:41 - Nyindrou

⁴¹ Eme Jises tikisi iy labai, eme iy atehei minen i badan ma tiye i tan i buku doh, “Jo aseken. Ya ou amwenen.”

Tarou ta Mak 1:41 Referans Kwoze

Metiu 9:36

Eme Jises atou iri lau solo-an labai atukum, ma iy tikisi iri. Tasah, budon tiri inyon laleyah ta san ta takaleh Kindrei, ma iri ado ndra-in labai, buku none sipsip lau ta atondrok iri bwe.

Hiburu 4:15

Tasah, nyamu taha amwenen winiyan batisih iri kandriyen ndra-in iu bwe. Arile tinan tiri pris tataha amwenen doh, iy le ari winiyan tikisi taha. Tasah, iri maha-an asahan tataha, badeh, mene ndrasahan tan ta none iy ale. Arile iy bamekes ari kandriyen ndra-in bwe.

Hiburu 2:17

Kindrei ndrabwidi iy ndrasahan i buku le nadu tinen oro amwenen, ta iy kameh asahan tinan tiri pris toro. Iy asahan tinan tiri pris ta tikisi oro, ma iy in hamon tiri sahou marakon ta Kindrei ma iy amekes gok tan. Gok doh, ta akunoh ma ta mani kandriyen ndra-in ta lau marakon ano.

Tarou ta Mak 6:34

Eme oro anya ka amik le badeh, Jises atou iri lau solo-an labai, ma iy tikisi iri, tasah iri badeh, a buku none sipsip, ari ndramak ta atondrok iri bwe, ma eme iy leheya iri ta lakou solo-an.

Hiburu 1:3

Nadun doh leheyani lomada sun tinan ta taman Kindrei, ma lomadan tinan labai eme tataha, ma konen mara-ei i buku le Kindrei amwenen. Sahou tan nyamun labai, ma tawi iri lakou marakon udu munyak ma kandrah. Iy ndrabwidi gok tan ndrano ta talou iri mwan ma badih ado ta kandriyen ndra-in, ame ta kandriyen mwasin. Ano iy ili manyah udu kandrah mine Kindrei salin, iy boto-on labai.

Tarou ta Mak 5:41

Eme Jises tawi minen ma tiye i tan i buku doh, “Talita kumi,” moson, “Nadu badih, jo tiye i tam, ou amak ame loke.”

Tarou ta Mak 4:39

Eme iy amak eme loke, ma iy asehek sahou i ta siyer ma bayau anya, “Ou amondrei! Bahun ka-iy ai!” Eme siyer ma bayau amondrei ma gwa ndras ameres udu le udu.

Jenesis 1:3

Eme Kindrei eme, iy anya eh, “Kon kaleu.” Eme badeh kon aleu. Eme iy anyolom badeh ma iy sekesek handru.

Tarou ta Mak 1:40

Eme ndramak ari sik lepra udu tan eme atehei bwili ndru-un i andri, ma iy ndremenya Jises i buku doh, “I buku none ou aseken, ou winiyan mesekei jo kamwenen ja udu mada Kindrei.”

Tarou ta Mak 1:42

Eme ma nawin bwe, lepra udu badan amai iu laleyah ma iy ndramwenen ja.