Tarou ta Mak 1:32 - Nyindrou

³² Eme na beyeh an anya ki andri badeh, iri atiye iri lau mari sik ma hawe lau malawin ndra-in udu bwele-e iri ame hawen.

Tarou ta Mak 1:32 Referans Kwoze

Metiu 8:16

Mirihik kon anya ka beyeh, ya iri lau atiye lau solo-an nane balik udu bwele-e iri ame hawe Jises, eme ma iy asehek le sahou ili tiri malawin ndra-in, ma tikahei iri au, ma iy mesekei iri lau mari amwenen ja.

Tarou ta Luk 4:40

Eme len ta amunyau ano, an anya ki andri, iri atiye iri lau solo-an, saba sik udu tiri ame hawe Jises. Ya eme iy edeu minen i la-u iri mari, ma iy mesekei iri amwenen ja.

Tarou ta Mak 3:2

Oro lau rayah ado aliy, eme ya oro anya katakaleh madasan ta kadeu Jises ki ta mada sahou. Eme iri atehei mada iri udu tan, i buku iy kamesekei ndramak dah kamwenen na len ta amunyau dah, deh bwe.

Metiu 4:24

Nyaran ma sihide lahou iy amekes aseker i bolo Siriya mara-ei, eme ya iri lau atiye iri lau sik udu tiri, ma iri lau sik tiri bwidi iri sisi-in labai, ya hawe iri lau balik lolowa iri ma bwidi iri lolo-ou, ma hawe iri lau kati iri ma mine iri winiyan ta bales bwe. Iri tiyani iri lau mari doh ame hawen, eme ma iy bwidi iri lau mari doh amwenen ja.

Tarou ta Mak 1:21

Ano oro ame kon tinan Kapena-um na bolo len ta amunyau, eme ma Jises ili bolo asiu ta atukum tiri Juwis, ma leheya iri lau.

Metiu 8:17

Idoh ta amekes sahou ta propet Aisaya ndrasihidiy, asahan handru: “Iy amwenen bwese-ei sik tataha ma iy andrei sik ndra-in tataha iu i len.” Aisaya 53:4

Tarou ta Mak 1:31

Eme Jises ili hawen tawi minen ma suri iy eme loken, eme ma badan nyarahan nane iu, ma iy amekes noro nyamon.

Tarou ta Luk 4:41

Ma hawe iri malawin ndra-in solo-an ado la-u iri lau anyar ame len, tiye i buku doh, “Ou badeh, Nadu Kindrei.” Arile, iy tiye iri kandru-uk le, tasah iri ndratanan, iy badeh, Krais.