Tarou ta Mak 1:21 - Nyindrou

²¹ Ano oro ame kon tinan Kapena-um na bolo len ta amunyau, eme ma Jises ili bolo asiu ta atukum tiri Juwis, ma leheya iri lau.

Tarou ta Mak 1:21 Referans Kwoze

Tarou ta Mak 6:2

Eme na bolo len ta amunyau, iy leheya iri lau an asiu ta atukum tiri Juwis. Eme lau solo-an anuhun iy asehek sahou, ma mani iri atur, ma iri ndremenya, “Iy ndramak kede-eh, iy akohok tanan doh badu heh handru? Aden! I buku sah iy amekes lahou tinan na minen!

Tarou ta Mak 1:39

Eme ma iy edek ili loboho Galili mara-ei asehek sahou in bolo asiu ta atukum tiri Juwis ma atikah iri malawin ndra-in au.

Metiu 4:23

Jises edek ili loboho Galili mara-ei, leheya ma asehek sahou mwasin ta tondrok ta Kindrei udu bolo asiu ta atukum tiri Juwis, ma iy bwidi iri sik ndra-in mari udu bada iri lau iu.

Aposel 17:2

Eme i buku none kandriyen ta Pol, iy ndramekes ndra-au, ndra-au badeh, iy ili ndrahune tukum. Eme na len taloh ta len ta amunyau ja badeh, iy andres hawe iri ta sahou badu bolo tarou ta Kindrei.

Aposel 18:4

Na len ta amunyau mari badeh, iy ili ndrahu tukum tiri Juwis badeh, anya kaliu budon tiri Juwis hawe iri lau badu Grik.

Metiu 4:13

Ano iy ruwani Nasaret ma iy iu ili manyah udu Kapena-um. Ya kon doh udu mirihik ta gwa li ari udu bolo munyak ta Sebulun ma udu bolo munyak ta Naptali.

Tarou ta Luk 13:10

Na len ta amunyau ari, Jises leheya iri lau udu asiu ta atukum tiri Juwis.

Tarou ta Luk 10:15

Ya ado lau badu Kapena-um, sebwe iri lau ra-on ja kameh bwese nyara ado ili loken ili kandrah nadeh? Bwe handru en! Kindrei kameh akahei ado ala bolo jih, kon tiri lau ndra-in amak ado aliy.

Tarou ta Luk 4:16

Ano Jises iu i hamon ja ili Nasaret, kon mene iy i tinan udu aliy. Eme i buku none len ta amunyau mari ndra-au, eme na len ta amunyau dah ja, Jises ili bolo asiu ta atukum tiri Juwis.

Tarou ta Mak 10:1

Eme ma Jises hawe oro lau tan ruwani kon Kapena-um, ma oro au ala loboho kon Judiya ereu kapa gwa Jodan bilisiu. Eme ma iri lau solo-an solo-an atukum ame hawen ja, ya eme i buku none kandriyen tan ala iy ndramekes ndramekes ndra-au, eme ma iy leheya iri.

Tarou ta Mak 2:1

Na len ra-on hamon ja, Jises eme hamon eme Kapena-um, eme ma sahou ta nyalan ndraseker, tasah iy ndrame bolo kon.

Tarou ta Mak 1:20

Eme iy atou uru le badeh, ma iy aloh i turu, eme uru ruwani tama uru Sebedi hawe lau ta kubwin nane an gwek ai. Eme ma uru an hamon ta Jises.

Tarou ta Mak 1:29

Ano nawin bwe oro ame len ta asiu ta atukum tiri Juwis ma oro adek ales ala asiu ta Saimon uru Enduru, ma Jemis uru Jon a hawe oro.

Tarou ta Mak 1:33

Eme iri lau mari badu kon tinan mara-ei atukum ala loboho le madasan ta asiu.

Tarou ta Mak 3:1

Eme Jises iu i hamon ja ili asiu ta atukum tiri Juwis, ya eme ndramak ari in aliy, minen imek.

Tarou ta Luk 4:23

Ano Jises tiye i toro, “Jo tanan labai, idah kameh ado anya, ‘Ou tiye sahou mwasin ki tam le. Ou badeh, ndramak ta amekes lau oh? Ou amekes kudu kon tam mwena op!’ Ya idah kameh, ado tiye eme tek ale anya, ‘Abo, ou none amekes lahou mene ou amekes udu Kapena-um kudu kon tam amwenen dah se.’ ”