Tarou ta Mak 1:1 - Nyindrou

¹ Idah sahou mwasin ma mwena asahan ta nyala Jises Krais, Nadu Kindrei.

Tarou ta Mak 1:1 Referans Kwoze

Tarou ta Jon 20:31

Arile katin ta jo atorou iri sahou dah, ta aha katehei budon taha kili le ta Jises. Iy Mesaya, ndramak nane Kindrei suni iy eme kon munyak, ta akohok lau tan marakon badu kon munyak ame hamon. Iy nadu Kindrei. Buku aha atehei budon taha marakon in tan, aha kameh akohok koha aha in le ta nyaran.

Metiu 17:5

Pita asehek sahou kahis le, asi kandrah ari anya labai ili tubuluhi oro. Ya sahou randra asahan bolo asi kandrah nane asehek i buku doh, “Idah naduk handru. Jo aso-ok iy labai, ma jo sekesek tan handru. Ado kanuhun sahou tan.”

Metiu 4:3

Ya balik eme asahan hawen, ma iy tiye i buku doh, “I buku none ou anya ou Nadu Kindrei, ou asehek sahou kili toro bek dah kasahan jabi ramen.”

Metiu 14:33

Eme ma oro lau areu bolo ndron nane asolom i ta Jises ma oro anya, “Handru labai, ou Nadu Kindrei handru.”

Metiu 3:17

Eme ya aloh ari udu kandrah tiye i buku doh, “Badeh naduk handru, jo aseken iy labai, iy le mesekei jo sekesek handru tan.”

La-ukei ta Pol atorou ili tiri lau badu kon Rom 8:3

Tasah, batanau malen badeh, boto-on tan winiyan basakalawi boto-on ta karei ma lomondra ndra-in bwe. Iy badeh, nyowonya le karei ma lomondra ndra-in udu bolo oda taha, ma iy winiyan basikine ba-au bwe. Arile, Kindrei le suni nadun amwenen asahan awas i buku taha ndramak ta karei ma lomondra ndra-in, i nyara salom, ma iy imek ta aseben taha mari. Handru, Kindrei le badeh, atehei Krais i buku none ndramak ta amekes karei ma lomondra ndra-in i saluwe taha.

Tarou ta Jon 1:14

Sahou Awas eme asahan Ndramak Awas, ma manyah tan udu hawe taha. Ahi ndranyolom lomada Nadu Ndramak Awas. Iy badeh, Nadu Kindrei ari le. Iy irek ta tikisiy ma hawe iri sahou handru.

Tarou ta Jon 6:69

Ahi ndratehei budon tahi marakon ndrawek tam, ma ahi ndratanan, ou badeh, Nadu Kindrei ndrabun ari le.”

Tarou ta Jon 3:16

“Sahou doh handru, tasah Kindrei aso-ok taha lau marakon badu kon munyak tinan labai. Iy eme tikisi taha, ma iy atehei nadun mwan ari le eme tataha. Buku are lau iy atehei budon handru in tan, iy kameh winiyan bamak bwe, ma kohan handru kameh ta udu le buku doh.

Tarou ta Jon 1:49

Ano Nataniyel asehek sahou i tan ja, “Ndramak ta Leheya, ou kede-eh Nadu Kindrei, ma ou kabin badu Isra-el.”

Tarou ta Jon 1:34

Eme Jon asehek, “Handru, jo ndranyolom, ma jo ndrasehek taha. Iy kede-eh Nadu Kindrei handru.”

Tarou ta Luk 1:35

Eme angelo dah anya, “Malawin Ndrabun kameh ewek la-um, ma hawe boto-on ta Kindrei ewek la-um. Ta katin doh le, nah doh kameh i ndrabun ma aloh iy Nadu Kindrei.

La-ukei ta Pol atorou ili tiri lau badu kon Rom 8:32

Kindrei batawi nadun amwenen ba-en gwek bwe, arile iy atehei nadun eme bwese isi ma imek ta akunoh taha mari. Handru, taha ndranyolom iy badeh, ndratehei nadun oh! Ya, idah kameh, aha abudon anya iy winiyan batehei lakou mwasin mari bame tataha bwe? Bwe, idah kameh, iy atehei laleyah i ta nadun ma i tataha ale.

Aposel 1:22

Udu ndra kabatana Jon ta alomwa eme, eme taku kabatana andrei Jises udu hawe to iu i loken. Iy doh badeh, keme hawe to ta asehek nyala Jises mene amak eme awas ja.”

Aposel 13:24

Jises basahan bwe le badeh, Jon tiye sahou i tiri lau badu Isra-el katubuni ndrine iri ta kandriyen ta karei ma lomondra ndra-in, ma kalomwa iri.