Taitus 3:8 - Nyindrou

⁸ Eme sahou, jo tiye tam dah badeh, handru. Ou ales ya asehek sahou boto-on ki toro lau ala ndratehei budon toro handru ndra ta Kindrei badeh. Eme ma oro katehei budon toro ki ta amekes kandriyen mwasin. Eme ya leheya dah badeh, mwasin labai ta aseben lau mari.

Taitus 3:8 Referans Kwoze

Taitus 3:14

Ma laba tinan ta aliy badeh, iri lau tataha ta Kindrei badu hawe to katanan ta kandriyen mwasin ta aseben ta lakou i buku none iri ado ndra-in ta bolo manyah tiri. Oro ka-en hamon ta kandriyen doh, ya oro samanyah laleyah.

Taitus 2:14

Iy le badeh, atehei iy imek i saluwe taha ta akunoh taha ta lakou ndra-in taha amekes, ma sikinei taha amwenen mara-ei, ma mesekei taha asahan lau tan handru, ma mesekei taha anya kamekes kandriyen mwasin le.

Taitus 1:9

Iy katawi budon tan handru kihis ta sahou ta Kindrei mene ndratiye, eme iri winiyan anuhun, ma winiyan atehei budon handru tiri i ta aliy, in hamon ta bolo tanan handru. Ma i san le doh kameh winiyan mesekei iri abadok ta budon, ma ale winiyan mesekei iri lau abadok ado bolo sahou ta wasai, ame bada sahou handru.

Taitus 3:1

Ou tiye ki tiri lau ta Kindrei kare bahandra tondrok tiri lau ta atondrok iri, ma kanuhun boho iri. Ma oro lowosa oro kado le ta kamekes lahou mwasin le.

1 Pita 1:21

Na Jises le badeh, aha atehei budon taha in ta Kindrei. Iy mene ndramete-ei Jises udu bolo lek ta imek ndrame awas ja, ma iy ndratehei nyosowan ndrabun ndrala la-un. Eme ma, aha atehei budon taha boto-on in ta Kindrei, ma aha abe-en iy ta eme akohok aha ala hawen. Ma aha kameh akohok kohan mwasin ma manyah mwasin hawe Krais.

1 Timoti 1:15

Ya sahou tek dah lau kanuhun, idah sahou handru aha kanuhun: Krais Jises eme andri bolo munyak ta aseben lau ta karei ma ta lomondra ndra-in. Ya jo dah badeh, ndra-in labai ja, sakalawi lau mari.

La-ukei ta Pol atorou ili tiri lau badu kon Rom 4:5

Arile, i buku none ndramak bamekes ari lahou ta an hamon ta batanau malen ta Moses bwe, arile iy atehei le budon tan handru i ta Kindrei, ndramas tan badeh i buku doh: Kindrei aloh iy ndramak mwasin handru. Handru! Iri lau nane ta amekes karei ma lomondra ndra-in badeh, Kindrei winiyan aloh iri lau mwasin mara-ei ta madan.

Tarou ta Jon 12:44

Jises asehek sahou bohon i tinan, “Buku ari ndramak iy atehei budon tan in tek, badeh, ba-en tek le bwe, badeh, in ta are lau nane iy suni jo eme dah.

Tarou ta Jon 5:24

“Handru labai, jo katiye tado: Are lau iy anuhun sahou tek ma iy atehei budon in ta iy nane suni jo eme, kohan handru kameh winiyan bano bwe, iy kameh ta udu le buku doh. Iy winiyan bala ta mada sahou bwe. Iy ndrasakalawi imek, ma iy akohok kohan handru.

Pilemon 1:11

Bwena mene iy bamekes ari gok mwasin ta aseben ou bwe. Arile na dah ja, iy ndrasahan mwasin labai, ta aseben talu ma la-uh.

2 Korin 4:13

Udu bolo buk Wari ta bolo buk ndrabun, ndramak ari torowenei i buku doh, “Jo atehei budon tek handru, Kindrei kameh in hamon le ta sahou tan. Eme ma, jo asehek iy ili tiri mwan ma badih.” Wari 116:10 Ahi aposel ale, budon tahi i buku le ta ndramak doh. Eme ma, ahi badeh, atiye sahou mwasin ta Laban.

Aposel 12:15

Eme iri anya, “Ou kede-eh budon tam ndra-au oh!” Bwai, iy asehek le ili anya, “Ado kanuhun jo. Ndrakan en! Iy asah udu manan kodo-oh.” Eme iri anya, “Sebwe, malawin eme ales nadeh.”

Epesus 4:28

Ya, sahou randra ja udu aliy. Iri lau ta bahana, winiyan babahana ja bwe. Na dah, iri kamekes gok. Iri kamekes gok mwasin na le mine iri amwenen, ma tiri lakou kudu aliy, ta adeu kili tiri lau lakou bwe.

1 Timoti 2:8

Eme ya budon tek, jo aseken aha lau mwasin ta mada Kindrei badu kon mari kamekes salom ma kasore mine aha ki loke. Ma hawe aha kateu lim, ma aha sasobobo ndri-iy.

1 Timoti 5:10

Ma iri badeh, nyara iri bandra-i bwe, hawe iri badeh, mene ta leheya nadu iri ta kandriyen mwasin. Ya eme mesekei iri lau badu leheleh badeh, adah asiu. Ma iri badeh, mene badih ta leheya kandriyen mwasin, i buku none lohowan sikine kati iri lau ta Kindrei. Ya ma iri ale badeh, aseben iri lau ado ta maha-an, ma iri atehei ndrine iri badeh, i ta kandriyen mwasin.

2 Timoti 1:12

Eme ma, jo bwese maha-an doh, ma jo eme udu bolo asiu lulik kada-ah. Arile, bwilik bama ta udu bolo asiu lulik ma bwese maha-an kada-ah, bwe. Tasah, jo ndratanan Krais Jises, ma jo atehei budon tek handru in tan. Ma jo tanan, iy winiyan tondrokei gok ta atiye sahou tan dah udu mwasin, iy ndratehei ndrame minek, ma gok doh kameh udu mwasin mara-ei ili winiyan le len iy eme hamon ja.

Taitus 2:7

Eme ya udu bolo lahou tam mari, kandriyen tam kudu mwasin labai, ta iri lau kanyolom ou. Ma, i buku none ou leheya iri lau, ou asehek na ndrinem ki handru le.

Hiburu 10:24

Taha ale kabudon iri lau mwan ma badih rayah ta Kindrei, ma taha kasilah san mwasin ta aseben iri ta aso-ok iri rayah ja, ma ta amekes kandriyen mwasin ili tiri lau.

Metiu 20:4

Eme iy tiye toro i buku doh, ‘Ado ale kala kabo gok bolo bilin waen. Ya jo kameh isih ado winiya le gok ado bwidiy.’