Taitus 3:7 - Nyindrou

⁷ Ya eme, to badeh, kamekes budon ta to kirih ma kabadok, ta bolo manyah tato udu le buku doh hawe Kindrei. Ki buku none ari nah abe-en lakou mwasin badu mine taman. Tasah, na kandriyen ta tikisiy tan le badeh, mesekei to ado mwasin labai ta madan.

Taitus 3:7 Referans Kwoze

La-ukei ta Pol atorou ili tiri lau badu kon Rom 8:17

Ya, i buku none taha ndrasahan nadun, idah kameh, taha akohok nyosowan mwasin tan udu hawe iri lau tan. Ma idah kameh, taha ma hawe Krais kameh atondrok lakou mene Kindrei atehei udu mine Krais, arile taha ma mwena kabwese maha-an ma isi, iri lau kamekes keme tataha op, ano kameh Kindrei edeu manyah mwasin eme tataha i le buku manyah mwasin ta Krais.

La-ukei ta Pol atorou ili tiri lau badu kon Rom 3:24

Arile, Kindrei tikisi taha, ma i san ta Krais Jises akohok taha ame hamon, iy edeu ndramas tan laleyah eme tataha. Ya, na ndramas tan le doh, iy aloh taha mwasin mara-ei ta madan.

Taitus 2:11

Katin ta ou leheya, ma batanau iri lau ta Kindrei, ka-en hamon ta kandriyen doh badeh, asah i buku doh: Na tikisiy ta Kindrei le, eme la-u taha mari badeh, mesekei iy suni Jises Krais eme munyak, ta sikine karei ma lomondra ndra-in tataha.

1 Korin 6:11

Aha rayah bwena mene i buku iri lau doh. Arile, na dah ja, nyara Laban tataha Jises Krais ma hawe boto-on ta Malawin Mwasin ta Kindrei tataha, anyuwi aha, lebelei aha, ma bwidi aha asahan iri lau tan mwasin ta madan.

Taitus 1:2

Eme ya, ta tanan handru doh badeh, oro winiyan atanan oro udu mwasin ta koha oro winiyan ta bano bwe. Ma oro winiyan atanan udu mwasin labai ta Kindrei badeh, ndramak ta wasai bwe. Eme ya udu ndra bada katin, ta lakou mari basahan bwe le badeh, Kindrei tandrakan iri lau tan kameh winiyan bamak bwe. Iri kameh ado hawen udu le buku doh.

Jemis 2:5

Aha nadu tine mwan ma badih, aha kanuhun. Kindrei badeh, ndralebelei iri lau, tiri lakou bwe badu kon munyak badeh, ta iri kameh are mwasin labai ta budon handru in ta Kindrei. I buku le Kindrei bwena mene ndratandrakan i buku doh, iri mwan ma badih doh atehei budon tiri in tan handru ma aseken iy labai, iy kameh bwidi iri asahan lau tan, ma iy atondrok iri.

Galesiya 2:16

Arile ndri-iy ai, ahi tanan labai, ta Kindrei aloh ndramak mwasin mara-ei ta madan badeh, i san ta budon handru le, i ta Jises Krais; ba-en hamon ta batanau malen tiri Juwis, nane leheya kede-eh, bwe. Ma, taha Juwis ale kasahan mwasin ta mada Kindrei i san ta budon handru le in ta Krais Jises, bala san ta a-en hamon ta batanau malen bwe. Tasah, ari ndramak badeh, winiyan bamwenen ta mada Kindrei i buku iy ki-in hamon ta batanau malen asehek, bwe.

La-ukei ta Pol atorou ili tiri lau badu kon Rom 11:6

Iy atehei tikisiy badeh, i kati budon tan, ya buku iy anya kasolo-ei ndramak badeh, iy ba-en hamon ta lahou ndramak amekes doh bwe. Tasah, ki buku none Kindrei kasolo-ei ndramak ki-in hamon le ta lahou iy amekes, idah kameh tikisiy tan ari moson bwe.

Galesiya 3:29

Ya, buku none aha badu hawe Krais handru, badeh, aha nadu Abraham ai. Ma idah kameh, aha akohok kohan ha-un ma manyah mwasin mene Kindrei tandrakan ta aliy.

La-ukei ta Pol atorou ili tiri lau badu kon Rom 4:16

Eme ya, Kindrei kameh edeu lakou mene iy tandrakan i ta Abraham kameh i tare lundriyen oro le atehei budon toro handru in tan. Ya eme Kindrei kameh tikisi oro ma edeu lakou tan mari i toro laleyah le. Bala toro le are baha batanau malen, ma hawe bala toro are atehei budon toro handru i buku Abraham le, bwe. I toro ma lubuk. Tasah, iy badeh, tama taha mari.

La-ukei ta Pol atorou ili tiri lau badu kon Rom 3:28

Eme ma, taha atanan, buku mwan o badih atehei budon handru in ta Jises imek ta sikine kandriyen ndra-in tan mara-ei iu, Kindrei winiyan aloh iy mwasin mara-ei. Arile, are mwan o badih in hamon le ta batanau Kindrei mene edeu i mine Moses, Kindrei kameh winiyan basehek anya, iy mwasin mara-ei, bwe. Winiyan bwe!

1 Pita 3:7

Buku none aha lau tasou ale, aha kakohok budon mwasin, ya aha kamanyah kamwenen hawe udu aha iri. Aha kalelek iri badih ale, tasah bada iri badih badeh, boto-on handru bwe. Idoh le aha kamekes kandriyen mwasin ki tiri. Iri badih ale kameh akohok koha iri ma nyosowa Kindrei mwasin hamon hawe aha mwan. Eme ma, buku none aha an hamon ta sahou dah, ari lakou winiyan basokei salom taha bwe, buku none aha asolom i ta Kindrei.

Hiburu 11:9

Abraham atehei iri budon tan mara-ei handru, eme ma iy manyah i buku ndramak badu kon leheleh udu bolo kon ta tandrakan nane doh. Ndrahunen badeh, udu bolo balei, i buku le Aisik uru Jekop. Uru akohok tandrakan ta Kindrei i buku le Abraham le mene akohok.

Hiburu 11:7

Nowa atehei iri budon tan mara-ei ili le ta Kindrei, eme iy i tanan iri saba lakou iy banyolom bwena bwe kameh asahan hamon. Iy anuhun boho Kindrei, iy eme bwidi ndron ra-ei ta aseben iy, udun hawe nadun oro mara-ei ala bolon. Ta budon tan i ta Kindrei le badeh, iy atehei iri lau marakon badu kon munyak ala ta mada sahou, ma Kindrei aloh iy lau mwasin labai ta madan, tasah ta kandriyen tiri budon tan mara-ei ili le Kindrei.

Hiburu 6:17

Bwena mene Kindrei amekes tandrakan ta iy kameh amekes mwasin eme tataha nadu tubu Abraham. Iy eme leheyani taha amwenen labai, ta iy winiyan batubuni budon tan bwe, eme ma iy tandrakan ili loken handru labai ta amekes sahou tan abadok ma ili handru.

Galesiya 4:7

Eme ma, taha badeh, bado buku nadu Kindrei nyandren, buku bonyo-ou tan ja bwe, tasah taha ndrasahan ndra tinan ndra en, ma Kindrei ndratehei kalem ndrame tataha ta akohok manyah mwasin doh, hamon.

La-ukei ta Pol atorou ili tiri lau badu kon Rom 4:4

Arile, i buku none ari ndramak amekes lahou badeh, iy bakohok luk bala buku none ndramas tan, bwe. Iy akohok bundruwe lahou tan labai.

Taitus 2:13

To mari badeh, kandriyen tato ki le buku doh na len mari. Tasah, to abe-en lakou kameh eme, eme ma lakou doh kameh mesekei to sekesek ta aliy. Lakou to abe-en doh badeh, Jises Krais ta aseben taha, iy kameh eme, ma hawe lomadan tan. Iy badeh, Kindrei tataha, iy Kindrei boto-on labai, ma iy le badeh, mene sebenei taha ado bolo kandriyen ta karei ma lomondra ndra-in ame hamon.

Metiu 25:34

“Ya kabin kameh tiye toro lau areu minen salin anya, ‘Ado kame, tama ndranyosowani ado. Ado kame kakohok ndrahune ado, tama ndralowosaniy kala munyak dah ma ha-un kahis le.

Tarou ta Mak 10:17

Eme Jises anya kedek san anya ki-iu le badeh, ndramak ari sakaniy in hamon tan eme, aluh udu andri mada Jises, ma iy ndremenya iy, “Ndramak ta leheya, ou mwasin handru. Jo kamekes saba kandriyen handru ya jo kakohok kohan mwasin ta ereu le buku doh len mari?”

2 Tesalonaika 2:16

Laban tataha Jises Krais hawe tama taha Kindrei mene tikisi taha. Eme ma Laban bwidi kandriyen mwasin eme tataha, ma bwidi budon tataha amwenen udu le buku doh. Ma iy aseben taha ta budon, ma taha atondrok Kindrei kamekes manyah tataha kudu mwasin.

Hiburu 1:14

Iri angelo badeh, malawi iri le, iri ta amekes gok ta Kindrei. Kindrei tiye iri ala ta aseben lau, ta akohok iri kame hamon ja.