Taitus 3:12 - Nyindrou

¹² Jo kameh tiye ari turu lau ma la-uh doh awek akohok kon tam, Atemas deh Titikus kameh ewek hawem. Ya, i buku none ari turu asahan le badeh, jo aseken ou ame hawek ame kon tinan Nikopolis. Katin ta jo anya ou ame badeh, i buku doh: Tasah, jo ndratehei budon tek ta ili udu doh, na len ta jor ma ur.

Taitus 3:12 Referans Kwoze

2 Timoti 4:9

Ou asilah san tam, ta ame hawek suwi.

Aposel 20:4

Ya oro lau a hawen badeh, nadu Pirus nyaran Sopater badu kon Beriya, Aristakus hawe Sekundus badu kon Tesalonaika, ya Gayus badu kon Debi, ma hawe Timoti, Titikus ma hawe Tropimus badu kon munyak Esiya.

2 Timoti 4:21

Eme ma, jo aso-ok ou asilah san suwi ta ame. Kora-on len ta ur ma jor laba tinan kasahan. Yubulus, Pudens, Linus, Klodiya, ma iri lau ta Kindrei are kada-ah badeh, anya bada-an tiri mwasin ewek tam.

2 Timoti 4:12

Jo suni Tikikus ndrala Epesus.

1 Korin 16:6

Sebwe, jo kameh udu hawe aha luluwen sese. Jo bala tanan bwai, sebwe jo kameh udu hawe aha winiya le len ta nyala, ma jor amondrei. Ano, jo anya kili kon rakon ja badeh, jo aso-ok aha kaseben jo ta ili.

Epesus 6:21

Tikikus kameh barasehek nyala aha ta iri gok marakon jo amekes. Tikikus badeh, iy nadu tine taha ari handru, ma iy ndramak ari mwasin ta amekes lahou ta Laban. Jo badeh, aso-ok iy labai.

Kolosi 4:7

Tikikus kameh barasehek taha, tiri gok marakon jo amekes. Tikikus badeh, ibo gok i buku le jo, iy nadu tine taha handru, ma iy ndramak ari mwasin handru ta amekes lahou ta Laban.