Taitus 2:8 - Nyindrou

⁸ Eme lau sasehek to, tasah to asehek sahou in badan amwenen. Ou amekes lahou doh, ya i buku none are lau kandres to ta aliy badeh, bwilin kameh ama ta aliy, tasah sahou iy asehek doh bamwenen bwe.

Taitus 2:8 Referans Kwoze

1 Pita 2:12

Buku none iri lau tana iri Kindrei bwe, orou sahou ewek la-u aha, ma anya, “Aha lau ndra-in,” mwasin, iri baranyolom kandriyen taha mwasin aha amekes. Ma hamon kameh, iri barasehek anya, “Ehe, ahi badeh amekes budon ndra-in; arile, iri lau ta Kindrei doh badeh, amekes kandriyen mwasin.” Eme ma iri kameh adeu wurah i ta Kindrei, ta kandriyen mwasin taha nane, na len Kindrei eme hamon ta anuhun sahou tataha.

1 Pita 2:15

Ya, aha kamekes kandriyen buku doh, tasah Kindrei aso-ok aha kamekes kandriyen mwasin. Ma, na kandriyen mwasin taha nane, aha kameh leheya iri lau tana iri Kindrei bwe, ma ba-en hamon ta sahou tan bwe. Iri amekes wasai ma orou sahou laleyah ewek la-u aha. Iri kameh bwili iri ama, ma iri winiyan basehek sahou ja bwe.

1 Pita 3:16

Arile, aha kasumon sahou tiri kamunum, idoh kandriyen mwasin. Ma budon taha kudu mwasin ale. Ya, buku none iri aluhe, ma adeu bwilima ewek taha, tasah aha amekes kandriyen mwasin ta nyara Krais, hamon kameh iri lau nane amekes ndra-in ewek taha, bwili iri kameh ama.

1 Timoti 6:3

Eme ya ou badeh, leheya ma tiye sahou dah ta aliu oro: I buku none oro are lau leheya tanan randra labai; bala buku none sahou handru ta Laban Jises Krais bwe, ma hawe bala buku none sahou handru ta lau ta Kindrei, aso leheya dah bwe; badeh kameh, iy ndra ari ai, arile iy tanan lakou bwe. Ma iy doh badeh, tanan sahou bwe, ma iy ta asoh sahou, ma ta aburoh sahou. Ya idoh kameh tiyani madalakis, losen ta lakou, ma hawe sondrokonya, ma amekes budon laleyah,

2 Tesalonaika 3:14

Buku iri mwan ma badih rayah ba-en hamon tiri sahou, aso torowenei in bolo la-ukei dah bwe, mada aha kaleu kamwenen kudu tiri. Ma aha sadek hawe iri, ma idah kameh bwidi bwili iri mara-ei ama.

1 Timoti 5:14

Eme, jo abudon ta badih nyau bihin badeh, katasou ja kamekes nah ma katondrok oro. Kora-on iri lau ale budon tiri ndra-in udu ta to, sasehek to.

Tarou ta Luk 13:17

Ya eme sahou iy tiye dah badeh, mesekei iri lau heh budon tiri ndra-in udu tan badeh, bwili iri ama. Arile, iri lau buku liliy badeh, sekesek labai ta lakou mwasin iy amekes.

Tarou ta Mak 12:34

Eme Jises anuhun ma iy asehek mwasin handru, eme iy tiye i tan, “Ou badeh, are mirihik labai ta tondrok ta Kindrei.” Ano, hamon ta aliy iri anoh ma iri bandremenya ari ndremenya bala tan ja bwai.

Tarou ta Mak 12:32

Eme ma iy ndramak nane dah tiye i ta Jises, “Handru labai, ndramak ta leheya, ou nane tiye handru. Ari Kindrei udu kede-eh ja bwai, iy le ari.

Tarou ta Mak 12:28

Eme ma ndramak ari ta leheya kandriyen tiri Juwis eme bolo iri ma iy anuhun iri andres iri. Eme iy anuhun Jises asehek sahou i tiri ndra mwasin le ai. Eme ma iy ndremenya Jises i buku doh, “Saba sahou batanau badeh, tinan handru ma udu bwele-e iri sahou batanau mari?”

Tarou ta Mak 12:17

Eme Jises tiye i tiri, “Mwasin, saba lakou ta Sisa, aha kadeu ki ta Sisa. Ya saba lakou ta Kindrei, aha kadeu ki ta Kindrei.” Ya eme boho iri asak.

Taitus 3:14

Ma laba tinan ta aliy badeh, iri lau tataha ta Kindrei badu hawe to katanan ta kandriyen mwasin ta aseben ta lakou i buku none iri ado ndra-in ta bolo manyah tiri. Oro ka-en hamon ta kandriyen doh, ya oro samanyah laleyah.